ದೇಹದ ಅಂದ-ಚೆಂದ ಇಮ್ಮಡಿಸಲು ಸರಳ ಟಿಪ್ಸ್

ರಜಾದಿನದಲ್ಲಿ ಸುಲಭವಾಗಿ ಮಾಡಬಹುದಾದ ಸ್ಕ್ರಬ್

ನಾವು ನಮ್ಮ ಚರ್ಮವನ್ನು ಎಷ್ಟೇ ಕಾಳಜಿಯಿಂದ ಕಾಪಾಡಲು ಪ್ರಯತ್ನಿಸಿದರೂ ಸೂರ್ಯನ ಕಡು ಬಿಸಿಲು ಅಥವಾ ಯು ವಿ ಕಿರಣಗಳು ನಮ್ಮ ಚರ್ಮವನ್ನು ಸುಟ್ಟು ಹಾನಿಗೊಳಪಡಿಸಿಬಿಡುತ್ತವೆ.ಸನ್ ಸ್ಕ್ರೀನ್ ಲೋಶನ್ ಬಳಸುವುದರಿಂದ ಮೇಲಿನ ಹಾನಿಯನ್ನು ತಡೆದಂತೆ ಎನ್ನಿಸಿದರೂ ಕೂಡ ಒಳಗಾದ ಪರಿಣಾಮವನ್ನು ತಡೆಯಲು ಸಾಧ್ಯವಾಗುವುದಿಲ್ಲ. ಲಿಂಬು ಮತ್ತು ಸಕ್ಕರೆ ಸ್ಕ್ರಬ್ ಬಳಕೆಯಿಂದ ಟ್ಯಾನ್ ಆಗಿರುವುದನ್ನು ಹೋಗಲಾಡಿಸಿ ತ್ವಚೆ ಹೊಳೆಯುವಂತೆ ಮಾಡಬಹುದು. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ರಜಾದಿನದಲ್ಲಿ ಸುಲಭವಾಗಿ ಮಾಡಬಹುದಾದ ಸ್ಕ್ರಬ್

ಬೇಕಾಗುವ ಸಾಮಗ್ರಿಗಳು:

*5 ಕಪ್ ಹರಳು ಸಕ್ಕರೆ

*2 ಕಪ್ ಆಲಿವ್ ಆಯಿಲ್

*ಲಿಂಬೆಹಣ್ಣು 2 ಚಮಚ

*ಜೇನುತುಪ್ಪ ಸಕ್ಕರೆ ಮತ್ತು ಆಲಿವ್ ಎಣ್ಣೆಯನ್ನು ಮಿಶ್ರ ಮಾಡಿ. ಇದಕ್ಕೆ ಲಿಂಬೆ ಮತ್ತು ಜೇನುತುಪ್ಪ ಹಾಕಿ.ಇದನ್ನು ಸರಿಯಾಗಿ ಮಿಶ್ರಮಾಡಿ ಸ್ನಾನ ಮಾಡಿದ ನಂತರ ಟ್ಯಾನ್ ಆದ ಚರ್ಮಕ್ಕೆ ಹಚ್ಚಿ.ನಿಧಾನವಾಗಿ ತಿಕ್ಕಿ ಜೋರಾಗಿ ಒತ್ತಿ ತಿಕ್ಕುವುದರಿಂದ ಚರ್ಮ ಹಾನಿಗೊಳಗಾಳುವ ಸಾಧ್ಯತೆ ಇರುತ್ತದೆ.ಇದರಲ್ಲಿ ಬಳಸಲಾಗಿರುವ ಜೇನುತುಪ್ಪ ತೇವಾಂಶವನ್ನು ಕಾಪಾಡುತ್ತದೆ ಇದರಿಂದ ಇದನ್ನು ಹಚ್ಚಿ ತೊಳೆದ ನಂತರ ಮುಖ ಒಣಗಿ ಒರಟಾಗಿ ಕಾಣುವುದಿಲ್ಲ.

