ನೀವೆ ತಯಾರಿಸಬಹುದು ಗುಣಮಟ್ಟದ ಲಿಪ್ ಗ್ಲೋಸ್

ತುಟಿಗೆ ಲಿಪ್ ಗ್ಲೋಸ್ ಹಚ್ಚಿದಾಗ ತುಟಿ ಹೊಳೆಯುವುದರಿಂದ ಮುಖ ಆಕರ್ಷಕವಾಗಿ ಕಾಣುತ್ತದೆ. ಈ ರೀತಿಯ ಲಿಪ್ ಗ್ಲೋಸ್ ಕೊಳ್ಳುವಾಗ ಉತ್ತಮ ಬ್ರಾಂಡ್‌ನ ಲಿಪ್ ಗ್ಲೋಸ್ ಕೊಳ್ಳಬೇಕು. ಕಡಿಮೆ ಬೆಲೆಯಲ್ಲಿ ದೊರೆಯುವ ಲಿಪ್ ಗ್ಲೋಸ್ ಬಳಸಿದರೆ ತುಟಿ ಹಾಳಾಗುವುದು. ತುಂಬಾ ಬೆಲೆ ತೆತ್ತು ಕೊಳ್ಳಲು ಇಷ್ಟವಿಲ್ಲದಿದ್ದರೆ ಉತ್ತಮ ಗುಣಮಟ್ಟದ ಲಿಪ್ ಗ್ಲೋಸ್‌ಯನ್ನು ಮನೆಯಲ್ಲಿಯೆ ತಯಾರಿಸಬಹುದು. ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

1. 1/2 ಬೀಟ್‌ರೂಟ್‌ಯನ್ನು ಚೆನ್ನಾಗಿ ಮಿಕ್ಸಿಯಲ್ಲಿ ಅರೆದು ಅದರ ರಸವನ್ನು ಸೋಸಿಡಬೇಕು.

2. 2 ಚಮಚ ಜೇನಿನ ಮೇಣವನ್ನು ಕರಗಿಸಬೇಕು. ಮೇಣವನ್ನು ಬಿಸಿ ಮಾಡುವಾಗ ಗಟ್ಟಿಯಾಗದಂತೆ ಕರಗಿಸುತ್ತಾ ಇರಬೇಕು. ಜೇನಿನ ಮೇಣ ಚೆನ್ನಾಗಿ ಕರಗಿದ ಮೇಲೆ ಉರಿಯಿಂದ ತೆಗೆಯಬೇಕು.

3. ಇದಕ್ಕೆ 1 ಚಮಚ ಹರಳೆಣ್ಣೆ ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

4. ಈಗ ಬೀಟ್‌ರೂಟ್‌ ರಸವನ್ನು ಮೇಣದ ಮಿಶ್ರಣದ ಬಿಸಿಯಾಗಿರುವಾಗಲೆ ಬೆರೆಸಬೇಕು. ಹೀಗೆ ಮಾಡಿದರೆ ಗುಣಮಟ್ಟದ ಲಿಪ್ ಗ್ಲೋಸ್ ರೆಡಿ.

5. ನಂತರ ಅದನ್ನು ಒಂದು ಚಿಕ್ಕ ಡಬ್ಬದಲ್ಲಿ ಶೇಖರಿಸಿಟ್ಟು ಬಳಸಬಹುದು.

ಸಲಹೆ: * ಜೇನು ಮತ್ತು ವೆನಿಲ್ಲಾ ರಸ ಸೇರಿಸಿದರೆ ಒಳ್ಳೆಯ ವಾಸನೆ ಕೂಡ ಇರುತ್ತದೆ.
*ಜೇನಿನ ಮೇಣ ಸಿಗದಿದ್ದರೆ ಪೆಟ್ರೋಲಿಯಂ ಜೆಲ್ಲಿಯಿಂದ ಕೂಡ ತಯಾರಿಸಬಹುದು.