ನಿಮ್ಮ ಅವಧಿ ಮುಗಿದ ಮೇಕಪ್‌ನಿಂದ ದಯವಿಟ್ಟು ದೂರವಿರಿ!

ಒಂದೇ ಸೌಂದರ್ಯವರ್ಧಕಗಳನ್ನು ಬಳಸಬೇಡಿ

ಕೆಲವೊಂದು ಸೌಂದರ್ಯವರ್ಧಕಗಳು ವರ್ಷಾನುಗಟ್ಟಲೆ ಬಾಳಿಕೆ ಬರುತ್ತವೆ, ಆದರೆ ಕಣ್ಣಿನ ಮೇಕಪ್‌ಗಳು ತೆರೆದ ದಿನದಿಂದ ಕೇವಲ ಎರಡು-ಮೂರು ತಿಂಗಳುಗಳ ಕಾಲ ಮಾತ್ರ ಉತ್ತಮ ಸ್ಥಿತಿಯಲ್ಲಿರುತ್ತವೆ. ಇದಕ್ಕೂ ಮೇಲೆ ನೀವು ಬಳಸಿದಲ್ಲಿ ನಿಮ್ಮ ಕಣ್ಣಿನ ಇನ್‍ಫೆಕ್ಷನ್‍ಗೆ ನೀವೇ ಹೊಣೆಗಾರರಾಗಬೇಕಾಗುತ್ತದೆ. ಮಸ್ಕರ ಸಹ ಅತ್ಯಂತ ಕಡಿಮೆ ಬಾಳಿಕೆಯ ಕಾಲವನ್ನು ಹೊಂದಿರುತ್ತದೆ. ಒಂದು ಹೊಸ ಟ್ಯೂಬ್ ಅನ್ನು ನೀವು ತೆರೆದ ಮೇಲೆ ಕೆಲವೇ ತಿಂಗಳಲ್ಲಿ ಅದನ್ನು ಬಳಸದಿದ್ದರು ಬಿಸಾಡಬೇಕಾಗುತ್ತದೆ. ನೀವು ಈ ಉತ್ಪನ್ನಗಳನ್ನು ತಂದು ತೆರೆದ ದಿನವೇ ಅದರ ಮೇಲೆ ದಿನಾಂಕ ನಮೂದಿಸಿ. ಕೆಲವು ತಿಂಗಳುಗಳಾದ ನಂತರ ಅವುಗಳ ಬದಲಿಗೆ ಇನ್ನೊಂದು ಉತ್ಪನ್ನವನ್ನು ತರಲು ಮರೆಯಬೇಡಿ.

ಇದು ವಾಸನೆ ಬರುತ್ತದೆ

ಇದು ದ್ರವ ಮತ್ತು ಪೌಡರ್ ಉತ್ಪನಗಳೆರಡಕ್ಕು ಅನ್ವಯಿಸುತ್ತದೆ. ಕಾಲ ಕ್ರಮೇಣ ಈ ಉತ್ಪನ್ನಗಳಲ್ಲಿ ಬ್ಯಾಕ್ಟೀರಿಯಾಗಳು ಮನೆ ಮಾಡಿಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ. ಆಗ ಅವುಗಳನ್ನು ಬಳಸುವುದರಿಂದ ತ್ವಚೆಯ ಸಮಸ್ಯೆಗಳು ಮತ್ತು ಸೋಂಕಿಗೆ (ಇನ್‍ಫೆಕ್ಷನ್‍ಗೆ) ಗುರಿಯಾಗಬೇಕಾಗುತ್ತದೆ. ಆದ್ದರಿಂದ ಮುಂಜಾಗರೂಕತೆ ಕ್ರಮವಾಗಿ ಇವುಗಳಿಂದ ದೂರವಿದ್ದರೆ ನಿಮಗೆ ಒಳ್ಳೆಯದು.

