ಎಷ್ಟೇ ಆಯಾಸವಾದರೂ, ಮಲಗುವ ಮುನ್ನ ಮುಖ ತೊಳೆಯಿರಿ

Make Up

oi-Staff

By Deepak M

Published: Tuesday, June 21, 2016, 20:08 [IST]

ನಮ್ಮ ಸೌಂದರ್ಯವನ್ನು ಕಾಪಾಡಿಕೊಳ್ಳಬೇಕು ಎಂದರೆ ಪ್ರತಿದಿನ ನಾವು ಕೆಲವೊಂದು ಕೆಲಸಗಳನ್ನು ಮಾಡಬೇಕು. ಅದರಲ್ಲೂ ಮಲಗುವ ಮುನ್ನ ಮುಖವನ್ನು ತೊಳೆಯುವುದು ಅತ್ಯಂತ ಮುಖ್ಯವಾದ ಕೆಲಸವಾಗಿರುತ್ತದೆ. ಇಡೀ ದಿನ ನಾವು ಸಿಕ್ಕಾಪಟ್ಟೆ ಸುಸ್ತಾಗಿರುತ್ತೇವೆ ಮತ್ತು ಆಯಾಸದಿಂದ ನಲುಗಿ ಹೋಗಿರುತ್ತೇವೆ. ಆಗ ಸುಮ್ಮನೆ ಹೋಗಿ ಮಲಗದೆ ಸುಮ್ಮನೆ ಎದ್ದು ಹೋಗಿ ಮುಖವನ್ನಾದರು ತೊಳೆಯಿರಿ. ಇದರಿಂದ ನಿಮ್ಮ ಮುಂಜಾನೆಗಳು ಆಹ್ಲಾದಕತೆಯಿಂದ ಆರಂಭಗೊಳ್ಳುತ್ತದೆ. ಸುಲಭವಾಗಿ ಮೇಕಪ್ ತೆಗೆಯುವುದು ಹೀಗೆ

ನಾವು ಸಾಮಾನ್ಯವಾಗಿ ಮಲಗಲು ತುದಿಗಾಲಿನಲ್ಲಿ ನಿಂತಿರುತ್ತೇವೆ. ನಿದ್ದೆ ಮಾಡಲು ಮತ್ತು ವಿಶ್ರಾಂತಿ ತೆಗೆದುಕೊಳ್ಳಲು ಹಲವಾರು ಕಾರಣಗಳನ್ನು ಮತ್ತು ನೆಪಗಳನ್ನು ನೀಡುತ್ತೇವೆ. ಆದರೆ ಹಾಗೆಯೇ ಸೌಂದರ್ಯವನ್ನು ಕಾಪಾಡಿಕೊಳ್ಳಲು ಮಾಡಬೇಕಾದ ಕೆಲಸಗಳನ್ನು ಮಾಡಲು ಯಾವುದಾದರು ನೆಪಗಳನ್ನು ಮತ್ತು ಕಾರಣಗಳನ್ನು ನೀಡಿಕೊಳ್ಳುವುದನ್ನು ಕಲಿಯಬೇಕು. ಸೌಂದರ್ಯ ಚೆನ್ನಾಗಿರಬೇಕು ಎಂದರೆ ತಪ್ಪದೆ ಕೆಲವೊಂದು ಕೆಲಸಗಳನ್ನು ಮಾಡಬೇಕು. ದಿನಕ್ಕೆರಡು ಬಾರಿ ಮುಖ ತೊಳೆಯಿರಿ, ವ್ಯತ್ಯಾಸ ನೀವೇ ನೋಡಿ!

ರಾತ್ರಿಯ ಹೊತ್ತು ಮುಖವನ್ನು ತೊಳೆಯಲು ಹಲವಾರು ಕಾರಣಗಳಿವೆ. ರಾತ್ರಿಯ ಹೊತ್ತು ಮೇಕಪ್ ತೆಗೆಯದಿರುವುದು ಮಾತ್ರವಷ್ಟೇ ಇದರ ಹಿಂದಿನ ಕಾರಣವಲ್ಲ. ಬನ್ನಿ ರಾತ್ರಿ ಹೊತ್ತು ಮುಖ ತೊಳೆಯಲು ಇರುವ ಕಾರಣಗಳನ್ನು ನಾವು ಇಂದು ನಿಮ್ಮ ಮುಂದೆ ಇಡುತ್ತಿದ್ದೇವೆ. ಮುಂದೆ ಓದಿ...

