ಕೂದಲು ಉದುರುತ್ತಿದೆಯೇ? ಪೈನಾಪಲ್‌ ಹೇರ್ ಮಾಸ್ಕ್ ಹೀಗೆ ಮಾಡಿ ಬಳಸಿ ನೋಡಿ

ಕೂದಲು ಉದುರುವುದು ಬಹುತೇಕರ ಸಮಸ್ಯೆಯಾಗಿದೆ. ಈ ಕೂದಲು ಉದುರುವುದನ್ನು ತಡೆಗಟ್ಟುವುದು ಹೇಗೆ ಎಂಬುವುದೇ ಅನೇಕರ ಸಮಸ್ಯೆಯಾಗಿದೆ. ಕೆಲವರು ದುಬಾರಿ ಶ್ಯಾಂಪೂ, ಕಂಡಿಷನರ್‌ ಟ್ರೈ ಮಾಡುತ್ತಾರೆ, ಆದರೂ ಕೂದಲು ಉದುರುವುದು ಕಡಿಮೆಯಾಗಿರುವುದಿಲ್ಲ.

ಕೆಲವೊಮ್ಮೆ ಈ ದುಬಾರಿ ಶ್ಯಾಂಪೂ, ಕಂಡೀಷನರ್‌ಗಿಂತ ಕೆಲವೊಂದು ಸರಳ ಸಾಮಗ್ರಿ ಬಳಸಿ ನಮ್ಮ ಕೂದಲಿನ ಆರೋಗ್ಯ ಕಾಪಾಡಬಹುದು, ನೀವು ಪೈನಾಪಲ್‌ ಅನ್ನು ಹೇರ್ ಮಾಸ್ಕ್ ಆಗಿ ಬಳಸಿದ್ದೀರಾ? ಇಲ್ಲಾಂದ್ರೆ ಟ್ರೈ ಮಾಡಿ, ಕೂದಲು ಉದುರುವ ಸಮಸ್ಯೆಗೆ ಪರಿಹಾರ ಸಿಗುವುದು.

ಈ ಪೈನಾಪಲ್‌ ಹೇರ್ ಮಾಸ್ಕ್ ಮಾಡುವುದು ಹೇಗೆ? ಎಂದು ನೋಡೋಣ ಬನ್ನಿ:

ಕೂದಲಿನ ಬೆಳವಣಿಗೆಗೆ ಪೈನಾಪಲ್ ಹೇರ್‌ ಮಾಸ್ಕ್‌
ಆರೋಗ್ಯಕರ ಕೂದಲು ನಿಮ್ಮ ಅಂದವನ್ನು ಹೆಚ್ಚಿಸುತ್ತದೆ. ಕೂದಲು ಕಡಿಮೆಯಾದರೆ ಮುಖ ಎಷ್ಟೇ ಚೆನ್ನಾಗಿದ್ದರೂ ಕೂದಲು ಇದ್ದಾಗ ಕಾಣುವ ಲಕ್ಷಣ ಕೂದಲು ಇಲ್ಲದಿದ್ದಾಗ ಕಾಣುವುದಿಲ್ಲ. ಆದ್ದರಿಂದ ಕೂದಲು ಉದುರುವಾಗ ತುಂಬಾ ಟೆನ್ಷನ್ ಆಗುತ್ತೆ.

ಕೂದಲು ಸೊಂಪಾಗಿರಲು ಪೈನಾಪಲ್‌ ಮಾಸ್ಕ್ 1
ಬೇಕಾಗುವ ಸಾಮಗ್ರಿ
1 ಕಪ್‌ ಪೈನಾಪಲ್ ರಸ
1 ಚಮಚ ಜೇನು
2 ಚಮಚ ತೆಂಗಿನೆಣ್ಣೆ\ ಎಳ್ಳೆಣ್ಣೆ\ಹರಳೆಣ್ಣೆ
ಈ ಮೂರು ಸಾಮಗ್ರಿ ಮಿಕ್ಸ್ ಮಾಡಿ. ನಂತರ ಈ ಮಿಶ್ರಣ ತಲೆಗೆ ಹಚ್ಚಿ 20 ನಿಮಿಷ ಬಿಡಿ, ಪೈನಾಪಲ್‌ ನೀರು ಹಣೆ ಮೇಲೆ ಬಾರದಿರಲು ಶವರ್ ಕ್ಯಾಪ್ ಬಳಸಿ.
ನಂತರ ಕೂದಲನ್ನು ಮೈಲ್ಡ್ ಶ್ಯಾಂಪೂ ಹಚ್ಚಿ ತೊಳೆಯಿರಿ. ಈ ರೀತಿ ವಾರದಲ್ಲಿ 2-3 ಬಾರಿ ಮಾಡಿ.
ಈ ರೀತಿ ಮಾಡುತ್ತಿದ್ದರೆ ಕೂದಲು ಸೊಂಪಾಗಿ ಬೆಳೆಯುವುದು.

ಫಲಿತಾಂಶ
ಈ ಹೇರ್ ಮಾಸ್ಕ್‌ ಬಳಸಿದ 2-3 ತಿಂಗಳುಗಳಲ್ಲಿ ನಿಮಗೆ ಫಲಿತಾಂಶ ಕಾಣುವುದು.

ಪೈನಾಪಲ್ ಹೇರ್‌ಮಾಸ್ಕ್ 2
ಬೇಕಾಗುವ ಸಾಮಗ್ರಿ
1 ಕಪ್ ಪೈನಾಪಲ್ ರಸ
1 ಚಮಚ ತೆಂಗಿನೆಣ್ಣೆ ಅಥವಾ ಹರಳೆಣ್ಣೆ
4-5 ಹನಿ ಗ್ರೇಪ್‌ಫ್ರೂಟ್‌ ಆಯಿಲ್
ಇವುಗಳನ್ನು ಮಿಶ್ರ ಮಾಡಿ ತಲೆಗೆ ಹಚ್ಚಿ 30 ನಿಮಿಷದ ಬಳಿಕ ತಲೆ ತೊಳೆಯಿರಿ. ಹೀಗೆ ಮಾಡುವುದರಿಂದಲೂ ಕೂದಲು ಉದುರುವುದನ್ನು ತಡೆಗಟ್ಟಬಹುದು.

ಪೈನಾಪಲ್‌ ಹೇರ್‌ ಮಾಸ್ಕ್ 3
ಪೈನಾಪಲ್ 1 ಕಪ್
ಮೊಸರು 2 ಚಮಚ
ಎಣ್ಣೆ 2 ಚಮಚ
ಈ ಮಿಶ್ರಣ ಮಿಕ್ಸ್ ಮಾಡಿ ತಲೆಗೆ ಹಚ್ಚಿದರೆ ಕೂದಲಿನ ಬುಡ ಬಲವಾಗುವುದು, ಇದರಿಂದ ಕೂದಲು ಉದುರುವುದು ಕಡಿಮೆಯಾಗಿ, ಕೂದಲು ಸೊಂಪಾಗಿ ಬೆಳೆಯಲಾರಂಭಿಸುತ್ತದೆ.