ಕನ್ನಡಕ ಧರಿಸಿ ಆಕರ್ಷಕವಾಗಿ ಕಾಣಲು ಕೆಲ ಸಲಹೆಗಳು

Make Up

oi-Staff

By Super

Updated: Monday, October 12, 2015, 12:44 [IST]

ಕನ್ನಡಕ ಧರಿಸುವುದು ಫ್ಯಾಷನ್. ಸನ್ ಗ್ಲಾಸ್ ಆಗಿರಲಿ ಅಥವಾ ದೃಷ್ಟಿ ದೋಷಕ್ಕೆ ಬಳಸುವ ಕನ್ನಡಕ ಆಗಿರಲಿ ಧರಿಸಿದಾಗ ಅದು ಫ್ಯಾಷನೇಬಲ್ ಆಗಿ ಕಾಣಬೇಕು, ಮುಖಕ್ಕೆ ವಿಶೇಷ ಕಳೆ ನೀಡುವಂತೆ ಇರಬೇಕೆಂದು ಬಯಸುತ್ತಾರೆ. ಆದರೆ ಕನ್ನಡಕ ಧರಿಸುವುದರಿಂದ ನಮ್ಮ ಮೇಕಪ್ ಹಾಳಾಗುವುದು ಎಂದು ಐದರಲ್ಲಿ ಮೂರರಷ್ಟು ಮಹಿಳೆಯರು ಅಸಮಧಾನ ವ್ಯಕ್ತ ಪಡಿಸುತ್ತಾರೆ ಎಂದು ಇದರ ಬಗ್ಗೆ ನಡೆಸಿದ ಸಂಶೋಧನೆಯಿಂದ ಧೃಡಪಟ್ಟಿದೆ. ಆದ್ದರಿಂದ ಇಲ್ಲಿ ಕೆಲ ಸಲಹೆಗಳನ್ನು ನೀಡುತ್ತಿದ್ದೇವೆ, ಅವುಗಳನ್ನು ಪಾಲಿಸಿದರೆ ಕನ್ನಡಕ ಧರಿಸಿದಾಗ ಮೇಕಪ್ ಹಾಳಾಗುವುದಿಲ್ಲ, ಮುಖ ಆಕರ್ಷಕವಾಗಿ ಕಾಣುವುದು.

1. ಸರಿಯಾದ ಫ್ರೇಂ ಇರುವ ಕನ್ನಡಕವನ್ನುಆರಿಸಿಕೊಳ್ಳಬೇಕು: ಫ್ರೇಂ (ಕನ್ನಡಕದ ಚೌಕಟ್ಟು) ಆಯ್ಕೆ ಮಾಡುವಾಗ ಗಮನಿಸಬೇಕಾದ ಅಂಶವೆಂದರೆ ಅದು ನಿಮ್ಮ ಮುಖದ ಆಕಾರಕ್ಕೆ ಒಪ್ಪುತ್ತದೆಯೇ ಎಂದು ಪರೀಕ್ಷಿಸಿ ತೆಗೆದುಕೊಳ್ಳಬೇಕು. ಪ್ರತಿಫಲನವಲ್ಲದ ಕೋಟಿಂಗ್ ಇರುವ ಫ್ರೇಂ ಬಳಸುವುದು ತ್ವಚೆಗೆ ಒಳ್ಳೆಯದು. ಮಂದ ಬಣ್ಣ ಇರುವ ಸನ್ ಗ್ಲಾಸ್ ಕಪ್ಪು ಬಣ್ಣದ ತ್ಚಚೆಯವರಿಗೆ ಮತ್ತು ಬಿಳಿ ಬಣ್ಣದ ಅಥವಾ ಸ್ವಲ್ಪ ಹೊಳೆಯುವ ಬಣ್ಣದ ಫ್ರೇಂ ಬಿಳಿ ತ್ವಚೆಯವರಿಗೆ ಚೆನ್ನಾಗಿ ಕಾಣಿಸುವುದು.

2. ಕನ್ನಡಕದ ಬಣ್ಣ ನಿಮ್ಮ ಸೌಂದರ್ಯದ ಪ್ರಭಾವ ಬೀರುತ್ತೆ: ನಿಮಗೆ ಹಳದಿ ಬಣ್ಣದ ಫ್ರೇಂ ಇರುವ ಕನ್ನಡಕ ತುಂಬಾ ಇಷ್ಟವಾಗಿದೆ ಅಂತ ಕೊಳ್ಳುವ ಮೊದಲು ಅದನ್ನು ಧರಿಸಿದರೆ ನಿಮ್ಮ ಮುಖಕ್ಕೆ ಚೆಂದ ಕಾಣುತ್ತದೆಯೇ ಎಂದು ನೋಡಿ ತೆಗೆದುಕೊಳ್ಳಬೇಕು. ಆದ್ದರಿಂದ ಕನ್ನಡಕ ಧರಿಸಿದಾಗ ಮುಖದ ಅಂದ ಹೆಚ್ಚಿಸುವಂತಹ ಕನ್ನಡಕದ ಆಯ್ಕೆ ಒಳ್ಳೆಯದು.

3. ಕನ್ಸೀಲರ್ ಧರಿಸಬೇಕು: ಕನ್ನಡಕ ಧರಿಸುವುದರಿಂದ ಕಣ್ಣಿನ ಸುತ್ತ ಕಪ್ಪು ಬೀಳುವುದು. ಅದನ್ನು ಮರೆ ಮಾಚಲು ಕನ್ಸೀಲರ್ ಬಳಸಬೇಕು. ಕನ್ಸೀಲರ್ ಅನ್ನು ಮೂಗಿಗೆ ಹಚ್ಚಿಕೊಳ್ಳುವುದಿಂದ ಮೂಗು ಆಕರ್ಷಕವಾಗಿ ಎದ್ದು ಕಾಣುವುದು.

4. ಕಣ್ಣು ರೆಪ್ಪೆಗಳ ಅಲಂಕಾರ: ಸನ್ ಗ್ಲಾಸ್ ಧರಿಸುವುದಾದರೆ ಕಣ್ಣು ರೆಪ್ಪೆಗಳಿಗೆ ಅಲಂಕಾರ ಬೇಕಾಗಿಲ್ಲ. ಆದರೆ ದೃಷ್ಟಿ ದೋಷಕ್ಕೆ ಅಥವಾ ತಲೆನೋವಿಗೆ ಬಳಸುವ ಕನ್ನಡಕವಾದರೆ ಕಣ್ಣಿನ ಅಲಂಕಾರ ಮಾಡಿದರೆ ಮುಖ ಆಕರ್ಷಕವಾಗಿ ಕಾಣುವುದು.

5. ಅಪ್ಪರ್ ಐಶ್ಯಾಡೊ: ಕನ್ನಡಕ ಧರಿಸುವುದರ ಮೊದಲು ಐ ಶ್ಯಾಡೊದಿಂದ ಕಣ್ಣಿನ ಮೇಲಿನ ರೆಪ್ಪೆಗಳಿಗೆ ಅಲಂಕಾರ ಮಾಡಿದರೆ ಆಕರ್ಷಕವಾಗಿ ಕಾಣುವುದು. ಈ ರೀತಿ ಹಚ್ಚುವಾಗ ಸ್ವಲ್ಪ ಗಾಢ ಬಣ್ಣದ ಐ ಶ್ಯಾಡೊ ಹಚ್ಚಿದರೆ ಮತ್ತಷ್ಟು ಆಕರ್ಷಕವಾಗಿ ಕಾಣುವುದು.