ನೀವು ಧರಿಸುವ ಕನ್ನಡಕ ನಿಮಗೆ ಸೂಕ್ತವಾಗಿದೆಯೇ?

Make Up

oi-Reena

By Hema S

Updated: Monday, August 27, 2012, 16:49 [IST]

ಸ್ಟೈಲ್, ದೃಷ್ಟಿದೋಷ, ತಲೆನೋವು ಹೀಗೆ ನಾನಾ ಕಾರಣಗಳಿಂದ ಕನ್ನಡಕ ಬಳಸುತ್ತೇವೆಯಾದರೂ ಕೊನೆಗೆ ನಾವು ಬಯಸುವುದು ಅದನ್ನು ಧರಿಸಿದಾಗ ನಾವು ಚೆಂದ ಕಾಣಬೇಕೆಂದು. ತುಂಬಾ ಜನರಿಗೆ ಸ್ಟೈಲಿಷ್ ಲುಕ್ ನ ಕನ್ನಡಕ ಆಕರ್ಷಿತವಾಗಿ ಕಾಣುತ್ತದೆ ಎಂದು ಕ್ನನಡಕ ಕೊಂಡು ಹಾಕಿಕೊಂಡಾಗ ವಿಚಿತ್ರವಾಗಿ ಕಾಣಲು ಕಾರಣ, ಕನ್ನಡಕವನ್ನು ಆಯ್ಕೆ ಮಾಡಲು ತಿಳಿಯದಿರುವುದು!

ಕನ್ನಡಕವನ್ನು ಕೊಳ್ಳುವಾಗ ಕೇವಲ ಕನ್ನಡಕ ಆಕರ್ಷಿಕವಾಗಿದೆಯೇ ಎಂದು ನೋಡಿದರೆ ಸಾಲದು,ನಿಮ್ಮ ಮುಖಕ್ಕೆ ಆ ಕನ್ನಡಕದ ವಿನ್ಯಾಸ ಮತ್ತು ಫ್ರೇಮ್ ನ ಬಣ್ಣ ಹೊಂದುತ್ತದೆಯೋ ಎಂದು ನೋಡಿ ಕೊಳ್ಳಬೇಕಾಗುತ್ತದೆ. ಯಾವ ರೀತಿಯ ಕನ್ನಡಕ ನಿಮಗೆ ಒಪ್ಪುತ್ತದೆ ಎಂದು ತಿಳಿಯಲು ಮುಂದೆ ಓದಿ:

ಮುಖದ ಆಕಾರ ಮತ್ತು ಕನ್ನಡಕ:
* ದುಂಡಗಿನ ಮುಖದವರಿಗೆ ಆಯಾತಾಕಾರದ ಕನ್ನಡಕ ಆಕರ್ಷಿಕವಾಗಿ ಕಾಣುತ್ತದೆ.
* ಚೌಕಾರದ ಮುಖದವರೆಗೆ ವೃತ್ತಾಕಾರದ ಕನ್ನಡಕ ಆಕರ್ಷಿಕವಾಗಿ ಕಾಣುತ್ತದೆ. ಚಿಕ್ಕದಾಗಿರುವ ಅಯಾತಾಕಾರದ ಕನ್ನಡಕವನ್ನು ಧರಿಸಲು ಹೋಗಬಾರದು.
* ಮೊಟ್ಟೆಯಾಕಾರದ ಮುಖದವರೆಗೆ ಎಲ್ಲಾ ಬಗೆಯ ಕನ್ನಡಕ ಕೂಡ ಒಪ್ಪುತ್ತದೆ.

ಕನ್ನಡಕ ಕೊಳ್ಳುವಾಗ ಮುಖದ ಆಕಾರ ಮಾತ್ರ ನೋಡಿದರೆ ಸಾಲದು ಪ್ರೇಮ್ ಕಲರ್ ಕೂಡ ಗಮನದಲ್ಲಿರಬೇಕಾಗುತ್ತದೆ.

1. ಬಿಸಿನೆಸ್ ವಿಷಯಗಳಿಗೆ ಹೋಗುವಾಗ ಹಾಕುವುದಾದರೆ ಸ್ವಲ್ಪ ಬೆಳ್ಳಿ ಬಣ್ಣದ ಅಥವಾ ಚಿನ್ನದ ಬಣ್ಣದ ಪ್ರೇಮ್ ನ ಕನ್ನಡಕ ಬಳಸುವುದು ಒಳ್ಳೆಯದು.

2. ತೆಳುವಾದ ಪ್ರೇಮ್ ನ ಕನ್ನಡಕವನ್ನು ಕೊಂಡರೆ ತುಂಬಾ ಕಾಲ ಬಾಳಿಕೆ ಬರುತ್ತದೆ ಮತ್ತು ಧರಿಸಲು ಆರಾಮದಾಯಕವಾಗಿರುತ್ತದೆ.

3. ಒಂದಕ್ಕಿಂತ ಅಧಿಕ ಕನ್ನಡಕ ಬಯಸುವುದಾದರೆ ಬಿಳಿ, ನೀಲಿ ಮತ್ತು ಕೆಂಪು ಫ್ರೇಮ್ ಇರುವ ಕನ್ನಡಕ ಬಳಸಿದರೆ ಸ್ಟೈಲಿಷ್ ಲುಕ್ ನಿಂದ ಮಿಂಚ ಬಹುದು.