ಗಂಡಸರೇ ತ್ವಚೆಯ ವಿಷಯದಲ್ಲಿ ಉದಾಸೀನ ಬೇಡ...

ಮೊಯಿಶ್ಚರೈಸ್ ಮಾಡದಿರುವಿಕೆ

ನೀವು ಮೊಯಿಶ್ಚರೈಸಿಂಗ್ ಹಚ್ಚಿಕೊಳ್ಳದೆ ಮನೆಯಿಂದ ಹೊರಗೆ ಹೋಗುವಂತಹ ಗಂಡಸರಲ್ಲಿ ನೀವು ಸಹ ಒಬ್ಬರಾಗಿದ್ದಲ್ಲಿ, ಆ ಕೆಲಸವನ್ನು ನೀವು ಎಂದು ಮಾಡಬೇಡಿ. ಈ ಅಭ್ಯಾಸವು ನಿಮ್ಮ ತ್ವಚೆಯನ್ನು ಒಣ ತ್ವಚೆಯನ್ನಾಗಿಸಿಬಿಡುತ್ತದೆ. ಸ್ನಾನ ಮಾಡಿ ಬಂದ ತಕ್ಷಣ ನಿಮ್ಮ ಮುಖಕ್ಕೆ ಮೊಯಿಶ್ಚರೈಸರ್ ಲೇಪಿಸಿ.

ಸನ್‌ಸ್ಕ್ರೀನ್ ಬಳಸದಿರುವುದು

ಯುವಿ ಕಿರಣಗಳು ತ್ವಚೆಗೆ ಸಾಕಷ್ಟು ಹಾನಿಯನ್ನುಂಟು ಮಾಡುತ್ತದೆ. ಈ ಯುವಿ ಕಿರಣಗಳು ಕೊಲ್ಲಾಜೆನ್ ಉತ್ಪಾದನೆಯನ್ನು ಮತ್ತು ಕೋಶಗಳ ಬೆಳವಣಿಗೆಯನ್ನು ಕಡಿಮೆ ಮಾಡುತ್ತದೆ. ಇದರಿಂದ ನಿಮಗೆ ಹೆಚ್ಚು ವಯಸ್ಸಾದಂತೆ ಕಾಣುತ್ತದೆ. ಆದ್ದರಿಂದ ಯಾವುದೇ ಕಾರಣಕ್ಕು ಬಿಸಿಲಿನಲ್ಲಿ ಸನ್‌ಸ್ಕ್ರೀನ್ ಲೋಷನ್ ಹಚ್ಚದೆ ಹೊರಹೋಗಬೇಡಿ. ಇದಕ್ಕಾಗಿ SPF 15 ಅಥವಾ ಅದಕ್ಕಿಂತ ಹೆಚ್ಚಿನ ಪ್ರಮಾಣದ ಸನ್‌ಸ್ಕ್ರೀನ್ ಲೋಷನ್ ಬಳಸಿ.

ಅಧಿಕ ಒತ್ತಡ

ನಿಮ್ಮ ಮೇಲೆ ನೀವು ಅಧಿಕ ಒತ್ತಡವನ್ನು ಎಳೆದುಕೊಂಡರೆ ಅದರ ಪರಿಣಾಮವನ್ನು ನೀವು ತ್ವಚೆಯ ಮೇಲೆ ಸಹ ನೋಡಬಹುದು. ಈ ಒತ್ತಡವು ನಿಮ್ಮ ಹಾರ್ಮೋನ್ ಮಟ್ಟಗಳನ್ನು ಅಸಮತೋಲನ ಮಾಡುತ್ತದೆ ಮತ್ತು ನಿಮ್ಮ ತ್ವಚೆಯ ಕೋಶಗಳನ್ನು ಹಾನಿಗೊಳಿಸುತ್ತದೆ ಹಾಗು ನಿಮ್ಮ ಮುಖದಲ್ಲಿ ಮೊಡವೆಗಳು ಮsತ್ತು ಗುಳ್ಳೆಗಳು ಕಾಣಿಸಿಕೊಳ್ಳುವಂತೆ ಮಾಡುತ್ತದೆ. ಆದ್ದರಿಂದ ಅಗತ್ಯ ವಿಶ್ರಾಂತಿಯನ್ನು ಪಡೆಯಿರಿ ಮತ್ತು ನಿಮಗೆ ಇಷ್ಟವಾದುದನ್ನೆ ಮಾಡಿ.

ಧೂಮಪಾನವನ್ನು ತ್ಯಜಿಸಿ

ಧೂಮಪಾನವು ಸಹ ಕೊಲ್ಲಾಜೆನ್ ಉತ್ಪಾದನೆಯನ್ನು ಕಡಿಮೆ ಮಾಡುತ್ತದೆ, ಇದರಿಂದ ನಿಮ್ಮ ಮುಖದಲ್ಲಿ ಸುಕ್ಕುಗಳು ಮತ್ತು ಗೆರೆಗಳು ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಇದರಿಂದಾಗಿ ನಿಮ್ಮ ತ್ವಚೆಯು ಸ್ವಾಭಾವಿಕ ಬಣ್ಣವನ್ನು ಕಳೆದುಕೊಂಡು, ಕಳೆಗುಂದುತ್ತದೆ.

ಬಿಬಿ ಕ್ರೀಮ್ ಹಚ್ಚಿ

ವಾಸ್ತವವಾಗಿ ಮುಖದ ಮೇಕಪ್ ಚರ್ಮವನ್ನು ಪೂರ್ಣವಾಗಿ ಆವರಿಸುವುದರಿಂದ ಚರ್ಮದ ಸೂಕ್ಷ್ಮರಂಧ್ರಗಳೂ ಮುಚ್ಚಲ್ಪಡುತ್ತವೆ. ಆದರೆ ಬಿಬಿ ಕ್ರೀಮ್ ಗಳು ಈ ರಂಧ್ರಗಳನ್ನು ಮುಚ್ಚದೇ ಪೋಷಣೆಯನ್ನು ನೀಡುವುದರಿಂದ ಚರ್ಮ ಸಹಜವಾದ ಸ್ರವಿಕೆ ಮತ್ತು ಬೆವರುವಿಕೆಯನ್ನು ಪಡೆಯುವುದರಿಂದ ಆರೋಗ್ಯಕ್ಕೆ ಯಾವುದೇ ಹಾನಿಯಿಲ್ಲ. ಅಲ್ಲದೇ ಇವುಗಳನ್ನು ಹಚ್ಚಲು ಹೆಚ್ಚು ಸಮಯ ಬೇಕಾಗಿಲ್ಲವಾದುದರಿಂದ ಎಲ್ಲಿಯಾದರೂ ಹೊರಡಲು ಶೀಘ್ರವಾಗಿ ತಯಾರಾಗಬಹುದು.