ಕಣ್ಣಿನ ಮೇಕಪ್: ಎಚ್ಚರ ತಪ್ಪಿದರೆ ಅಪಾಯ ಕಟ್ಟಿಟ್ಟ ಬುತ್ತಿ!

ಹಳೆಯ ಮಸ್ಕಾರಾವನ್ನು ತ್ಯಜಿಸಿ

ಕಣ್ಣುಗಳಿಗೆ ಹಚ್ಚುವ ಮಸ್ಕಾರ ಅಥವಾ ಕಣ್ಣುರೆಪ್ಪೆಗಳಿಗೆ ಕಪ್ಪುಬಣ್ಣ ನೀಡುವ ಪ್ರಸಾಧನ ಬಳಸಲು ತೊಡಗಿನಂದಿನಿಂದ ಗರಿಷ್ಟ ಮೂರು ತಿಂಗಳ ಒಳಗೆ ಮಾತ್ರ ಉಪಯೋಗಿಸಿ ಎಂದು ಚರ್ಮತಜ್ಞರು ಸಲಹೆ ನೀಡುತ್ತಾರೆ. ಏಕೆಂದರೆ ನೀವೊಬ್ಬರೇ ಉಪಯೋಗಿಸುವುದಾದರೂ ಅದರಲ್ಲಿರುವ ಅತಿಸೂಕ್ಷ್ಮ ಕ್ರಿಮಿಗಳು ಈ ಮೂರು ತಿಂಗಳಲ್ಲಿ ಅಭಿವೃದ್ಧಿ ಹೊಂದಿ ಬಳಿಕ ಮಸ್ಕಾರಾ ಮೂಲಕ ಕಣ್ಣುಗಳಿಗೆ ದಾಟಿಕೊಳ್ಳುವ ಕ್ಷಮತೆ ಪಡೆದಿರುತ್ತವೆ. ಆದ್ದರಿಂದ ಮೂರು ತಿಂಗಳ ಬಳಿಕ ಹಳೆಯ ಮಸ್ಕಾರಕ್ಕೆ ನಮಸ್ಕಾರ ಹೊಡೆದು ಹೊಸ ಮಸ್ಕಾರ ಪಡೆಯಿರಿ

ಐ-ಲೈನರ್ ಬಳಸುವಾಗ ಕೊಂಚ ಅಂತರವಿರಲಿ

ಐ-ಲೈನರ್ ಎಂಬ ಕಾಡಿಗೆಯ ಪೆನ್ಸಿಲ್ ಬಳಸುವಾಗ ಅತಿ ಹೆಚ್ಚು ದಟ್ಟನೆ ಮತ್ತು ಪೂರ್ಣವಾಗಿ ಆವರಿಸಿಕೊಳ್ಳುವಂತೆ ಹಚ್ಚಬೇಡಿ. ಏಕೆಂದರೆ ಅತಿ ಹೆಚ್ಚಿನ ಪ್ರಮಾಣದ ಐ ಲೈನರ್ ಕಣ್ಣು ಮುಚ್ಚಿದಾಗ ಒಂದಕ್ಕೊಂದು ಅಂಟಿಕೊಂಡು ಕಣ್ಣು ತೆರೆಯಲು ದುಸ್ತರವಾಗಬಹುದು. ಒಣಗಲು ಹೆಚ್ಚಿನ ಸಮಯ ತೆಗೆದುಕೊಂಡು ಧೂಳು ಕೂರಲು ಕಾರಣವಾಗಬಹುದು.

ನಿಮ್ಮ ಪ್ರಸಾಧನಗಳನ್ನು ಹಂಚಿಕೊಳ್ಳಬೇಡಿ

ನಿಮ್ಮ ಇತರ ವೈಯಕ್ತಿಯ ವಸ್ತುಗಳಾದ ಸೋಪು, ಹಲ್ಲುಜ್ಜುವ ಬ್ರಶ್ ಗಳಂತೆಯೇ ನಿಮ್ಮ ಸೌಂದರ್ಯ ಪ್ರಸಾಧನ ವಸ್ತುಗಳು ಸಹಾ ಪ್ರತ್ಯೇಕವಾಗಿರಲಿ.ಅದರಲ್ಲೂ ಕಣ್ಣಿಗೆ ಹಚ್ಚುವ ವಸ್ತುಗಳು ಮತ್ತು ಉಪಕರಣಗಳನ್ನು ಅಪ್ಪಿತಪ್ಪಿಯೂ ಇನ್ನೊಬ್ಬರೊಂದಿಗೆ ಹಂಚಿಕೊಳ್ಳಬೇಡಿ. ಏಕೆಂದರೆ ಪ್ರತಿಯೊಬ್ಬರ ಮೈಯಲ್ಲೂ ಇರುವ ಅತಿಸೂಕ್ಷ್ಮ ಕ್ರಿಮಿಗಳು ಈ ಸಲಕರಣೆಗಳ ಮೂಲಕ ನಿಮ್ಮ ದೇಹವನ್ನೂ ಆವರಿಸಿ ಅರೋಗ್ಯವನ್ನು ಕೆಡಿಸಬಹುದು. ಅಂತೆಯೇ ನಿಮ್ಮ ದೇಹದ ಕ್ರಿಮಿಗಳನ್ನು ಅವರಿಗೂ ದಾಟಿಸಬಹುದು.