ಸ್ವರೂಪ ಬದಲಾಗುವುದು

ನಿಮ್ಮ ಕೆನೆ ಭರಿತ ಲಿಪ್‍ಸ್ಟಿಕ್ ಇದ್ದಕ್ಕಿದ್ದಂತೆ ಮುದ್ದೆಯಾಗಬಹುದು ಅಥವಾ ನಿಮ್ಮ ಐಲೈನರ್ ನವಿರಾಗಿ ಗೆರೆಯೆಳೆಯುವುದನ್ನು ನಿಲ್ಲಿಸಿಬಿಡಬಹುದು. ಆಗ ನೀವು ವಿಧಿಯಿಲ್ಲದೆ ಹೊಸತನ್ನು ಕೊಳ್ಳಲು ಹೋಗುವಿರಿ. ಇದಕ್ಕೆ ಕಾರಣ ನಿಮ್ಮ ಸೌಂದರ್ಯ ಉತ್ಪನ್ನಗಳಲ್ಲಿನ ಸ್ವರೂಪ ಅಂದರೆ ಟೆಕ್ಸ್‌ಚರ್ ಬದಲಾಗುವ ಸಮಸ್ಯೆಯೇ ಆಗಿದೆ. ಅದು ತನ್ನ ಬಾಳಿಕೆಯ ಕಾಲದಲ್ಲಿ ಚೆನ್ನಾಗಿ ಬಾಳಿಕೆ ಬರುತ್ತದೆ ನಂತರ ಅದರ ಸ್ವರೂಪವೇ ಬದಲಾಗಿ ಬಿಡುತ್ತದೆ. ಕೆಲವೊಮ್ಮೆ ಈ ಬದಲಾವಣೆಗಳು ನಿಮಗೆ ಕೋಪ ತರಿಸಬಹುದು ಅಷ್ಟೇ, ಆದರೆ ಕೆಲವು ಸಲ ಇವು ನಿಮ್ಮ ತ್ವಚೆಗೆ ಹಾನಿಯನ್ನುಂಟು ಮಾಡಬಹುದು. ಅಷ್ಟು ಮಾಡಿಕೊಳ್ಳುವ ಬದಲು ಇದನ್ನು ಬದಲಾಯಿಸಿ ಸಾಕು!

ಬಣ್ಣ ಗುಂದುವುದು

ಬಣ್ಣ ಗುಂದುವ ಪ್ರಕ್ರಿಯೆಯು ಪ್ರಮುಖವಾಗಿ ನಿಮ್ಮ ಅವಧಿ ಮುಗಿದ ಲಿಪ್ ಲಿಪ್‍ಸ್ಟಿಕ್‌ಗಳ ಮೇಲೆ ಹೆಚ್ಚಾಗಿ ನಡೆಯುತ್ತದೆ. ಏಕೆಂದರೆ ಇವುಗಳನ್ನು ನೀವು ಎರಡೆರೆಡು ಬಾರಿ ಅದ್ದಿ ತೆಗೆಯುತ್ತಿರುತ್ತೀರಿ. ತಜ್ಞರು ಇವುಗಳನ್ನು ಆರು ತಿಂಗಳಿಗೊಮ್ಮೆ ಬದಲಾಯಿಸಬೇಕು ಎಂದು ಸಲಹೆ ಮಾಡುತ್ತಾರೆ. ಏಕೆಂದರೆ ಈ ಅವಧಿಯ ಒಳಗಾಗಿ ಮಾತ್ರ ನೀವು ಇದನ್ನು ಬಳಸಬಹುದು. ಇದಕ್ಕೂ ಮೀರಿದಾಗ ಇದರಲ್ಲಿ ಬ್ಯಾಕ್ಟೀರಿಯಾಗಳು ಬೆಳವಣಿಗೆಯಾಗುವ ಅಪಾಯ ಹೆಚ್ಚಿರುತ್ತದೆ. ಆಗ ನಿಮಗೆ ನೆಗಡಿ ಮುಂತಾದ ಸಮಸ್ಯೆಗಳು ಕಾಣಿಸಿಕೊಳ್ಳಲು ಆರಂಭಿಸುತ್ತವೆ. ಇದರಿಂದ ನಿಮಗೆ ದೊರೆಯುವ ಪ್ರಯೋಜನವೆಂದರೆ, ಆ ಮೂಲಕ ನೀವು ಹೊಸ ಹೊಸ ಬಣ್ಣಗಳನ್ನು ಪ್ರಯತ್ನಿಸಬಹುದು.

