ಮಸ್ಕರಾ ಹಚ್ಚುವ ಕಲೆ ಗೊತ್ತಿದೆಯೇ?

Make Up

oi-Reena

By Hema S

Updated: Tuesday, September 25, 2012, 12:47 [IST]

ಕಣ್ಣಿಗೆ ಮಸ್ಕರಾ ಹಚ್ಚಿದರೆ ಮುಖದ ಅಂದ ಹೆಚ್ಚುವುದು. ಆದರೆ ಮಸ್ಕರಾ ಹಚ್ಚಿ ಸ್ವಲ್ಪ ಹೊತ್ತಿಗೆ ಕಣ್ಣು ತುಂಬಾ ಹರಡುತ್ತದೆ. ಈ ರೀತಿ ಉಂಟಾದರೆ ಮುಖ ತುಂಬಾ ಮಸ್ಕರಾವೇ ಎದ್ದು ಕಾಣುವುದರಿಂದ ವಿಚಿತ್ರವಾಗಿ ಕಾಣುವಂತಾಗುವುದು.

ಈ ರಗಳೆ ಬೇಡವೆಂದು ಹೆಚ್ಚಿನವರು ಹಚ್ಚಲು ಹೋಗುವುದೇ ಇಲ್ಲ. ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಮಸ್ಕರಾ ಹಚ್ಚಿದಾಗ ಅದು ಹರಡದೆ ಮುಖದ ಅಂದ ಹೆಚ್ಚಿಸುವಂತೆ ಮಾಡುವುದು.

1. ಮಸ್ಕರಾ ಹಚ್ಚುವ ಮೊದಲು ಬೇರೆ ಮೇಕಪ್ ಮಾಡಿರಬೇಕು. ಮುಖಕ್ಕೆ ಪೌಂಡೇಶನ್ ಕ್ರೀಮ್, ಐಶ್ಯಾಡೊ, ಐಲೈನರ್ ಎಲ್ಲಾ ಹಾಕಿರಬೇಕು. ನಂತರ ಮಸ್ಕರಾ ಹಚ್ಚುವ ಮೊದಲು ಕೈಯಿಂದ ಕಣ್ಣಿನ ರೆಪ್ಪೆಯನ್ನು ಸ್ವಲ್ಪ ಸುರುಳಿ ಮಾಡಿ.

2. ಈಗ ಮಸ್ಕರಾವನ್ನು ಸರಿಯಾಗಿ ಅಲುಗಾಡಿಸಿ ನಂತರ ಅದನ್ನು ಓಪನ್ ಮಾಡಿ ಅದರೊಳಗಿನಿಂದ ಬ್ರೆಷ್ ತೆಗೆಯಬೇಕು. ಹೀಗೆ ತೆಗೆಯುವಾಗ ಅಧಿಕವಿರುವ ಮಸ್ಕರಾವನ್ನು ಮಸ್ಕರಾ ಡಬ್ಬಿಗೆ ಉಜ್ಜಬೇಕು.

3. ಈಗ ಕನ್ನಡಿ ಮುಂದೆ ನಿಂತು ಮಸ್ಕರಾದಿಂದ ಕಣ್ಣು ರೆಪ್ಪೆಗೆ ಹಚ್ಚಬೇಕು. ಹೀಗೆ ಹಚ್ಚುವಾಗ ಕಣ್ಣಿನ ಮೇಲ್ಬಾಗಕ್ಕೆ ಹಚ್ಚಿ. ಪ್ರತಿಯೊಂದು ಕಣ್ಣಿನ ರೆಪ್ಪೆಗೆ ಮಸ್ಕರಾ ತಾಗಿರಬೇಕು.

4. ನಂತರ ಕಣ್ಣು ರೆಪ್ಪೆ ಬಾಚಲು ಸಿಗುವ ಚಿಕ್ಕ ಬ್ರೆಷ್ ನಿಂದ ಬಾಚಬೇಕು.

5. ಈಗ ಮಸ್ಕರಾವನ್ನು ಲಂಬಾಕಾರವಾಗಿ ಹಿಡಿದು ಕಣ್ಣಿನ ರೆಪ್ಪೆಯ ಮೇಲೆ ಹಚ್ಚಬೇಕು. ಆಗ ಕಣ್ಣಿನ ರೆಪ್ಪೆ ಗಾಢವಾಗಿ ಆಕರ್ಷಕವಾಗಿ ಕಾಣುವುದು.

6. ನಂತರ ಮೇಕಪ್ ರಿಮೋವರ್ ಗೆ ಕಿವಿಗೆ ಹಾಕು ಹತ್ತಿಯ ಬಡ್ಸ್ ನಿಂದ ಅಧಿಕ ಮಸ್ಕರಾವನ್ನು ತೆಗೆದು ಕೈಬೆರಳಿನಿಂದ ಮೆಲ್ಲನೆ ಕಣ್ಣು ರೆಪ್ಪೆಗಳನ್ನು ಸ್ವಲ್ಪ ಮೇಲ್ಭಾಗಕ್ಕೆ ಮಾಡಿದರೆ ಮಸ್ಕರಾ ಹರಡುವುದಿಲ್ಲ ಮತ್ತು ಮುಖದ ಚೆಲುವನ್ನು ಹೆಚ್ಚಿಸುತ್ತದೆ.

ಪಾರ್ಟಿಗಳಿಗೆ ಹೋಗುವ ಮಸ್ಕರಾದಿಂದ ನಿಮ್ಮ ಅಂದ ಹೆಚ್ಚಿಸಿಕೊಳ್ಳಬಯಸಿದರೆ ಇಲ್ಲಿ ಹೇಳಿರುವಂತೆ ಹಚ್ಚಿದೆರ ಆಕರ್ಷಕವಾಗಿ ಕಾಣುವಿರಿ.