ಸುಲಭವಾದ ಕೂದಲ ಪೋಷಣೆ

ಲಿಂಬೆರಸವನ್ನು ಕೂದಲಿಗೆ ಬಳಸುವುದು ಹೆಚ್ಚು ಪರಿಣಾಮಕಾರಿ ವಿಧಾನ. ಸ್ವಾಭಾವಿಕ ಕೇಶರಾಶಿಗೆ ಲಂಬೆರಸ ಹೆಚ್ಚು ಉಪಯೋಗಿ. ಕೂದಲನ್ನು ಅಂದಗೊಳಿಸಲು, ಒಂದು ಚಮಚ ಲಿಂಬೆರಸವನ್ನು ಒಂದು ಚಮಚ ನೀರಿನೊಂದಿಗೆ ಬೆರೆಸಿ ಕೂದಲೆಳೆಗಳಿಗೆ ಹಚ್ಚಿ ಬಿಸಿಲಿನ ಕಿರಣಗಳಿಗೆ ಒಡ್ಡಬೇಕು. ಬಿಸಿಲಿನ ಶಾಖಕ್ಕೆ ಲಿಂಬೆರಸದ ಆಸಿಡ್ ಪ್ರತಿಕ್ರಿಯಿಸಿ ಕೂದಲನ್ನು ಇನ್ನಷ್ಟು ಕಾಂತಿಯುಕ್ತಗೊಳಿಸುತ್ತದೆ.

ಪ್ರಾಕೃತಿಕ ಶಾಂಪೂ ಮತ್ತು ಕೂದಲ ಪೋಷಣೆ

ಸಾಮಾನ್ಯವಾಗಿ ಶಾಂಪೂ ಕೊರತೆಯುಂಟಾದಲ್ಲಿ ಯೋಚಿಸದಿರಿ. ಕೂದಲನ್ನು ನೆನೆಸಿ, ಮೊಟ್ಟೆಯ ಬಿಳಿ ತಿರುಳನ್ನು ಕೂದಲಿಗೆ ಹಚ್ಚಿ ನಯವಾಗಿ ಉಜ್ಜಿದಾಗ ಅದರಿಂದ ಬರುವ ನೊರೆಯಿಂದ ಕೂದಲ ಕಾಂತಿ ಹೆಚ್ಚುತ್ತದೆ. ಅಲ್ಲದೆ ಕೂದಲನ್ನು ಹೆಚ್ಚು ಉಜ್ವಲಗೊಳಿಸಲು 4 ಚಮಚ ವಿನೆಗರ್ ರಸವನ್ನು 1 ಚಮಚ ನೀರಿಗೆ ಬೆರೆಸಿ, ಇದಕ್ಕೆ ಉತ್ತಮ ಸುಗಂಧ ಎಣ್ಣೆಯನ್ನು ಸ್ವಲ್ಪ ಸೇರಿಸಿ ಕೂದಲಿಗೆ ಹಚ್ಚಿ. ಇದು ನಿಮ್ಮ ಕೂದಲುಗಳ ಕಾಂತಿಯನ್ನು ಹೆಚ್ಚಿಸುವುದಲ್ಲದೆ, ಕೇಶ ಆರೋಗ್ಯಕರವಾಗಿಡಲು ಸಹಕಾರಿಯಾಗಲಿದೆ.

