ನಿಮ್ಮ ತುಟಿಯ ಮೇಲಿನ ಹೊಳಪು ಶಾಶ್ವತವಾಗಿರಲಿ!

ಲಿಪ್ ಗ್ಲೋಸ್ ಹಚ್ಚಿದರೆ ತುಟಿ ಹೊಳಪಿನಿಂದ ಕಾಣುವುದರಿಂದ ಮುಖದ ಅಂದ ಹೆಚ್ಚುವುದು. ಆದರೆ ಸಮಸ್ಯೆಯೆಂದರೆ ಲಿಪ್ ಗ್ಲೋಸ್ ಹಚ್ಚಿದ ಸ್ವಲ್ಪ ಹೊತ್ತಿಗೆ ಲಿಪ್ ಗ್ಲೋಸ್ ತುಟಿಯಲ್ಲಿ ಕಾಣುವುದಿಲ್ಲ, ಬೇಗನೆ ಹರಡುತ್ತದೆ ಹಾಗೂ ತುಟಿ ಒಣಗಿದಂತೆ ಕಾಣುವುದು. ಆದ್ದರಿಂದ ಆಗಾಗ ಬಳಸಬೇಕಾಗುತ್ತದೆ. ತುಟಿಗೆ ಹಚ್ಚಿದ ಲಿಪ್ ಗ್ಲೋಸ್ ಹೊಳಪು ತುಂಬಾ ಹೊತ್ತು ಇರಲು ಈ ಕೆಳಗೆ ಹೇಳಿದಂತೆ ಮಾಡಿ. ಇದರಿಂದ ಮುಖ ತಾಜಾತನದ ಚೆಲುವನ್ನು ಪಡೆಯುವುದು.

ಲಿಪ್ ಗ್ಲೋಸ್ ತುಂಬಾ ಹೊತ್ತು ಇರಲು ಟಿಪ್ಸ್:

1. ಕಡಿಮೆ ಹಚ್ಚಬೇಕು: ಲಿಪ್ ಗ್ಲೋಸ್ ಹಚ್ಚುವುದರ ಉದ್ದೇಶ ತುಟಿ ಆಕರ್ಷಕವಾಗಿ ಕಾಣಬೇಕು, ಇದರಿಂದ ಮುಖದ ಅಂದ ಹೆಚ್ಚಬೇಕು. ಇದಕ್ಕಾಗಿ ಲಿಪ್ ಗ್ಲೋಸ್ ಅನ್ನು ತುಂಬಾ ಹಚ್ಚ್ಬೇಕಾಗಿಲ್ಲ, ಸ್ವಲ್ಪ ಹಚ್ಚಿದರೂ ಸಾಕು ತುಟಿ ಆಕರ್ಷಕವಾಗಿ ಕಾಣುವುದು. ಲಿಪ್ ಗ್ಲೋಸ್ ಹಚ್ಚುವಾಗ ತುಟಿಯ ಅಂಚಿನವರೆಗೆ ಹಚ್ಚಬೇಡಿ.

2. ಸ್ಕಿನ್ ಪೌಂಡೇಶನ್: ತುಟಿಗೆ ಲಿಪ್ ಸ್ಟಿಕ್ ಅಥವಾ ಲಿಪ್ ಗ್ಲೋಸ್ ಹಚ್ಚುವ ಮೊದಲು ಸ್ಕಿನ್ ಪೌಂಡೇಶನ್ ಹಚ್ಚಿ ನಂತರ ಲಿಪ್ ಗ್ಲೋಸ್ ಹಚ್ಚಿದರೆ ಲಿಪ್ ಗ್ಲೋಸ್ ತುಂಬಾ ಹೊತ್ತಿನವರೆಗೆ ಇರುತ್ತದೆ.

3. ಪೌಡರ್: ಲಿಪ್ ಗ್ಲೋಸ್ ಹಚ್ಚುವ ಮೊದಲು ತುಟಿಯ ಸುತ್ತ ಪೌಡರ್ ಹಚ್ಚಿ ನಂತರ ಹಚ್ಚಿದರೆ ತುಟಿಯಲ್ಲಿ ಲಿಪ್ ಗ್ಲೋಸ್ ತುಂಬಾ ಹೊತ್ತು ಇರುತ್ತದೆ ಹಾಗೂ ತುಟಿಯಿಂದ ಹೊರಗೆ ಹರಡುವುದಿಲ್ಲ.

4. ಲಿಪ್ ಲೈನರ್: ಲಿಪ್ ಗ್ಲೋಸ್ ಹಚ್ಚುವ ಮೊದಲು ತುಟಿಗೆ ಲಿಪ್ ಲೈನರ್ ಬಳಸಿ, ನಂತರ ಲಿಪ್ ಗ್ಲೋಸ್ ಹಚ್ಚಿದರೆ ತುಟಿಯ ಶೇಪ್ ಆಕರ್ಷಕವಾಗಿ ಕಾಣುವುದು.