ತೆಳ್ಳಗೆ ಕಾಣ ಬಯಸುವುದಾದರೆ ಡ್ರೆಸ್ಸಿಂಗ್ ಹೀಗಿರಲಿ

ದೇಹದ ಆಕಾರ ಹೇಗಿರುತ್ತದೆ ಅದರಂತೆ ನಾವು ದಪ್ಪ ಅಥವಾ ಸಣ್ಣಗೆ ಕಾಣಿಸುತ್ತೇವೆ. ಆದರೆ ಕೆಲವೊಂದು ಡ್ರೆಸ್ ಧರಿಸಿದರೆ ನಿಮಗೆ ಅನಿಸಬಹುದು ಈ ಡ್ರೆಸ್‌ನಲ್ಲಿ ಸಣ್ಣ ಕಾಣುಸುತ್ತಿದ್ದೇನೆ ಮತ್ತೊಂದು ಡ್ರೆಸ್‌ನಲ್ಲಿ ತುಂಬಾ ದಪ್ಪ ಕಾಣಿಸುತ್ತಿದ್ದೇನೆ ಅಂತ ಅನಿಸುತ್ತಿರುತ್ತದೆ. ಹೌದು ಡ್ರೆಸ್‌ಗಳ ವಿನ್ಯಾಸವು ಕೂಡ ನಿಮ್ಮನ್ನು ದಪ್ಪಗೆ ಅಥವಾ ಸಣ್ಣಗೆ ಕಾಣಿಸುವಂತೆ ಮಾಡುತ್ತದೆ. ಹೆಚ್ಚಿನವರು ಸಪೂರ ಸುಂದರಿ ಅನ್ನಿಸಿಕೊಳ್ಳಬೇಕೆಂದು ಇಷ್ಟಪಡುತ್ತಾರೆ.

ಆದ್ದರಿಂದ ತೆಳ್ಳಗೆ ಕಾಣಿಸಬೇಕೆಂದು ಬಯಸುವವರು ಈ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು.

1. ಉದ್ದ ಗೆರೆಯಿರುವ ಡ್ರೆಸ್ : ಉದ್ದ ಗೆರೆಯಿರುವ ಡ್ರೆಸ್ ಧರಿಸಿದರೆ ನಿಮ್ಮನ್ನು ಎತ್ತರ ಮತ್ತು ತೆಳ್ಳಗೆ ಕಾಣಿಸುವಂತೆ ಮಾಡಿಸುತ್ತದೆ. ಸ್ವಲ್ಪ ಬಿಗಿಯಾಗಿರುವ ಉದ್ದ ಗೆರೆಯಿರುವ ಶರ್ಟ್ ಮತ್ತು ಪ್ಯಾಂಟ್ ಧರಿಸಿದರೆ ತೆಳ್ಳಗೆ ಮತ್ತು ಸ್ಟೈಲಿಷ್ ಆಗಿ ಕಾಣುವಿರಿ. ಆಕರ್ಷಕ ಡ್ರೆಸ್ ಮತ್ತು ಕುತ್ತಿಗೆಗೆ ಸ್ಟೈಲಿಷ್ ಸರ ಧರಿಸಿದರೆ ನೋಡುಗರ ಗಮನ ನಿಮ್ಮ ಅಲಂಕಾರದ ಮೇಲೆ ಹೋಗುತ್ತದೆ.

2. ಅಡ್ಡ ಗೆರೆ : ಅಡ್ಡ ಗೆರೆಯಿರುವ ಡ್ರೆಸ್‌ಗೆ ಕಾಲರ್ ಇದ್ದರೆ ಆ ಡ್ರೆಸ್ ಧರಿಸಿದರೆ ದಪ್ಪವಾಗಿ ಕಾಣುವಿರಿ. ಆದರೆ ಅಡ್ಡ ಗೆರೆಯ v ಶೇಪ್ ನೆಕ್ ವಿನ್ಯಾಸವಿರುವ ಗೌನ್ ಹಾಕಿ ಎತ್ತರದ ಚಪ್ಪಲಿ ಧರಿಸಿದರೆ ತೆಳ್ಳಗೆ ಕಾಣಿಸುವಿರಿ. ಫ್ಯಾಬ್ರಿಕ್ ಬಟ್ಟೆಯ ಅಡ್ಡ ಗೆರೆಯಿರುವ ಡ್ರೆಸ್ ಧರಿಸಿದರೆ ದಪ್ಪ ಕಾಣಿಸುವುದಿಲ್ಲ.

3. ಓರೆ ಗೆರೆ: ಓರೆಯಾಗಿ ಗೆರೆಯಿರುವ ಡ್ಎರಸ್ ಧರಿಸಿದರೆ ಕೂಡ ತೆಳ್ಳಗೆ ಕಾಣಸಬಹುದು. ಈ ತರಹದ ಡ್ರೆಸ್ ಗಳಲ್ಲಿ ಉದ್ದ ಮತ್ತು ಅಡ್ಡ ಗೆರೆಯಿರುವ ಡ್ರೆಸ್ ಕೂಡ ಆಕರ್ಷಕವಾಗಿ ಕಾಣುವುದು. ಫ್ಯಾಬ್ರಿಕ್ ಬಟ್ಟೆಗಳನ್ನು ಧರಿಸಿದರೆ ತೆಳ್ಳಗೆ ಕಾಣಿಸಿಬಹುದು.

4. ದೊಡ್ಡ ವಿನ್ಯಾಸವಿರುವ ಡ್ರೆಸ್ : ದೊಡ್ಡ ಹೂಗಳಿರುವ ಅಥವಾ ದೊಡ್ಡದಾದ ವಿನ್ಯಾಸವಿರುವ ಡ್ರೆಸ್ ಧರಿಸಿದರೆ ಮತ್ತಷ್ಟು ದಪ್ಪವಾಗಿ ಕಾಣುವಿರಿ. ಆದ್ದರಿಂದ ಚಿಕ್ಕ ವಿನ್ಯಾಸವಿರುವ ಡ್ರೆಸ್ ಗಳನ್ನು ಧರಿಸಿದರೆ ತೆಳ್ಳಗೆ ಕಾಣಿಸಿಬಹುದು.

ಸಲಹೆ: ಗೆರೆಯಿರುವ ಡ್ರೆಸ್‌ಗಳನ್ನು ಕೊಳ್ಳುವಾಗ ತುಂಬಾ ದಪ್ಪದ ಗೆರೆಯಿರುವ ಡ್ರೆಸ್ ಕೊಂಡರೆ ಅಗಲವಾಗಿ ಕಾಣುವಿರಿ. ಆದ್ದರಿಂದ ಸಣ್ಣಗೆ ಕಾಣಬೇಕೆಂದರೆ ಸಣ್ಣ ಗೆರೆಯಿರುವ ಡ್ರೆಸ್ ಗಳ ಆಯ್ಕೆ ಒಳ್ಳೆಯದು.