ಮೇಕಪ್ ತುಂಬಾ ಹೊತ್ತಿದ್ದರೆ ಗುಳ್ಳೆಗಳು ಬರುತ್ತವೆ
ಮುಖದ ಮೇಲೆ ತುಂಬಾ ಹೊತ್ತು ಮೇಕಪ್ ಇದ್ದಲ್ಲಿ, ಗುಳ್ಳೆಗಳು ಬರುತ್ತವೆ. ಆದ್ದರಿಂದ ಅದನ್ನು ತಪ್ಪದೆ ತೆಗೆಯಿರಿ. ಮೇಕಪ್‌ನಿಂದ ಮುಖದಲ್ಲಿರುವ ರಂಧ್ರಗಳು ಮುಚ್ಚಿಕೊಳ್ಳುತ್ತವೆ. ಇದು ಗುಳ್ಳೆಗಳು ಮತ್ತು ಸಮರೂಪವಿಲ್ಲದ ತ್ವಚೆಯ ಸಮಸ್ಯೆಯನ್ನು ಉಂಟು ಮಾಡುತ್ತದೆ.

ಕಟ್ಟಿಕೊಂಡ ಕೊಳೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ
ಯಾವಾಗ ನೀವು ರಾತ್ರಿಯ ಹೊತ್ತು ಮುಖವನ್ನು ತೊಳೆಯುತ್ತೀರೋ, ಆಗ ದಿನದ ಸಮಯದಲ್ಲಿ ಮುಖದಲ್ಲಿ ಕಟ್ಟಿಕೊಂಡಿರುವ ಧೂಳು ನಿವಾರಣೆಯಾಗುತ್ತದೆ. ಜೊತೆಗೆ ನಿಮ್ಮ ತ್ವಚೆಯಲ್ಲಿ ಕಟ್ಟಿಕೊಂಡಿರುವ ರಂಧ್ರಗಳನ್ನು ನಿವಾರಿಸುತ್ತದೆ. ಮಹಿಳೆಗೆ ಮೇಕಪ್ ಸಾಧನಗಳ ಮೇಲೆ ಏಕೆ ಅಷ್ಟೊಂದು ಪ್ರೀತಿ?

ಕಣ್ಣು ರೆಪ್ಪೆಗಳ ಆರೈಕೆಗೆ

ಒಂದು ವೇಳೆ ಮಸ್ಕರ ಮತ್ತು ಐಶಾಡೋಗಳನ್ನು ನೀವು ಹಾಕಿಕೊಂಡಿದ್ದಲ್ಲಿ ಮಲಗುವ ಮುನ್ನ ಅದನ್ನು ತಪ್ಪದೆ ತೆಗೆಯಿರಿ. ಏಕೆಂದರೆ ಇದರಿಂದ ನಿಮ್ಮ ಕಣ್ಣುರೆಪ್ಪೆಗಳಿಗೆ ಹಾನಿಯುಂಟಾಗುವುದು ನಿಶ್ಚಿತ. ಅವು ಕಣ್ಣು ರೆಪ್ಪೆಗಳು ಉದುರುವಂತೆ ಮಾಡುತ್ತವೆ. ಏಕೆಂದರೆ ಮಸ್ಕರ ಅವುಗಳನ್ನು ದುರ್ಬಲಗೊಳಿಸುತ್ತದೆ.

ಮೇಕಪ್ ತೆಗೆಯಲಿಲ್ಲವಾದಲ್ಲಿ, ತ್ವಚೆಯೇ ಅದನ್ನು ಎಕ್ಸ್‌ಫೋಲಿಯೇಟ್ ಮಾಡುವುದಿಲ್ಲ

ತ್ವಚೆಯು ನಿರ್ಜೀವ ತ್ವಚೆಯನ್ನು ಮಾತ್ರ ಎಕ್ಸ್‌ಫೋಲಿಯೇಟ್ ಮಾಡುತ್ತದೆಯೇ ಹೊರತು, ಮೇಕಪ್ ಅನ್ನು ಅಲ್ಲ. ಮುಖದಿಂದ ಮೇಕಪ್ ತೆಗೆಯಲಿಲ್ಲವಾದಲ್ಲಿ, ಅದರಿಂದ ತ್ವಚೆಯ ಹೊಳಪು ಹೋಗುತ್ತದೆ ಮತ್ತು ಇನ್ನಿತರ ತ್ವಚೆಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.