ಸೀರೆಯಲ್ಲಿ ಹಾಲಿವುಡ್ ತಾರೆಯರು!

ಅನ್ನಾ ಕೌರ್ನಿಕೋವ

ಟೆನ್ನಿಸ್ ಆಟಗಾರ್ತಿಯಾದ ಅನ್ನಾ ಕೌರ್ನಿಕೊವ ಕಸೂತಿ ಮಾಡಿದ ನೀಲಿ ಸೀರೆಯಲ್ಲಿ ಅಪ್ಸರೆಯ ಹಾಗೆ ಕಾಣುತ್ತಿದ್ದರು. ಇದನ್ನು ಆಕೆ ದುಬೈನಲ್ಲಿ ಟೆನ್ನಿಸ್ ಪ್ರದರ್ಶನಕ್ಕೆ ಭೇಟಿ ಕೊಟ್ಟಾಗ ಉಟ್ಟಿದ್ದಳು.

ವಿಕ್ಟೋರಿಯ ಬೇಕಂ

ಹಾಲಿವುಡ್ಡಿನ ಸೆಕ್ಸಿ ತಾರೆ ವಿಕ್ಟೋರಿಯ ಬೇಕಂ ಸೀರೆ ಉಟ್ಟ ಫೋಟೋ ವೊಗ್ಯೂ ಇಂಡಿಯಾ ಮ್ಯಾಗಝೀನ್ ನ ಮುಖಪುಟದಲ್ಲಿ ಪ್ರಕಟವಾಗಿತ್ತು. ಈಕೆ ತರುಣ್ ತಹಿಲಾನಿ ವಿನ್ಯಾಸಗೊಳಿಸಿದ ಸೀರೆ ಉಟ್ಟಿದ್ದಳು.

ನೋಮಿ ಕ್ಯಾಂಪ್ ಬೆಲ್

ಮಾಡೆಲ್ ನೋಮಿ ಕ್ಯಾಂಪ್ ಬೆಲ್ ವಸ್ತ್ರವಿನ್ಯಾಸಕಾರ ಸವ್ಯಸಾಚಿ ಮುಖರ್ಜಿ ವಿನ್ಯಾಸ ಮಾಡಿದ ಕಪ್ಪು ಬಣ್ಣದ ನೆಟ್ ಸೀರೆ ಉಟ್ಟು ರಾಂಪಿನ ಮೇಲೆ ಮಿಂಚಿದರು. ಸೀರೆಗೆ ಒಪ್ಪುವಂತಹ ಅಲಂಕಾರ ಮಾಡಿಕೊಂಡಿದ್ದ ಈಕೆ ಈ ಮುನ್ನ ಸಹ ಭಾರತದಲ್ಲಿ ಸಮಾರಂಭಗಳಲ್ಲಿ ಭಾಗವಹಿಸಲು ಬಂದಾಗ ಸೀರೆ ಉಟ್ಟಿದ್ದಳು.

ಕಮೆರೊನ ಡಿಯಾಜ್

ನವಿಲಿನ ಚಿತ್ತಾರದ ಈ ಸುಂದರ ಕಪ್ಪು ಸೀರೆಯಲ್ಲಿನ ಸ್ನಿಗ್ಧ ಸೌಂದರ್ಯದ ಖನಿ ಕಮೆರೋನ ಡಿಯಾಜ್ ಳನ್ನು ನೋಡಿ ಆಹಾ! ಎಂದು ಉದ್ಗರಿಸದೆ ಇರಲು ಸಾಧ್ಯವಿಲ್ಲ ಅಲ್ಲವೇ?

ಎಲಿಜಬೆತ್ ಹರ್ಲಿ

ಭಾರತೀಯ ಉದ್ಯಮಿ ಅರುಣ್ ನಾಯರ್ ನ ಮಾಜಿ ಪತ್ನಿ ಎಲಿಜಬೆತ್ ಹರ್ಲಿ. ಸುಮಾರು ಸಮಾರಂಭಗಳಲ್ಲಿ ಪಾಲ್ಗೊಳ್ಳುವ ಸಂದರ್ಭಗಳಲ್ಲಿ ಈಕೆ ಸೀರೆಯನ್ನು ಉಡುತ್ತಾಳೆ. ಈಕೆ ಉಡುವ ಸುಂದರ ಸೀರೆಗಳು ಈಕೆಯ ಅಂದಕ್ಕೆ ಇನ್ನಷ್ಟು ಮೆರುಗನ್ನು ತಂದುಕೊಡುತ್ತವೆ.

ಆ್ಯಶ್ಲಿ ಜುಡ್

ಭಾರತೀಯ ಸಾಂಪ್ರದಾಯಿಕ ಉಡುಗೆಯಲ್ಲಿರುವ ಈಕೆಯನ್ನು ವರ್ಣಿಸಲು ಇರುವುದು ಒಂದೇ ಪದ "ವಾಹ್!" ಈ ನಟಿ ಯೂತ್ ಏಡ್ಸ್ ಬೆನಿಫಿಟ್ ಗಾಲಾದಲ್ಲಿ ಭಾಗವಹಿಸಿದಾಗ ಈ ಸೀರೆ ಉಟ್ಟು ಬಂದಿದ್ದಳು.

ನಿಕೊಲೆ ಶೇರ್ಜಿಂಗರ್

ಸೀರೆಯಲ್ಲಿನ ಈಕೆಯ ಸೌಂದರ್ಯವನ್ನು ವರ್ಣಿಸಲು ಪದಗಳೇ ಇಲ್ಲ. ಈ ಗಾಯಕಿ ರೆಡ್ ಕಾರ್ಪೆಟ್ ಸಮಾರಂಭಕ್ಕೆ ಸೀರೆ ಉಟ್ಟು ಬಂದಿದ್ದಳು. ಈ ಸೀರೆಯ ಬಣ್ಣಗಳ ಕಾಂಬಿನೇಷನ್ ಸುಂದರವಾಗಿತ್ತು.

