ಸವ್ಯಸಾಚಿ ಔಟ್‌ಫಿಟ್‌ನಲ್ಲಿ ಸುಂದರಿ ಐಶ್ವರ್ಯಾ ರೈ

Updated: Saturday, August 9, 2014, 17:47 [IST]

ಐಶ್ ಆರಾಧ್ಯ ತಾಯಿಯಾದ ನಂತರ ಆಕೆಯ ಡ್ರೆಸ್ಸಿಂಗ್ ಸ್ಟೈಲ್ ಮತ್ತು ರೂಪ ಸಂಪೂರ್ಣ ಮಾರ್ಪಾಡುಗಳು ಕಂಡುಬಂದಿದೆ. ಗರ್ಭಿಣಿಯಾದ ನಂತರ ಗರ್ಭಾವಸ್ಥೆಯ ಹೆಚ್ಚು ತೂಕವನ್ನು ಇಳಿಸುವುದೆಂದರೆ ಪ್ರಯಾಸದ ಕೆಲಸವೇ ಸರಿ. ಆದ್ದರಿಂದ ತಮ್ಮ ಹೆಚ್ಚಿನ ತೂಕವನ್ನು ಮರೆಮಾಚುವುದಕ್ಕಾಗಿ ಅವರು ಅನಾರ್ಕಲಿ ಗೌನ್ ಹಾಗೂ ಸೂಟ್‌ಗಳಲ್ಲಿ ಹೆಚ್ಚಾಗಿ ಕಂಡುಬಂದಿದ್ದರು. ಈ ದಿರಿಸುಗಳನ್ನು ಧರಿಸುವಾಗ ಅವರು ಮುಖ್ಯವಾಗಿ ತಮ್ಮ ಗಮನ ಹರಿಸಿದ್ದು ಸವ್ಯಸಾಚಿ ವಿನ್ಯಾಸದ ಗೌನ್ ಕಡೆಗಾಗಿತ್ತು.

ನಾವು ಹೆಚ್ಚಿನ ಸಮಾರಂಭಗಳಲ್ಲಿ ಐಶ್‌ರನ್ನು ಸವ್ಯಸಾಚಿ ವಿನ್ಯಾಸದ ಸೀರೆ ಮತ್ತು ಗೌನ್‌ಗಳಲ್ಲಿ ಕಂಡಿದ್ದೇವೆ. ಅದರಲ್ಲೂ ಐಶ್ ಆಯ್ಕೆ ಮಾಡುವ ಬಣ್ಣ ಕಪ್ಪಾಗಿದೆ. ಐಶ್ ಧರಿಸುವ ಅನಾರ್ಕಲಿ ಗೌನ್ ಮತ್ತು ಸೂಟ್‌ಗಳು ವೈವಿಧ್ಯಮವಾಗಿದ್ದು ಒಂದೊಂದು ಸ್ಟೈಲ್‌ನಲ್ಲಿದೆ. ರಾಣಿ ಮುಖರ್ಜಿ ಮತ್ತು ವಿದ್ಯಾರ ಮೆಚ್ಚಿನ ವಿನ್ಯಾಸಕಾರರಾಗಿರುವ ಸವ್ಯಸಾಚಿ ಬಚ್ಚನ್ ಕುಟುಂಬದ ಮೆಚ್ಚಿನ ಡಿಸೈನರ್ ಎಂದು ಹೇಳಿದರೂ ತಪ್ಪಾಗಲಾರದು.

ಹಾಗಿದ್ದರೆ ಬಚ್ಚನ್ ಮನೆತನದ ಸೊಸೆ ಐಶ್ವರ್ಯಾ ಧರಿಸಿರುವ ಸವ್ಯಸಾಚಿ ಗೌನ್‌ಗಳನ್ನು ಈ ಬಾರಿ ನಿಮ್ಮೆದುರಿಗೆ ತೋರಿಸಲಿದ್ದು ಪ್ರತಿಯೊಂದು ತಮ್ಮ ಬೇರೆ ಬೇರೆ ವಿನ್ಯಾಸಗಳಿಂದ ಹೇಗೆ ಭಿನ್ನವಾಗಿದೆ ಎಂಬುದನ್ನು ಕಂಡುಕೊಳ್ಳಿ.

ಕಪ್ಪು ಮತ್ತು ಕೆಂಪು ಸೂಟ್

ಕಪ್ಪು ಬಣ್ಣದ ಕೆಂಪು ಎಂಬ್ರಾಯಿಡರಿ ಕುಸುರಿ ಕೆಲಸವನ್ನು ಹೆಚ್ಚು ಹೊಂದಿರುವ ಗೌನ್ ಅನ್ನು ಐಶ್ ಧರಿಸಿದ್ದಾರೆ. ಕಾಶ್ಮೀರಿ ಸೂಟ್ ವರ್ಕ್‌ನಂತೆ ಕಂಡುಬರುವ ಕೆಲಸ ಸೂಟ್‌ನಲ್ಲಿ ಕಂಡುಬಂದಿದ್ದು ಹೆಚ್ಚು ಅತ್ಯಾಕರ್ಷಕವಾಗಿದೆ.

ಕಪ್ಪು ಮತ್ತು ಬಿಳಿ ಲೇಸ್ ಅನಾರ್ಕಲಿ

ಈ ಕಪ್ಪು ಮತ್ತು ಬಿಳಿ ಅನಾರ್ಕಲಿ ಲೇಸ್ ಮಾದರಿಯಲ್ಲಿದ್ದು ಐಶ್‌ನ ಮೆಚ್ಚಿನ ದಿರಿಸುಗಳಲ್ಲಿ ಒಂದಾಗಿದೆ. ಗೌನ್‌ನ ಮೇಲೆ ಮಾಡಿರುವ ಕೆಲಸವನ್ನು ನಾವು ಮೆಚ್ಚಿಕೊಂಡಿದ್ದು ಪಾರದರ್ಶಕ ಶಾಲು ಕೂಡ ಸುಂದರವಾಗಿದೆ.

ಕೆಂಪು ಲೆಹೆಂಗಾ

ಐಶ್ ಸವ್ಯಸಾಚಿ ವಿನ್ಯಾಸದಲ್ಲಿ ಬಹಳಷ್ಟು ಬಾರಿ ಕಂಡುಬಂದಿದ್ದಾರೆ. ಕೆಂಪು ಲೆಹಂಗಾದಲ್ಲಿ ಐಶ್ ಇನ್ನಷ್ಟು ಮುದ್ದಾಗಿ ಕಂಡುಬಂದಿದ್ದು ಲೆಹೆಂಗಾ ತ್ರಿ ಫೋರ್ತ್ ಸ್ಲೀವ್‌ನಲ್ಲಿ ಕಂಡುಬಂದಿದೆ.

ಲೇಸ್ ಸೀರೆ

ಐಶ್ ಕೇನ್ಸ್ ಚಲನಚಿತ್ರೋತ್ಸವದಲ್ಲಿ ಯಾವಾಗಲೂ ಹಾಜರಿರುತ್ತಾರೆ. ಈ ಚಿತ್ರದಲ್ಲಿ ಐಶ್ ಲೇಸ್ ವೆಲ್ವೇಟ್ ಸೀರೆಯನ್ನು ಉಟ್ಟಿದ್ದು ಕೇನ್ಸ್‌ನಲ್ಲಿ ಇದೊಂದು ಮರೆಯಲಾರದ ನೋಟವಾಗಿ ಕಂಡುಬಂದಿದೆ.