ತನ್ನತ್ತ ಸೆಳೆಯಬಲ್ಲ ಮೇಕಪ್‌ನ, ಹಿಂದಿರುವ ಸತ್ಯಾಸತ್ಯತೆ

ಹುಡುಗಿಯರು ಒಂದು ಕಡೆ ಸೇರಿದರೆ ಮೊದಲು ಬಟ್ಟೆ ಬಗ್ಗೆ ಮಾತನಾಡುತ್ತಾರೆ, ಇಲ್ಲವೇ ಮೇಕಪ್ ಬಗ್ಗೆ ಮಾತನಾಡುತ್ತಾರೆ. ಹಾಗೆಂದು ಇವರು ಏನು ಮಾಡೆಲ್‌ಗಳು ಅಥವಾ ನಟಿಯರು ಅಲ್ಲ. ತಮಾಷೆ ಏನಪ್ಪಾ ಎಂದರೆ ಬಹುತೇಕ ಹುಡುಗಿಯರು ಮತ್ತು ಮಹಿಳೆಯರು ಹವ್ಯಾಸಕ್ಕೆಂದು ಸುಮ್ಮನೆ ಮೇಕಪ್ ಮಾಡಿಕೊಳ್ಳುತ್ತಾರೆ.

ಇನ್ನೂ ಕೆಲವರು ತಾವು ತುಂಬಾ ಬೇಸರ ಅಥವಾ ದುಃಖದಲ್ಲಿದ್ದಾಗ ಅದನ್ನು ಮರೆಮಾಚಲು ಮೇಕಪ್ ಮಾಡಿಕೊಳ್ಳುತ್ತಾರೆ! ಆದರೆ ನಾವು ಇಂದು ಹೇಳುತ್ತಿರುವುದು ಸೌಂದರ್ಯ ಹೆಚ್ಚಿಸಿಕೊಳ್ಳಲು ಹೋಗಿ ಅನಾಹುತ ಮಾಡಿಸಿಕೊಂಡವರ ಕತೆ. ಇಂತಹ ಅನಾಹುತಗಳನ್ನು ನೀವು ಮಾಡಲು ಇಷ್ಟಪಡುವುದಿಲ್ಲ ಎಂದು ನಾವು ಖಾತ್ರಿ ನೀಡುತ್ತೇವೆ. ಬನ್ನಿ ಅವು ಯಾವುವು ಎಂದು ನೋಡೋಣ.

ಕಪ್ಪು ಲಿಪ್‌ಸ್ಟಿಕ್
ಕಪ್ಪು ನೋಡಲು ಗಾಢವಾಗಿ ಮತ್ತು ಕ್ಲಾಸ್ಸಿಯಾಗಿ ಕಾಣಿಸಿಕೊಳ್ಳುತ್ತದೆ. ಅದರಲ್ಲೂ ನೀವು ಕಪ್ಪು ಬಟ್ಟೆ ಅಥವಾ ಸ್ಮೋಕೀ ಐ ಮೇಕಪ್ ಧರಿಸಿದಾಗ ಇದು ಒಪ್ಪುತ್ತದೆ. ಆದರೆ ಸಾಮಾನ್ಯ ಉಡುಗೆಯ ಜೊತೆಗೆ ಕಪ್ಪು ಲಿಪ್ ಸ್ಟಿಕ್ ಧರಿಸಿದಿರಿ, ಜನ ನೋಡಿ ನಗುತ್ತಾರೆ.