ಪಮೆಲ ಆ್ಯಂಡರ್ಸನ್

ಬಿಗ್ ಬಾಸ್ ಸೀಸನ್ 6 ಕ್ಕೆ ಅತಿಥಿಯಾಗಿ ಆಗಮಿಸಿದಾಗ ಪಮೆಲ ಬಿಳಿ ಬಣ್ಣದ ನೆಟ್ ಸೀರೆಯನ್ನು ಉಟ್ಟು ಬಂದಿದ್ದಳು. ಈ ಸೀರೆಯಲ್ಲಿ ಆಕೆಯ ಸೌಂದರ್ಯವನ್ನು ನೋಡಿ ಹಲವರ ಹೃದಯ ಬಾಯಿಗೆ ಬಂದಂತಾಗಿತ್ತು.

ಪ್ಯಾರಿಸ್ ಹಿಲ್ಟನ್

ಭಾರತೀಯ ಸೀರೆಯುಡುಗಿಯಲ್ಲಿ ಹೆಚ್ಚು ಸುಂದರವಾಗಿ ಕಂಡದ್ದು ಪ್ಯಾರಿಸ್ ಹಿಲ್ಟನ್. ಬೇಬಿ ಪಿಂಕ್ ಬಣ್ಣದ ಸೀರೆಯುಟ್ಟು ಈಕೆ ಮುಂಬಯಿಯಲ್ಲಿ ನಡೆದ ಸಮಾರಂಭವೊಂದರಲ್ಲಿ ಭಾಗವಹಿಸಿದ್ದಳು.

ಪ್ಯಾರಿಸ್ ಹಿಲ್ಟನ್ ಮ್ಯಾರಿ ಕ್ಲಾರಿ ಮುಖಪುಟದಲ್ಲಿ...

ಮ್ಯಾರಿ ಕ್ಲಾರಿ ಮ್ಯಾಗಝೀನಿನ ಮುಖಪುಟದಲ್ಲಿ ಪ್ಯಾರಿಸ್ ಹಿಲ್ಟನ್ ಕಾಣಿಸಿಕೊಂಡಿದ್ದು ಹೀಗೆ. ಸಮುದ್ರ ಹಸಿರು ಬಣ್ಣದ ಸೀರೆಯುಟ್ಟ ಈ ನೀರೆಯ ಸೌಂದರ್ಯಕ್ಕೆ ಮರುಳಾಗದವರೇ ಇಲ್ಲ.

ಅನ್ನಾ ಹತಾವೆ

ಭಾರತೀಯ ಸಾಂಪ್ರದಾಯಿಕ ಆಭರಣ ಮತ್ತು ಸುಂದರ ಕೇಶವಿನ್ಯಾಸದೊಂದಿಗೆ ಅನ್ನಾ ಕಂಗೊಳಿಸಿದಳು.

ಒಪ್ರ ವಿನ್ಫ್ರೆ

ಒಪ್ರ ಭಾರತಕ್ಕೆ ಭೇಟಿ ನೀಡಿದಾಗಲೆಲ್ಲ ಆಕೆ ಅತ್ಯುತ್ತಮ ಭಾರತೀಯ ಸಾಂಪ್ರದಾಯಿಕ ಉಡುಗೆ ತೊಡುತ್ತಾಳೆ. ಈಕೆಯ ಸೀರೆಗಳನ್ನು ವಿನ್ಯಾಸ ಮಾಡಿದ್ದು ಸವ್ಯಸಾಚಿ. ಸಿಂಧೂರದೊಂದಿಗೆ ಸೀರೆಗೆ ಈಕೆ ದೇಶಿಯತೆಯ ಮೆರುಗನ್ನು ನೀಡುತ್ತಾಳೆ. ನಿಮಗೆ ಇಷ್ಟವಾಯಿತೆ?

ಜೆಸ್ಸಿಕಾ ಅಲ್ಬಾ

ಕಿತ್ತಳೆ ಮತ್ತು ಚಿನ್ನದ ಬಣ್ಣದ ಸೀರೆಯಲ್ಲಿ ಹಾಲಿವುಡ್ಡಿನ ಮೋಹಕ ತಾರೆ ಜೆಸ್ಸಿಕಾ ಅಲ್ಬಾ ಮನಸೆಳೆದಳು.

ಲೇಡಿ ಗಾಗಾ

ಗಾಯಕಿ ಲೇಡಿ ಗಾಗಾ ತರುಣ್ ತಹಿಲಿಯಾನಿ ವಿನ್ಯಾಸ ಮಾಡಿದ ಸೀರೆ ಉಟ್ಟಿದ್ದಳು. ಪಿಸ್ಟಾ ಹಸಿರು ಬಣ್ಣದ ಸೀರೆ ಈಕೆಯ ಸೌಂದರ್ಯವನ್ನು ಹೆಚ್ಚಿಸಿತ್ತು.

ಹಲ್ಲೆ ಬೆರಿ

ಕೆಂಪು ಮತ್ತು ಚಿನ್ನದ ಬಣ್ಣದ ಸೀರೆಯುಟ್ಟು ಈಕೆ ತನ್ನ ಚಿತ್ರವೊಂದರ ಪ್ರಚಾರಕ್ಕೆ ಬಂದಿದ್ದಳು.