ನೇಲ್ ಪಾಲಿಶ್‌ನ ಏಳು ಜನಪ್ರಿಯ ಕಲರ್ ಕಾಂಬಿನೇಶನ್

1.ಕಪ್ಪು ಮತ್ತು ಗುಲಾಬಿ:-

ಈ ಎರಡು ಬಣ್ಣಗಳನ್ನು ಒಟ್ಟಿಗೆ ಬಳಸಿದಾಗ ಅದ್ಬುತವಾಗಿ ಕಾಣಿಸುತ್ತದೆ.ನೀವು ನಿಮ್ಮ ಉಳಿದ ಉಗುರುಗಳಿಗೆ ಗುಲಾಬಿ ಬಣ್ಣ ಬಳಸಿ,ಒಂದಕ್ಕೆ ಮಾತ್ರ ಕಪ್ಪು ಬಣ್ಣ ಬಳಸಿದರೆ ಸೊಗಸಾಗಿರುತ್ತದೆ.ಇದು ಎಲ್ಲಾ ರೀತಿಯ ಬಣ್ಣದ ಬಟ್ಟೆಗಳಿಗೂ ಹೊಂದಿಕೆಯಾಗುತ್ತದೆ.ನಿಮ್ಮ ಸ್ಟೈಲ್ ಅನ್ನು ಆಗಾಗ ಬದಲಾಯಿಸಿಕೊಳ್ಳಲು ಇದು ಒಳ್ಳೆಯ ಅವಕಾಶ ನೀಡುತ್ತದೆ.ಜೊತೆಗೆ ನಿಮ್ಮ ಉಗುರು ಕೂಡ ಸುಂದರವಾಗಿ ಕಾಣಿಸುತ್ತದೆ.

2.ಕಪ್ಪು ಮತ್ತು ಬಿಳಿ ಬಣ್ಣ:-

ಎಂಟು ಉಗುರುಗಳಿಗೆ ಬಿಳಿ ಬಣ್ಣ ಮತ್ತು ಎರಡು ಉಗುರುಗಳಿಗೆ ಕಪ್ಪು ಬಣ್ಣ ಬಳಸಬೇಕು.ಇದು ಒಂದು ರೀತಿಯ ಶಾಸ್ತ್ರೀಯ ಲುಕ್ ನೀಡುವುದರಿಂದ ಇದನ್ನು ಆಫೀಸ್ ಗೆ ಕೂಡ ಬಳಸಬಹುದು.

3.ತಿಳಿ ನೀಲಿ ಮತ್ತು ಸಿಲ್ವರ್ ಬಣ್ಣ :-

ಉಗುರುಗಳು ಹೊಳೆಯುವಂತೆ ಮಾಡಲು ಬೆಳ್ಳಿ ಬಣ್ಣ ಸೂಕ್ತವಾದುದು.ಆದಾಗ್ಯೂ ನೀವು ಇದನ್ನು ಅಧಿಕವೆನಿಸುವಂತೆ ಬಳಸಬಾರದು.ಎರಡು ಸಿಲ್ವರ್ ಬಣ್ಣ ಬಳಸಿ ಉಳಿದವು ನೀಲಿಯಾಗಿದ್ದರೆ ಸುಂದರವಾಗಿರುತ್ತದೆ.