ಇದು ಬೇರ್ಪಡುತ್ತದೆ

ದ್ರವ ರೂಪದ ಮೇಕಪ್ ಉತ್ಪನ್ನಗಳ ದೊಡ್ಡ ಸಮಸ್ಯೆಯೆಂದರೆ ಬೇರ್ಪಡುವಿಕೆ. ಫೌಂಡೇಶನ್‍ನಂತಹ ಮೇಕ್-ಅಪ್ ಉತ್ಪನ್ನವು ಇದರ ಸಮಸ್ಯೆಗೆ ಒಳಗಾಗುತ್ತದೆ. ಆಗ ನೀವು ಇವುಗಳನ್ನು ಮರು ಯೋಚಿಸದೆ ಎಸೆಯುವುದೊಂದೇ ಮಾರ್ಗ ಉಳಿಯುವುದು. ದಿನ ನಿತ್ಯದ ಆರೋಗ್ಯದ ದೃಷ್ಟಿಯಿಂದ ಹೀಗೆ ಅವಧಿ ಮುಗಿದ ಫೌಂಡೇಶನ್ ಅನ್ನು ಎಸೆಯುವುದೇ ಒಳ್ಳೆಯದು. ಇಲ್ಲವಾದಲ್ಲಿ ಇನ್‍ಫೆಕ್ಷನ್ ಮತ್ತು ಅನೇಕ ರೀತಿಯ ಕಾಯಿಲೆಗಳು ನಿಮ್ಮನ್ನು ಭಾದಿಸಬಹುದು. ಇವು ಕೇವಲ ಎರಡು ಉದಾಹರಣೆ ಮಾತ್ರ ಎನ್ನುವುದನ್ನು ನೀವು ಮರೆಯಬಾರದು. ಯಾವಾಗ ನಿಮ್ಮ ಸೌಂದರ್ಯವರ್ಧಕ ಉತ್ಪನ್ನವು ಬೇರ್ಪಟ್ಟಿರುತ್ತೋ, ಆಗ ನೀವು ಅದನ್ನು ಬಳಸದೆ ಎಸೆದುಬಿಡಿ, ಮುಂದಾಗಬಹುದಾದ ಅನಾಹುತವನ್ನು ತಪ್ಪಿಸಿಕೊಳ್ಳಿ.

ಅವಧಿ ಮುಗಿದಿದ್ದರೆ

ನಿಮ್ಮ ಮೇಕಪ್ ಕಿಟ್‍ನ ಮೇಲೆ ದಿನಾಂಕಗಳನ್ನು ನಮೂದಿಸಿದ್ದರೆ, ನೀವು ನಿಜಕ್ಕೂ ಅದೃಷ್ಟಶಾಲಿಗಳು. ಆ ಉತ್ಪನ್ನದ ಮೇಲೆ ಏನಾದರೂ ನಮೂದಿಸಿದ್ದರೆ ಒಮ್ಮೆ ಕಣ್ಣಾಡಿಸಿ. ಅದರಿಂದಲೇ ನೀವು ಆ ಉತ್ಪನ್ನದ ಬಗ್ಗೆ ಊಹೆ ಮಾಡಬಹುದು. ಆ ಉತ್ಪನ್ನವು ಬೇರ್ಪಡದಿದ್ದರು, ಬಣ್ಣಗುಂದದಿದ್ದರೂ ಅಥವಾ ಕೆಟ್ಟ ವಾಸನೆ ಬರದಿದ್ದರು ಸಹ ಅವಧಿಯನ್ನು ಮೀರಿದ್ದರೆ, ಬೇರೆ ಯೋಚನೆ ಮಾಡದೆ ಅದನ್ನು ಬದಲಾಯಿಸಿ.