ಗೋಧಿ ಮತ್ತು ಎಣ್ಣೆಗೆಂಪಿನ ಮೈ ಬಣ್ಣದವರಿಗೆ ಮೇಕಪ್ ಟಿಪ್ಸ್

ಫೌಂಡೇಶನ್

ಫೌಂಡೇಶನ್ ಆಯ್ಕೆ ಮಾಡುವಾಗ ಎಚ್ಚರದಿಂದ ಆಯ್ಕೆ ಮಾಡಿ. ನಿಮ್ಮ ತ್ವಚೆಯ ಬಣ್ಣಕ್ಕೆ ಹೊಂದುವ ಬಣ್ಣದ ಫೌಂಡೇಶನ್ ಆಯ್ಕೆ ಮಾಡಿ. ಅದರಲ್ಲೂ ಲಿಕ್ವಿಟ್ ಅಥವಾ ಕ್ರೀಮ್ ರೀತಿಯ ಫೌಂಡೇಶನ್ ಬಳಸುವುದು ಒಳ್ಳೆಯದು.

ಪೌಡರ್

ಫೌಂಡೇಶನ್ ಹಚ್ಚಿದ ನಂತರ ಪೌಡರ್ ಹಚ್ಚಿದರೆ ಮಾತ್ರ ಪರ್ಫೆಕ್ಟ್ ಫಿನಿಶಿಂಗ್ ಸಿಗುವುದು. ಫೌಂಡೇನ್ ಗೆ ಸರಿ ಹೊಂದುವ ಕಾಂಪ್ಯಾಕ್ಟ್ ಪೌಡರ್ ಬಳಸುವುದು ಒಳ್ಳೆಯದು.

ಬ್ಲಶರ್

ಗೋಧಿ ಮತ್ತು ಎಣ್ಣೆಗೆಂಪಿನ ಮೈ ಬಣ್ಣದವರು ಬ್ಲಶರ್ ಬಳಸಿದರೆ ಮತ್ತಷ್ಟು ಆಕರ್ಷಕವಾಗಿ ಕಾಣುವುದು. ಅದರಲ್ಲೂ ಲಿಕ್ವಿಡ್ ಬಣ್ಣದ ಬ್ಲಶರ್ ತುಂಬಾ ಆಕರ್ಷಕವಾಗಿ ಕಾಣುವುದು.

ನೇಲ್ ಪಾಲಿಶ್

ನೇಲ್ ಪಾಲಿಶ್ ನಲ್ಲಿ ಶೈನಿ ಕಲರ್ ನೇಲ್ ಪಾಲಿಶ್, ಪರ್ಪಲ್, ಲೈಟ್ ಬ್ರೌನ್ , ಲೈಟ್ ಮೆರೂನ್ ಕಲರ್ ನೇಲ್ ಪಾಲಿಶ್ ಚೆನ್ನಾಗಿ ಕಾಣುತ್ತದೆ.

ಐ ಶ್ಯಾಡೋ

ಬ್ರೌನ್ ಕಲರ್, ಕಾಪರ್ ಕಲರ್ ಐ ಶ್ಯಾಡೋ ಕಣ್ಣಿನ ಆಕರ್ಷಣೆಯನ್ನು ಹೆಚ್ಚಿಸುತ್ತದೆ. ತುಂಬಾ ಎದ್ದು ಕಾಣುವ ಬಣ್ಣದ ಐ ಶ್ಯಾಡೋ ಹಚ್ಚದಿರುವುದು ಒಳ್ಳೆಯದು.

ಐ ಲೈನರ್

ಕಪ್ಪು ಅಥವಾ ನೇರಳೆ ಬಣ್ಣದ ಐ ಲೈನರ್ ಬಳಸಬಹುದು. ಕಾಜಲ್ ಹಾಕುವುದಾದರೆ ಸ್ಪ್ರೆಡ್ ಆಗದಿರಲು, ಕಣ್ಣಿನ ಸುತ್ತ ಪೌಡರ್ ಹಚ್ಚಿ ನಂತರ ಕಾಜಲ್ ಬಳಸಿ.

ತುಟಿಯ ಬಣ್ಣ

ಹೆಚ್ಚಿನವರಿಗೆ ನಮಗೆ ಹೊಂದುವ ಲಿಪ್ ಸ್ಟಿಕ್ ಯಾವುದು ಎಂಬ ಐಡಿಯಾ ಇಲ್ಲದೆಯೇ ಹಾಕುತ್ತಾರೆ. ಹಾಗೇ ಮಾಡಬೇಡಿ, ಮೈ ಬಣ್ಣಕ್ಕೆ ಹೊಂದುವ ಲಿಪ್ ಸ್ಟಿಕ್ ಮಾತ್ರ ನಮ್ಮ ಅಂದವನ್ನು ಹೆಚ್ಚಿಸುವುದು. ಗೋಧಿ ಅಥವಾ ಎಣ್ಣೆಗೆಂಪಿನವರಿಗೆ ವೈನ್, ರೆಡ್, ಪ್ಲಮ್ ಕಲರ್ ಲಿಪ್ ಸ್ಟಿಕ್ ಆಕರ್ಷಕವಾಗಿ ಕಾಣುವುದು.

ಕಾಸ್ಟ್ಯೂಮ್

ಮೇಕಪ್ ಗೆ ತಕ್ಕಂತೆ ನಿಮ್ಮ ಕಾಸ್ಟ್ಯೂಮ್ ಕೂಡ ನಿಮ್ಮ ಮೈ ಬಣ್ಣಕ್ಕೆ ಹೊಂದುವಂತೆ ಇರಲಿ. ಲೈಟ್ ಕಲರ್ ಡ್ರೆಸ್ ಎಣ್ಣೆಗೆಂಪಿನ ಮೈ ಬಣ್ಣದವರಿಗೆ ಆಕರ್ಷಕವಾಗಿ ಕಾಣುತ್ತದೆ.