ಮುಖದ ಅಂದ ಹೆಚ್ಚಿಸುವ ಬಿಬಿ ಗ್ಲೋವ್‌ ಟ್ರೀಟ್ಮೆಂಟ್‌ ಬಗ್ಗೆ ಕೇಳಿದ್ದೀರಾ? ಈ ವಿಧಾನ ಸುರಕ್ಷಿತವೇ?

ಬಿಬಿ ಗ್ಲೋವ್‌ ಟ್ರೀಟ್ಮೆಂಟ್‌ ಎಂದರೇನು?

ಬಿಬಿ ಗ್ಲೋ ಎಂಬುವುದು ತಾತ್ಕಾಲಿಕ ಕಾಸ್ಮೆಟಿಕ್‌ ವಿಧಾನವಾಗಿದೆ. ಇದನ್ನು ಮೊದಲಿಗೆ ಕೊರಿಯನ್‌ರು ಮಾಡಿಸುತ್ತಿದ್ದರು, ಇದೀಗ ಈ ಟ್ರೆಂಡ್‌ ಇತರ ದೇಶಕ್ಕೂ ಹರಡಿದೆ. ಇದರಲ್ಲಿ ತ್ವಚೆಗೆ ಸೆಮಿ ಪರ್ಮನೆಂಟ್‌ ಮೇಕಪ್ ಮಾಡಲಾಗುವುದು.

ಇದನ್ನು ಹೇಗೆ ಮಾಡಲಾಗುವುದು?

ನೀವು ಬಿಬಿ ಗ್ಲೋ ಟ್ರೀಟ್ಮೆಂಟ್‌ ಮಾಡಿಸಿದರೆ ಆ ಮೇಕಪ್‌ ಕೆಲವು ದಿನಗಳ ಹಾಗೇ ಇರುತ್ತದೆ, ಇತರ ಮೇಕಪ್‌ನಂತೆ ದಿನಾ ಹಾಕಬೇಕಾಗಿಲ್ಲ. ಇದರಲ್ಲಿ ಪ್ರತ್ಯೇಕವಾದ ಮೇಕಪ್‌ ಸಾಧನಗಳನ್ನು ಬಳಸಲಾಗುವುದು. ಅದನ್ನು ಟಿಂಟೆಡ್ ಪಿಗ್ಮೆಂಟ್‌ ಜೊತೆ ಮಿಕ್ಸ್ ಮಾಡಿ, ನಂತರ ಮೈಕ್ರೋ ನೀಡಲ್‌(ಸೂಜಿ) ಮೂಲಕ ನಿಮ್ಮ ಮುಖದ ತ್ವಚೆಯೊಳಗೆ ಇಳಿಸಲಾಗುವುದು. ಹೀಗೆ ಮಾಡುವುದರಿಂದ ತ್ವಚೆ ತುಂಬ ಹೊಳಪಿನಿಂದ ಕೂಡಿರುತ್ತದೆ, ಮುಖದಲ್ಲಿ ಕಲೆಗಳು ಕಾಣುವುದಿಲ್ಲ, ನಿಮ್ಮ ಅಂದ ಹೆಚ್ಚಾಗುವುದು.

ಬಿಬಿ ಗ್ಲೋವ್‌ ಸುರಕ್ಷಿತವೇ?

ಚರ್ಮ ರೋಗ ತಜ್ಞರಾಗಿರುವ ಡಾ. ರಶ್ಮಿ ಶೆಟ್ಟಿ ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಈ ಬಿಬಿ ಗ್ಲೋವ್‌ ಟ್ರೀಟ್ಮೆಂಟ್‌ನ ಅಪಾಯ ಬಗ್ಗೆ ತುಂಬಾ ವಿವರವಾಗಿ ಹೇಳಿದ್ದಾರೆ. ಅವರು ಹೇಳಿರುವ ಪ್ರಕಾರ

1. ಬಿಬಿ ಗ್ಲೋವ್‌ ಟ್ರೀಟ್ಮೆಂಟ್‌ ಅಸುರಕ್ಷತೆಯ ವಿಧಾನ

ಇದರಿಂದ ಅಡ್ಡಪರಿಣಾಮ ಉಂಟಾಗುವುದು, ಇದರಿಂದ ಸ್ಕಿನ್‌ ಪ್ಯಾಚಸ್, ತ್ವಚೆ ಕೆಂಪಾಗಿ ಉರಿ ಉರಿಯಾಗುವುದು, ಕೆಲವೊಂದು ಅಲರ್ಜಿ ಸಮಸ್ಯೆ ಉಂಟಾಗುವುದು. ಕೆಲವರಿಗೆ ಮುಖದಲ್ಲಿ ಊತ ಕೂಡ ಕಂಡು ಬರಬಹುದು.

ಅಲ್ಲದೆ ಮೈಕ್ರೋನೀಡ್ಲಿಂಗ್ ಅನ್ನು ತುಂಬಾ ಪರಿಣಿತರು ನೀಡಬೇಕು, ಇಲ್ಲದಿದ್ದರೆ ಕಷ್ಟವಾಗುವುದು. ಇದರಿಂದ ಮುಖದಲ್ಲಿ ಶಾಶ್ವತ ಕಲೆ ಉಂಟಾಗುವ ಸಾಧ್ಯತೆ ಹೆಚ್ಚು.

2. ಬಿಬಿ ಗ್ಲೋವ್‌ ಟ್ರೀಟ್ಮೆಂಟ್‌ನಲ್ಲಿ ಮೇಕಪ್‌ ಅನ್ನು ಮೈ ಮೇಕಪ್ ಮೈಕ್ರೋನೀಡ್ಲಿಂಗ್ ವೃತ್ತಾಕಾರವಾಗಿ ತಿರುಗಿಸುತ್ತಾ ಮಾಡುವುದರಿಂದ ಮಾಡುವುದರಿಂದ ಮೇಕಪ್ ಸರಿಯಾಗಿ ಹರಡದೇ ಹೋಗಬಹುದು.

3. ನಮ್ಮ ಗುರಿ ಆರೋಗ್ಯಕರ ತ್ವಚೆಯನ್ನು ಪಡೆಯುವುದು ಆಗಿರಬೇಕು ಹೊರತು ಬೆಳ್ಳಗೆ ಕಾಣಿಸಬೇಕೆಂಬುವುದು ಅಲ್ಲ.

ಆದ್ದರಿಂದ ನೀವು ಬಿಬಿ ಗ್ಲೋವ್‌ ಟ್ರೀಟ್ಮೆಂಟ್‌ ಮಾಡಿಸಬೇಕೆಂದಿದ್ದರೆ ಈ ಅಂಶಗಳನ್ನು ತಿಳಿದುಕೊಂಡರೆ ನಿಮ್ಮ ತ್ವಚೆಯ ರಕ್ಷಣೆ ಮಾಡಬಹುದು.