ಸುರಕ್ಷಿತವೆನಿಸಿದ ಪ್ರಸಾಧನಗಳನ್ನೇ ಕೊಳ್ಳಿರಿ

ಯಾವುದೇ ಪ್ರಸಾಧನಗಳನ್ನು ಕೊಳ್ಳುವ ಮೊದಲು ಅದರಲ್ಲಿ ಕೃತಕ ಸುವಾಸನೆ, ಸಂರಕ್ಷಕ (preservative), ಕೃತಕ ಬಣ್ಣ ನೀಡುವ ಡೈ ಮತ್ತಿತರ ಹಾನಿಕಾರಕ ರಾಸಾಯನಿಕಗಳು ಇಲ್ಲವೆಂದು ದೃಢಪಡಿಸಿಕೊಳ್ಳಿ. ಹೊಸ ಪ್ರಸಾದನವನ್ನು ಮೊದಲು ದೇಹದ ಇತರ ಭಾಗ ಅಂದರೆ ಮೊಣಕೈಗೆ ಹಚ್ಚಿ ಅದು ನಿಮ್ಮ ಚರ್ಮಕ್ಕೆ ಅಲರ್ಜಿಕಾರಕವಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಬಳಿಕವೇ ಕಣ್ಣು ಮತ್ತು ಮುಖದ ಮೇಲೆ ಪ್ರಯೋಗಿಸಿ. ನೆನಪಿರಲಿ: ಉತ್ತಮ ಪ್ರಸಾಧನಕ್ಕೆ ಸುವಾಸನೆಯ ಅಗತ್ಯವಿಲ್ಲ!

ಪ್ರತಿಬಾರಿ ಮೇಕಪ್‌ಗೂ ಮೊದಲು ಕೈಗಳನ್ನು ತೊಳೆದುಕೊಳ್ಳಿ

ಸಾಮಾನ್ಯವಾಗಿ ಅಲಂಕಾರ ಮಾಡಿಕೊಳ್ಳುವ ಧಾವಂತದಲ್ಲಿ ಹೆಚ್ಚಿನವರು ಯಾವುದೋ ಕೆಲಸ ಮಾಡುತ್ತಿದ್ದು ಥಟ್ಟನೇ ಅಲಂಕಾರಕ್ಕೆ ಇಳಿದುಬಿಡುತ್ತಾರೆ. ಅಲ್ಲದೇ ಆ ಹೊತ್ತಿನಲ್ಲಿ ಶೌಚಾಲಯ ಲಭ್ಯವಿಲ್ಲದೇ ಇರುವುದು, ಜನಜಂಗುಳಿಯಲ್ಲಿ ಕೈತೊಳೆಯಲು ಸಾಧ್ಯವಾಗದಿರುವುದರಿಂದ ಅಸಡ್ಡೆ ತೋರುತ್ತಾರೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಪ್ರತಿಬಾರಿ ಮೇಕಪ್‌ಗೂ ಮೊದಲು ಕೈಗಳನ್ನು ತೊಳೆದುಕೊಳ್ಳಿ

ಇಂತಹ ಸಮಯದಲ್ಲಿ ಕೊಂಚ ಕಷ್ಟವಾದರೂ ಸರಿ ಕೈಗಳನ್ನು ಸ್ವಚ್ಛವಾಗಿ ತೊಳೆದುಕೊಳ್ಳುವುದು ಅಗತ್ಯ. ಒಂದು ವೇಳೆ ನೀರು ಸಿಗುವ ಸಾಧ್ಯತೆ ಕಡಿಮೆಯಿದ್ದು ಸಮಯಾಭಾವವಿದ್ದರೆ ಮಾರುಕಟ್ಟೆಯಲ್ಲಿ ಸಿಗುವ hand sanitizer ಎಂಬ ಸಿದ್ಧ ಮಾರ್ಜಕವನ್ನು ಬಳಸಿ ಕೈಗಳನ್ನು ಕ್ರಿಮಿರಹಿತವಾಗಿಸಿಕೊಳ್ಳಿ. ಕೈತೊಳೆಯದೇ ಕಣ್ಣುಗಳಿಗೆ ಹಚ್ಚಿಕೊಳ್ಳುವ ಯಾವುದೇ ಪ್ರಸಾಧನ ಸೋಂಕು ಮತ್ತಿತರ ತೊಂದರೆಗಳನ್ನು ತಂದೊಡ್ಡಬಹುದು.

ಮಸ್ಕಾರಾವನ್ನು ರೆಪ್ಪೆಗಳ ತುದಿಗೆ ಮಾತ್ರ ಹಚ್ಚಿ

ಮಸ್ಕಾರಾ ಹಚ್ಚುವ ವೇಳೆ ಬಣ್ಣವು ಕೂದಲುಗಳ ಬುಡದ ಚರ್ಮಕ್ಕೆ ತಾಕದೇ ಕೂದಲ ಮಧ್ಯಭಾಗದಿಂದ ತುದಿಗಳವರೆಗೆ ಮಾತ್ರ ಲೇಪನವಾಗುವಂತೆ ಹಚ್ಚಿ. ಏಕೆಂದರೆ ಕಣ್ಣುರೆಪ್ಪೆಗಳ ಕೂದಲ ಬುಡಗಳು ಅತಿ ಸೂಕ್ಷ್ಮವಾಗಿದ್ದು ಮಸ್ಕಾರದಲ್ಲಿರುವ ಅತಿ ಸೂಕ್ಷ್ಮ ಕ್ರಿಮಿಗಳು ಸೋಂಕು ಉಂಟುಮಾಡಬಹುದು.