ಬೇಸಿಗೆ: ಸೆಕೆಗೆ ಬೆವರಿ ಮೇಕಪ್‌ ಹಾಳಾಗದಿರಲು ಈ ಟಿಪ್ಸ್ ಬೆಸ್ಟ್

Published: Saturday, February 25, 2023, 13:53 [IST]

ಬೇಸಿಗೆ ಬಂತೆಂದರೆ ಸಾಲು-ಸಾಲು ಪಂಕ್ಷನ್‌ಗಳು ಶುರುವಾಗುತ್ತವೆ. ಫಂಕ್ಷನ್‌ನಲ್ಲಿ ಚೆನ್ನಾಗಿ ಅಲಂಕಾರ ಮಾಡಿ ಮಿಂಚೋಣ ಅಂದರೆ ಸೆಕೆ ಅಧಿಕವಿರುವುದರಿಂದ ಮುಖ ಬೆವರಿ ಮುಖದಲ್ಲಿ ಮೇಕಪ್ ಅಳಸಿ ಹೋಗುವುದು ಹಲವರ ಸಮಸ್ಯೆಯಾಗಿದೆ. ನಿಮಗೂ ಕೂಡ ಈ ಸಮಸ್ಯೆಯಾಗುತ್ತಿದೆಯೇ?

ಹಾಗಾದರೆ ಬೇಸಿಗೆಯಲ್ಲಿ ಮೇಕಪ್‌ ಹಾಳಾಗದಿರಲು ಮೇಕಪ್‌ ಯಾವ ರೀತಿ ಮಾಡಬೇಕು ಎಂದು ನೋಡೋಣ:

ಪ್ರೈಮರ್‌ ಹಚ್ಚಿದ ಬಳಿಕವಷ್ಟೇ ಮೇಕಪ್‌ ಸ್ಟಾರ್ಟ್‌ ಮಾಡಬೇಕು.

ನೀವು ಮುಖಕ್ಕೆ ಮೊದಲು ಪ್ರೈಮರ್ ಹಚ್ಚಬೇಕು, ಪ್ರೈಮರ್‌ ಹಚ್ಚುವುದರಿಂದ ಮೇಕಪ್‌ ತುಂಬಾ ಹೊತ್ತು ಇರುತ್ತದೆ, ಬೇಸಿಗೆಯಲ್ಲಿ ಜೆಲ್ ರೀತಿಯ ಪ್ರೈಮರ್ ಹಚ್ಚಿ. ಪ್ರೈಮರ್ ಹಚ್ಚುವುದರಿಂದ ನೆರಿಗೆ ತಡೆಗಟ್ಟಬಹುದು, ಮುಖದಲ್ಲಿ ಆಯಿಲ್‌ ಕಂಟ್ರೋಲ್ ಮಾಡಬಹುದು, ಅಲ್ಲದೆ ತುಂಬಾ ಹೊತ್ತಿನವರೆಗೆ ಮೇಕಪ್ ಹಾಳಾಗಲ್ಲ.

ವಾಟರ್‌ಫ್ರೂಫ್‌ ಫಾರ್ಮುಲಾ ಬಳಸಿ

ಮಸ್ಕರಾ, ಕಾಜಲ್, ಲಿಪ್‌ಸ್ಟಿಕ್‌ ಇವೆಲ್ಲಾ ವಾಟರ್‌ಫ್ರೂಮ್‌ ಆಗಿರಲಿ. ಇನ್ನು ಬೇಸಿಗೆಯಲ್ಲಿ ಮುಖಕ್ಕೆ ಹಚ್ಚುವ ಕ್ರೀಮ್‌ ಮೇಕಪ್‌ ಕೂಡ ಸ್ವೆಟ್‌ ಫ್ರೂಫ್‌ ಅಂದರೆ ಬೆವರು ತಡೆಗಟ್ಟುವಂತಿರಬೇಕು. ನೀವು ಮೇಕಪ್‌ ಹಚ್ಚಿ ಹಾಗೆಯೇ ಮಲಗಬಾರದು, ಮೇಕಪ್‌ ಸಂಪೂರ್ಣ ತೆಗೆದ ಬಳಿಕವಷ್ಟೇ ಮಲಗಿ.

ಬೇಸಿಗೆಯಲ್ಲಿ ಗ್ಲೋಸಿಗಿಂತ ಮ್ಯಾಟೆ ಫಿನಿಷ್ ಒಳ್ಳೆಯದು

ಈಗ ಗ್ಲೋಸಿ ಮತ್ತೆ ಟ್ರೆಂಡ್‌ ಆಗಿದೆ, ಆದರೂ ಬೇಸಿಗೆಯಲ್ಲಿ ನಿಮಗೆ ಮ್ಯಾಟೆ ಫಿನಿಷಿಂಗ್‌ ಬೆಸ್ಟ್. ನಿಮಗೆ ಸ್ವಲ್ಪ ಗ್ಲೋ ಬೇಕೆಂದು ಅನಿಸಿದರೆ ಬ್ಲಷ್‌ ಬಳಸಬಹುದು, ಆದರೆ ಮೇಕಪ್ ಓವರ್ ಆಗದಂತೆ ಎಚ್ಚರವಹಿಸಿ.

ಕಣ್ಣುಗಳಿಗೆ ವಾಟರ್‌ಫ್ರೂಫ್‌ ಮೇಕಪ್ ಬಳಸಿ

ನೀವು ಬೇಸಿಗೆಯಲ್ಲಿ ಕಣ್ಣುಗಳಿಗೆ ಮೇಕಪ್‌ ಮಾಡುವಾಗ ವಾಟರ್‌ ಫ್ರೂಫ್‌ ಮೇಕಪ್ ಬಳಸಿ, ಇದರಿಂದ ಕಣ್ಣಿನ ಸುತ್ತ ಸ್ಪ್ರೆಡ್‌ ಆಗುವುದನ್ನು ತಪ್ಪಿಸಬಹುದು. ನೀವು ಕಣ್ಣಿಗೆ ಮೇಕಪ್‌ ಮಾಡುವ ಮುನ್ನ ಸ್ವಲ್ಪ ಐಶ್ಯಾಡೋ ಹಚ್ಚಿ ನಂತರ ಲೈನರ್ ಹಚ್ಚುವುದು ಒಳ್ಳೆಯದು.

ಸೆಟ್ಟಿಂಗ್‌ ಸ್ಪ್ರೇ ಬಳಸಿ

ನೀವು ಮೇಕಪ್ ಎಲ್ಲಾ ಮುಗಿದ ಬಳಿಕ ಸೆಟ್ಟಿಂಗ್‌ ಸ್ಪ್ರೇ ಬಳಸಿ, ಹೀಗೆ ಮಾಡಿದರೆ ಮೇಕಪ್‌ 8-10 ಗಂಟೆ ಹಾಳಾಗುವುದಿಲ್ಲ.

ಬೇಸಿಗೆಯಲ್ಲಿ ಗಾಢವಾದ ಮೇಕಪ್ ಬಳಸಬಹುದೇ?

ಬೇಸಿಗೆಯಲ್ಲಿ ತೆಳು ಮೇಕಪ್‌ ತುಂಬಾನೇ ಸೂಕ್ತ, ಗಾಢವಾದ ಮೇಕಪ್ ಬಳಸಿದಾಗ ಬೆವರುವುದರಿಂದ ಅಷ್ಟು ಕಂಫರ್ಟ್ ಅನಿಸಲ್ಲ.