ಲಿಪ್‌ಸ್ಟಿಕ್ ಅನ್ನು ಬ್ಲಷ್ ಆಗಿ ಬಳಸುವುದು
ಲಿಪ್‌ಸ್ಟಿಕ್ ಅನ್ನು ಕೆನ್ನೆಯ ಮೇಲೆ ಬ್ಲಷ್ ಆಗಿ ಬಳಸುವುದು ಒಳ್ಳೆಯ ಆಲೋಚನೆಯಲ್ಲ. ನಿಮ್ಮ ಲಿಪ್‌ಸ್ಟಿಕ್ ಆಧಾರದ ಮೇಲೆ ನಿಮ್ಮ ಕೆನ್ನೆಗಳು ಗ್ರೀಸೀ ಅಥವಾ ಒಣ ತ್ವಚೆಯ ರೀತಿ ಕಾಣುತ್ತದೆ.

ತುಂಬಾ ಸ್ಮೋಕೀ ಐಸ್ ಬೇಡ
ಸರಿಯಾಗಿ ಮಾಡಲಿಲ್ಲವಾದಲ್ಲಿ ಇದು ನಿಮ್ಮ ಸೌಂದರ್ಯಕ್ಕೆ ಕಪ್ಪು ಚುಕ್ಕೆಯಂತೆ ಕಾಣುತ್ತದೆ. ಇದರಿಂದ ನೀವು ಜಾಂಬಿ ರೀತಿ ಕಾಣುತ್ತೀರಿ. ನೋಡುವವರ ಕಣ್ಣಿಗೆ ಅಣುಕು ದೆವ್ವ, ವ್ಯಾಂಪೈರ್ ರೀತಿ ನೀವು ಕಾಣಿಸಿಕೊಂಡರೆ ಅಚ್ಚರಿಯೇನಲ್ಲ.

ಹಾರ್ಸ್ ಫೆದರ್ ನೇಲ್ ಆರ್ಟ್
ಉಗುರುಗಳು ಸಹ ಸೌಂದರ್ಯಕ್ಕೆ ಕೊಡುಗೆಯನ್ನು ನೀಡುತ್ತವೆ. ಪಾಲಿಕ್ರೊಮ್ಯಾಟಿಕ್ ಫೆದರ್‌ಗಳು ಕುದುರೆಗಳ ಸೌಂದರ್ಯವನ್ನು ಹೆಚ್ಚಿಸಲು ಇರುವುದು ನಿಮಗಲ್ಲ ಎಂದು ಮೊದಲು ತಿಳಿಯಿರಿ.

ರೈನ್‌ಬೋ ಲಿಪ್ಸ್
ಬಹುವರ್ಣದ ಈ ಲುಕ್ ಬಾನಿಗೆ ಚೆಂದವೇ ಹೊರತು, ನಿಮ್ಮ ತುಟಿಗಲ್ಲ. ಇದು ನೋಡಲು ಸುಂದರವಾಗಿರುತ್ತದೆ. ಆದರೆ ಇದನ್ನು ಮೇಕಪ್ ಆಗಿ ಬಳಸುವುದು ಒಳ್ಳೆಯದಲ್ಲ. ಏಳು ಬಣ್ಣಗಳನ್ನು ತುಟಿಯ ಮೇಲೆ ಧರಿಸಿಕೊಂಡರೆ, ತಮಾಷೆಗೆ ಎಡೆ ಮಾಡಿಕೊಡುತ್ತೀರಿ.

ಸ್ಮಡ್ಜಡ್ ಮಸ್ಕಾರ ಕಣ್ಣಿನ ಕೆಳಗೆ
ಮಸ್ಕಾರ ನಿಮ್ಮ ಕಣ್ಣುಗಳನ್ನು ಚೆನ್ನಾಗಿ ಕಾಣಿಸುತ್ತದೆ. ಆದರೆ ಸ್ಮಡ್ಜಡ್ ಮಸ್ಕಾರ ಮಾತ್ರ ಬಳಸಬೇಡಿ. ಇದು ನಿಮಗೆ ಒಂದು ಭಯಾನಕ ಲುಕ್ ಒದಗಿಸುತ್ತದೆ. ನೋಡಿದವರು ಓಡಿ ಹೋಗಬೇಕು, ಆಗಿರುತ್ತದೆ!