ಕಾಜಲ್ ಮಾತ್ರ ಬಳಸಿ ಮುಖದ ಮೇಕಪ್ ಹೇಗೆ?

Make Up

oi-Reena

By Hema S

Updated: Thursday, October 4, 2012, 11:19 [IST]

ಟ್ರಿಪ್, ಪಿಕ್ ನಿಕ್ ಅಂತ ಹೋಗುವಾಗ ಎಲ್ಲಾ ಮೇಕಪ್ ಸಾಧನಗಳನ್ನು ಜೊತೆಗೆ ತೆಗೆದುಕೊಂಡು ಹೋಗಲು ಸಾಧ್ಯವಾಗುವುದಿಲ್ಲ. ಅಂತಹ ಸಂದರ್ಭದಲ್ಲಿ ನಮ್ಮಲ್ಲಿರುವ ಕೆಲವೇ ಕೆಲವು ಮೇಕಪ್ ಸಾಧನಗಳನ್ನು ಮುಖದ ಅಂದವನ್ನು ಹೆಚ್ಚಿಸುವ ಕಲೆ ಗೊತ್ತಿದ್ದರೆ ಹೆಚ್ಚಿನ ಮೇಕಪ್ ಸಾಧನಗಳಿಲ್ಲದೆ ನಿಮ್ಮ ಮುಖದ ಆಕರ್ಷಣೆಯನ್ನು ಹೆಚ್ಚಿಸಿಕೊಳ್ಳಬಹುದು. ಇಲ್ಲಿ ನಾವು ಒಂದು ಕಾಜಲ್ ನಿಂದ ಪರಿಪೂರ್ಣ ಮೇಕಪ್ ಲುಕ್ ಪಡೆಯುವುದು ಹೇಗೆ ಎಂದು ಹೇಳಲಾಗಿದೆ ನೋಡಿ:

ಕಣ್ಣಿನ ಅಲಂಕಾರಕ್ಕೆ: ಕಾಜಲ್ ಕಣ್ಣಿನ ಅಲಂಕಾರಕ್ಕಾಗಿ ಇರುವ ಸಾಧ. ಈ ಕಾಜಲ್ ನಿಂದ ಅನೇಕ ರೀತಿಯಲ್ಲಿ ಕಣ್ಣಿನ ಅಂದ ಹೆಚ್ಚಿಸಕೊಳ್ಳಬಹುದು. ಕಾಜಲ್ ಅನ್ನು ತೆಳುವಾಗಿ ಹಚ್ಚಿದರೆ ಸಿಂಪಲ್ ಆಗಿ ಕಾಣುವಿರಿ, ಅದೇ ಗಾಢವಾಗಿ ಕಣ್ಣು ಆಕರ್ಷಕವಾಗಿ ಎದ್ದು ಕಾಣುವುದು.

ಐಲೈನರ್: ಕಾಜಲ್ ಅನ್ನು ಐ ಲೈನರ್ ರೀತಿ ಕೂಡ ಹಚ್ಚಬಹುದು. ಕಾಜಲ್ ಅನ್ನು ತೆಳುವಾಗಿ ಕಣ್ಣಿನ ಮೇಲ್ಭಾಗದ ರೆಪ್ಪೆಗೆ ಹಚ್ಚಿದರೆ ಐಲೈನರ್ ಹಚ್ಚಿದ ರೀತಿ ಕಾಣುವುದು.

ಬಿಂದಿ: ಕಾಜಲ್ ನಿಂದ ನಿಮಗೆ ಇಷ್ಟವಾದ ವಿನ್ಯಾಸದ ರೀತಿಯಲ್ಲಿ ಬೊಟ್ಟು ಅಥವಾ ಬಿಂದಿ ಹಾಕಬಹುದು.

ಐಶ್ಯಾಡೊ: ಸ್ವಲ್ಪ ಕಾಜಲ್ ಅನ್ನು ಬೆರಳಿಗೆ ಹಾಕಿ ನಂತರ ಎರಡು ಬೆರಳುಗಳು ಒಂದಕ್ಕೊಂದು ಉಜ್ಜುವಂತೆ ಮಾಡಿ ನಂತರ ಕಣ್ಣಿಗೆ ಐಶ್ಯಾಡೊ ರೀತಿ ಹಚ್ಚಬೇಕು. ಹಚ್ಚುವಾಗ ತುಂಬಾ ತೆಳುವಾಗಿ ಹಚ್ಚಬೇಕು.

ಬಿಳಿ ಕೂದಲನ್ನು ಮರೆ ಮಾಚಿಸುತ್ತೆ: ಅಲ್ಲಲ್ಲಿ ಒಂದೊಂದು ಬಿಳಿ ಕೂದಲು ಕಾಣುತ್ತಿದ್ದರೆ ಅದರ ಮೇಲೆ ಕಾಜಲ್ ಉಜ್ಜಿದರೆ ಬಿಳಿ ಕೂದಲು ಮರೆಯಾಗುತ್ತದೆ.

ಐಬ್ರೋ ಲೈನರ್: ಕೆಲವರಿಗೆ ಹುಬ್ಬು ತುಂಬಾ ತೆಳುವಿರುತ್ತದೆ. ಆಗ ಕಾಜಲ್ ಅನ್ನು ಮೆಲ್ಲನೆ ಹಚ್ಚಿದರೆ ಹುಬ್ಬು ಕಪ್ಪಾಗಿ, ಆಕರ್ಷಕವಾಗಿ ಕಾಣುವುದು.