ಪಾರ್ಟಿ ಲುಕ್ ನೀಡುತ್ತೆ ಮೆಟಲ್ ಮೇಕಪ್

Make Up

oi-Reena

By Hema S

Updated: Monday, August 13, 2012, 10:23 [IST]

ಪಾರ್ಟಿಗೆ ಹೋಗುವಾಗ ಯಾವ ಡ್ರೆಸ್ ಹಾಕಲಿ, ಯಾವ ರೀತಿಯ ಮೇಕಪ್ ಮಾಡಿದರೆ ನಾನು ಆಕರ್ಷಕವಾಗಿ ಕಾಣುತ್ತೇನೆ ಎಂದು ಯೋಚಿಸುತ್ತಿರುತ್ತೇವೆ. ಅದರಲ್ಲೂ ನೈಟ್ ಪಾರ್ಟಿಗೆ ಅಥವಾ ಮದುವೆ ರಿಸೆಪ್ಷನ್ ಗೆ ಹೋಗುವಾಗ ಸ್ವಲ್ಪ ಗಾಢವಾದ ಮೇಕಪ್ ಮಾಡಿದರೆ ಮಾತ್ರ ಪಾರ್ಟಿ ಲುಕ್ ನಿಂದ ಮಿಂಚಬಹುದು.

ಹಾಗಂತ ತುಂಬಾ ಗಾಢವಾದ ಮೇಕಪ್ ಮಾಡಿದರೆ ಮೇಕಪ್ ರಾಣಿ ಪಟ್ಟ ಕಟ್ಟಿಕೊಳ್ಳಬೇಕಾಗುತ್ತದೆ! ಪಾರ್ಟಿಗೆ ತಕ್ಕ ಮೇಕಪ್ ಮಾಡಬೇಕು, ಆದರೆ ಅದು ಆಕರ್ಷಕವಾಗಿ ಕಾಣಬೇಕೆಂದು ಬಯಸುವುದಾದರೆ ಮೆಟಲ್ ಮೇಕಪ್ ಮಾಡಬಹುದು. ಈ ಮೆಟಲ್ ಮೇಕಪ್ ಮಾಡುವ ವಿಧಾನವನ್ನು ಇಲ್ಲಿ ಹೇಳಲಾಗಿದೆ ನೋಡಿ:

ಮೆಟಲ್ ಮೇಕಪ್

ಹೈಲೈಟರ್: ತುಂಬಾ ಜನರಿಗೆ ಹೈ ಲೈಟರ್ ಅನ್ನು ಹೇಗೆ ಉಪಯೋಗಿಸಬೇಕೆಂದು ಸಹ ಗೊತ್ತಿರುವುದಿಲ್ಲ. ಹೈಲೈಟರ್ ಅನ್ನು ಮೇಕಪ್ ಅನ್ನು ಹೈಲೈಟ್ ಮಾಡಲು ಬಳಸುತ್ತೇವೆ. ಮುಖದಲ್ಲಿ ಕೆನ್ನೆ ಆಕರ್ಷಕವಾಗಿ ಎದ್ದು ಕಾಣಲು ಈ ಹೈಲೈಟರ್ ಬಳಸಬಹುದು.

ಐ ಲೈನರ್: ಕಣ್ಣಿನ ಅಂದ ಹೆಚ್ಚಿಸುವಲ್ಲಿ ಐಲೈನರ್ ತುಂಬಾ ಪಾತ್ರವಹಿಸುತ್ತದೆ. ಅದರಲ್ಲೂ ಮೆಟಾಲಿಕ್ ಐ ಲೈನರ್ ಪಾರ್ಟಿಗಳಿಗೆ ಹೋಗುವಾಗ ಹಾಕಲು ಸೂಕ್ತವಾದ ಐ ಲೈನರ್ ಆಗಿದೆ. ಕಪ್ಪು ಬಣ್ಣದ ಐಲೈನರ್ ಹಾಕಿದ ಮೇಲೆ ಅದರ ಮೇಲೆ ಸಿಲ್ವರ್ (ಬೆಳ್ಳಿ) ಬಣ್ಣದ ಐಲೈನರ್ ಹಾಕಿದರೆ ಕಣ್ಣು ತುಂಬಾ ಆಕರ್ಷಕವಾಗಿ ಕಾಣುವುದು.

ಐ ಶ್ಯಾಡೊ: ಮೆಟಾಲಿಕ್ ಐ ಶ್ಯಾಡೊ ಬಳಸಬಹುದು, ಒಂದು ವೇಳೆ ಮೆಟಾಲಿಕ್ ಈ ಲೈನರ್ ಬಳಸದ್ದರೆ ಮೆಟಾಲಿಕ್ ಐಶ್ಯಾಡೊ ಬಳಸಬೇಡಿ. ಈ ಮೆಟಾಲಿಕ್ ಐಶ್ಯಾಡೊವನ್ನು ತುಂಬಾ ತೆಳುವಾಗಿ ಹಚ್ಚಿ. ಇಲ್ಲದಿದ್ದರೆ ನಾಟಕ ಮಾಡಲು ಹೊರಟಂತೆ ಕಾಣುವುದು.

ನೇಲ್ ಪಾಲೀಷ್: ಸಿಲ್ವರ್ ವೈಟ್ ಅಥವಾ ಗ್ರೇ (ಬಿಳಿ ಮಿಶ್ರಿತ ಬೆಳ್ಳಿ ಬಣ್ಣ) ಬಣ್ಣದ ನೇಲ್ ಪಾಲೀಷ್ ಬಳಸುವುದು ಈಗ ಫ್ಯಾಷನ್ ಆಗಿದ್ದು ಪಾರ್ಟಿಗೆ ಹೋಗುವಾಗ ಈ ರೀತಿಯ ನೇಲ್ ಪಾಲೀಷ್ ಹಾಕಿದರೆ ಆಕರ್ಷಕವಾಗಿ ಕಾಣಬಹುದು.

ಶಿಮ್ಮರ್ ಅಂಡ್ ಶೈನ್: ಒಂದು ವೇಳೆ ನಿಮಗೆ ಮೆಟಾಲಿಕ್ ಮೇಕಪ್ ವಿಧಾನ ಬಳಸಲು ಇಷ್ಟವಿಲ್ಲದಿದ್ದರೆ ಶಿಮ್ಮರ್ ಮತ್ತು ಶೈನ್ ಮೇಕಪ್ ಮಾಡಬಹುದು: ಸ್ವಲ್ಪ ಚಿನ್ನದ ಬಣ್ಣದ ಶಿಮ್ಮರ್ ಪೌಡರ್ ಸಿಗುತ್ತದೆ. ಮೇಕಪ್ ಆದ ಮೇಲೆ ಮುಖಕ್ಕೆ ಈ ಶಿಮ್ಮರ್ ಪೌಡರ್ ಹಚ್ಚಿದರೆ ತುಂಬಾ ಆಕರ್ಷಕವಾಗಿ ಕಾಣುವಿರಿ.