4.ಕೇಸರಿ ಮತ್ತು ಗುಲಾಬಿ:-

ನಮ್ಮಲ್ಲಿ ಸಾಕಷ್ಟು ಜನರಿಗೆ ಕೇಸರಿ ಮತ್ತು ಗುಲಾಬಿ ಬಣ್ಣಗಳು ಬೇಸಿಗೆಯ ಸಂತೋಷ ಭಾವನೆಗಳಿಗೆ ಸ್ಪೂರ್ತಿ ಎನಿಸುತ್ತದೆ.ಆದ್ದರಿಂದ ಬೇಸಿಗೆ ದಿನಗಳಲ್ಲಿ ನಿಮ್ಮ ಮೂಡ್ ಅನ್ನು ಸುಂದರವಾಗಿರಿಸಿಕೊಳ್ಳಲು ಈ ಬಣ್ಣಗಳು ಸಹಾಯಕ ಎನ್ನಬಹುದು.ಈ ಎರಡೂ ಬಣ್ಣಗಳು ನಿಮಗೆ ಮೃದು ಮತ್ತು ತಾಜಾ ಅನುಭವ ನೀಡುತ್ತದೆ.ಇದರ ಜೊತೆಗೆ ನಿಮ್ಮ ಬೇಸಿಗೆಯ ವಿವಿಧ ಉಡುಗೆಗಳಿಗೆ ಇದು ಸೂಕ್ತವಾದುದು.

5.ಘಾಡ ಕೆಂಪು ಮತ್ತು ಬೂದು ಬಣ್ಣ:-

ನೀವು ಘಾಡ ಕೆಂಪು ಜೊತೆಗೆ ಬೂದು ಬಣ್ಣವನ್ನು ಬಳಸಿದರೆ ನಿಮ್ಮ ಉಗುರುಗಳು ಎಲ್ಲರನ್ನೂ ಆಕರ್ಷಿಸುತ್ತದೆ.ನಿಮ್ಮ ಉಂಗುರ ಬೆರಳನ್ನು ಬಿಟ್ಟು ಉಳಿದವುಗಳಿಗೆಲ್ಲ ಬೂದು ಬಣ್ಣವನ್ನು ಹಚ್ಚಿ,ಅಥವಾ ಎಲ್ಲಾ ಬೆರಳುಗಳಿಗೆ ಘಾಡ ಕೆಂಪು ಬಣ್ಣ ಹಚ್ಚಿ,ಉಂಗುರ ಬೆರಳಿಗೆ ಬೂದು ಬಣ್ಣ ಬಳಸಿ.ಎರಡೂ ರೀತಿಯಲ್ಲೂ ಕೈ ಬೆರಳುಗಳು ಸುಂದರವಾಗಿ ಕಾಣಿಸುತ್ತದೆ.

6.ವೈಡೂರ್ಯ ಮತ್ತು ಹಳದಿ :-

ನೀವು ನಿಮ್ಮ ಉಗುರನ್ನು ಗೆರೆ ಎಳೆದು ಅಥವಾ ಹೂವುಗಳನ್ನು ಬಿಡಿಸಿ ಅಲಂಕರಿಸಬಹುದು.ಇತರ ಉಡುಗೆ ಅಥವಾ ಎಲ್ಲವನ್ನೂ ಹಳದಿ ಅಥವಾ ರತ್ನ ವೈಡೂರ್ಯದ ಬಣ್ಣ ಬಳಸಬೇಡಿ.ಕೆಲವು ಆಭರಣಗಳನ್ನು ಅದೇ ಬಣ್ಣದಲ್ಲಿ ಬಳಸಬಹುದು.

7.ನೇರಳೆ ಮತ್ತು ಗುಲಾಬಿ ಬಣ್ಣ :-

ನೀವು ನೇರಳೆ ಮತ್ತು ಗುಲಾಬಿ ಬಣ್ಣವನ್ನು ಬಳಸಲು ಇಷ್ಟಪಡುವವರಾದರೆ ಇದು ಸ್ವಲ್ಪ ಬಾಲಿಶ ಬಣ್ಣ ಎನಿಸಬಹುದು ಎಂಬುದನ್ನು ನೆನಪಿಡಿ.ಆದ್ದರಿಂದ ಈ ಬಣ್ಣಗಳನ್ನು ಅತಿಯಾಗಿ ಬಳಸಬೇಡಿ.ನಿಮ್ಮ ಬೆರಳುಗಳಿಗೆ ಫ್ರೆಂಚ್ ಲುಕ್ ನೀಡಬೇಕು ಎಂದಿದ್ದರೆ ನೇರಳೆ ಮತ್ತು ಗುಲಾಬಿ ಬಣ್ಣ ಸೂಕ್ತ.