ಸದೃಢ ಉಗುರುಗಳು

ಸಾಮಾನ್ಯವಾಗಿ ಕಬ್ಬಿಣಾಂಶದ ಕೊರತೆಯಿಂದ ಬಹುತೇಕ ಉಗುರಿನ ಸಮಸ್ಯೆಗಳು ಉದ್ಭವಿಸುತ್ತವೆ. ಆ ಸಮಸ್ಯೆಗಳು ಉಗುರನ್ನು ಮತ್ತಷ್ಟು ನಾಜೂಕನ್ನಾಗಿಸುತ್ತವೆ. ಒಂದು ವೇಳೆ ನಿಮಗೆ ತೆಳುವಾದ ಅಥವಾ ಮೃದುವಾದ ಉಗುರುಗಳಿದ್ದಲ್ಲಿ, ಉತ್ತಮ ಗುಣಮಟ್ಟದ ಅಡುಗೆ ಸೋಡ ಮತ್ತು ಲಿಂಬೆ ರಸ ಸೇರಿಸಿ ಪೇಸ್ಟ್ ಮಾಡಿ. ಪ್ರತಿದಿನ ಇದನ್ನು ಉಗುರುಗಳಿಗೆ ಹಚ್ಚಿ. ಇದು ಸಂಪೂರ್ಣವಾಗಿ ಉಗುರಿನ ಹಳದಿ ಬಣ್ಣವನ್ನು ಹೋಗಲಾಡಿಸಿ ಉಗುರನ್ನು ಇನ್ನಷ್ಟು ಸದೃಢಗೊಳಿಸುತ್ತದೆ.

ಇನ್ನೊಂದು ಉತ್ತಮ ವಿಧಾನವೆಂದರೆ ಆಲಿವ್ ಎಣ್ಣೆಯ ಆರ್ದ್ರತೆ ನೀಡುವ ಗುಣ ಉಗುರು ಮತ್ತು ಉಗುರಿನ ಹಿಂಭಾಗದ ಚರ್ಮಕ್ಕೆ ಆರ್ದ್ರತೆ ನೀಡುವ ಮೂಲಕ ಉಗುರ ಬುಡಕ್ಕೆ ಉತ್ತಮ ಪೋಷಣೆ ನೀಡುತ್ತದೆ. ಇದು ಉಗುರಿನ ಹೊಳಪಿಗೆ ನೆರವಾಗಿ, ಉಗುರನ್ನು ಇನ್ನಷ್ಟು ಸದೃಢವನ್ನಾಗಿಸುತ್ತದೆ. ಇದಕ್ಕಾಗಿ ಬೆರಳ ತುದಿಗಳಿಗೆ ಕೊಂಚ ಆಲಿವ್ ಎಣ್ಣೆ ಹಚ್ಚಿ ನಯವಾಗಿ ವೃತ್ತಾಕಾರದಲ್ಲಿ ಮಸಾಜ್ ಮಾಡಿ. ಒಂದೊಂದಾಗಿ ಎಲ್ಲಾ ಬೆರಳುಗಳಿಗೆ ಮಸಾಜ್ ಮಾಡಿ.

ದಂತದ ಕಾಂತಿ ಹೆಚ್ಚಿಸಲು ಸ್ಟ್ರಾಬೆರ್ರಿ ಬಳಸಿ

ಸ್ಟ್ರಾಬೆರ್ರಿ ಹಣ್ಣನ್ನು ಚೆನ್ನಾಗಿ ಜಜ್ಜಿ ಪೇಸ್ಟ್ ರೀತಿಯಾಗಿ ಮಾಡಿಕೊಂಡು ಟೂತ್ ಬ್ರಶ್‌ನ ಸಹಾಯದಿಂದ ನಿಮ್ಮ ಹಲ್ಲುಗಳನ್ನು 2 ನಿಮಿಷಗಳ ಕಾಲ ಚೆನ್ನಾಗಿ ಉಜ್ಜಿಕೊಳ್ಳಿ, ನಂತರ ಸ್ಟ್ರಾಬೆರ್ರಿಯ ಆಸಿಡ್ ಅಂಶವನ್ನು ಹೋಗಲಾಡಿಸಲು ಬಾಯಿಯನ್ನು ಚೆನ್ನಾಗಿ ಸ್ವಚ್ಛಗೊಳಿಸಿ. ಇದನ್ನು ಪ್ರತಿದಿನ ಎರಡು ಬಾರಿ ಮಾಡಿದಲ್ಲಿ ಹಲ್ಲುಗಳ ಬಿಳುಪು ಹೆಚ್ಚಿ ಹಲ್ಲುಗಳ ಕಾಂತಿ ಇಮ್ಮಡಿಯಾಗುತ್ತದೆ.