ಚಿನ್ನಾ ಚಿನ್ನಾ ನೀನು ಅದೆಷ್ಟು ಚೆನ್ನಾ?

Skin Care

oi-Sumalatha N

By Sumalatha N

Published: Tuesday, August 2, 2011, 17:10 [IST]

ಹೆಣ್ಣೆಂದ ಮೇಲೆ ಹೊನ್ನಿನ ಆಸೆ ಇರಲೇಬೇಕು. ಮೈತುಂಬ ಚಿನ್ನ ತುಂಬಿಕೊಂಡು ಸಂತಸದಿಂದ ನಲಿವ ಹೆಂಗಸರಿಗೆ ಆಭರಣಗಳು ಶೋಭೆ ಕೂಡ. ಆದರೆ ಈ ಚಿನ್ನದ ಬಗ್ಗೆ ನಿಮಗೆಷ್ಟು ಗೊತ್ತು? ಚಿನ್ನದ ರೇಟ್ ಗಳನ್ನ ಮಾತ್ರ ನೋಡೊ ನಾವು ಅದರಲ್ಲಿರೋ ಅಂಶಗಳ ಬಗ್ಗೆ ಯೋಚನೆ ಮಾಡೋದೇ ಇಲ್ಲ.

ನಾವು ತೊಡುವ ಆಭರಣದಲ್ಲಿ ಹಾಗೂ ಸುಕ್ಕು ನಿವಾರಣೆ ಮತ್ತು ಇನ್ನಿತರ ತ್ವಚೆ ಸಂಬಂಧಿ ಚಿಕಿತ್ಸೆಗೆ ಬಳಸುವ ಚಿನ್ನದಲ್ಲಿ ಅದೆಷ್ಟು ಒಳ್ಳೆಯ ಮತ್ತು ದುಷ್ಪರಿಣಾಮ ಉಂಟುಮಾಡುವ ಅಂಶಗಳಿವೆ ಎಂಬುದರ ಬಗ್ಗೆ ತಿಳಿದುಕೊಳ್ಳೋಣ

ತ್ವಚೆ ರಕ್ಷಣೆಗೆ ಚಿನ್ನ ಒಳ್ಳೆಯದು?

* ಚರ್ಮದ ಪದರದಲ್ಲಿ ಜೀವಕಣಗಳ ಬೆಳವಣಿಗೆಗೆ ಸಹಾಯ ಮಾಡುವ ಚಿನ್ನದ ಅಂಶ ಚರ್ಮವನ್ನು ಸುಕ್ಕಿನಿಂದ ರಕ್ಷಿಸುತ್ತದೆ.

* ಸೂರ್ಯನ ಕಿರಣಗಳಿಂದ ಉಂಟಾಗುವ ಕಪ್ಪು ಕಲೆ ಮತ್ತು ಇನ್ನಿತರ ತ್ವಚೆ ಸಮಸ್ಯೆಗಳನ್ನು ತಡೆಯುತ್ತದೆ. ಮುಖದಲ್ಲಿನ ಕೆಂಪುಗುಳ್ಳೆಗಳನ್ನು ತಡೆದು ಮೆಲನಿನ್ ಅಂಶವನ್ನು ಕಡಿಮೆ ಮಾಡುತ್ತದೆ. ತ್ವಚೆಯಲ್ಲಿನ ಅನವಶ್ಯಕ ಎಣ್ಣೆ ಜಿಡ್ಡನ್ನು ಹೋಗಲಾಡಿಸುತ್ತದೆ.

* ಮಾಲಿನ್ಯ, ಹೊಗೆಯಿಂದ ಚರ್ಮವನ್ನು ರಕ್ಷಿಸುವುದಲ್ಲದೆ ಈ ಹಳದಿ ಲೋಹ ಕಣ್ಣಿನ ಕೆಳಗಿನ ಕಪ್ಪು ವರ್ತುಲವನ್ನು ದೂರಮಾಡುತ್ತದೆ.

* ರಕ್ತ ಸಂಚಲನ ಹೆಚ್ಚಿಸಿ ತ್ವಚೆಯನ್ನು ತಿಳಿಯಾಗಿಸಿ ಚಿನ್ನದ ಹಾಗೆ ಹೊಳೆಯುವಂತೆ ಮಾಡುತ್ತದೆ.

ತ್ವಚೆಗೆ ಚಿನ್ನ ಕೆಟ್ಟದ್ದಾ?

* ಆಭರಣದಲ್ಲಿನ ಕೆಡಿಎಂ (kdm or cadium) ಅಂಶ ತ್ವಚೆಗೆ ಅಷ್ಟು ಒಳ್ಳೆಯದಲ್ಲ. ಕೆಡಿಎಂನಲ್ಲಿನ ವಿಷಯುಕ್ತ ಅಂಶ ತ್ವಚೆಯ ಮೇಲೆ ಪರಿಣಾಮ ಬೀರಿ, ಆ ಜಾಗ ಕಪ್ಪಗಾಗುವಂತೆ ಮಾಡುತ್ತದೆ ಮತ್ತು ಇದರಿಂದ ತುರಿಕೆಯೂ ಉಂಟಾಗುತ್ತದೆ.

ಪರಿಹಾರ: 22 ಕ್ಯಾರೆಟ್ ಅಥವಾ 916 kdm ಹೊಂದಿರುವ ಚಿನ್ನವನ್ನೇ ಖರೀದಿಸುವುದು ಉತ್ತಮ.