ತುಂಬಾ ಕಂಫರ್ಟ್ ಅನಿಸುವ 7 ಕೇಶವಿನ್ಯಾಸಗಳು

ಜಡೆ:

ಸ್ವಲ್ಪ ಉದ್ದ ಕೂದಲಿರುವವರು ಸೀರೆ ಅಥವಾ ಚೂಡಿದಾರ್ ಹಾಕಿ ಜಡೆಯನ್ನು ಚೆನ್ನಾಗಿ ಬಾಚಿ ಸಡಿಲವಾಗಿ ಜಡೆ ಹೆಣಿದು ಹೂ ಮುಡಿದರೆ ತುಂಬಾ ಲಕ್ಷಣವಾಗಿ ಕಾಣುವಿರಿ. ಹಬ್ಬದಲ್ಲಿ ಕೂದಲನ್ನು ಗಾಳಿಗೆ ಹಾರಾಡಲು ಬಿಡುವುದಕ್ಕಿಂತ ಹೀಗೆ ಬಾಚುವುದು ಸೂಕ್ತ.

2.ರೋಸ್ ಬಾಲ್:

ಕೂದಲನ್ನು ಚಿತ್ರದಲ್ಲಿ ಕಾಣಿವಂತೆ ಕಟ್ಟಬೇಕು. ನಂತರ ಗುಲಾಬಿ ಹೂಗಳನ್ನು ಮುಡಿಯಬೇಕು ಈ ಹೆರ್ ಸ್ಟೈಲ್ ಅನ್ನು ಫಂಕ್ಷನ್ ಗೆ ಹೋಗುವಾಗಲೂ ಬಳಸಬಹುದು. ಈ ರೀತಿ ಬಾಚಿದರೆ ತುಂಬಾ ಕಂಪರ್ಟ್ ಅನಿಸುವುದು ಹಾಗೂ ನೋಡಲು ಆಕರ್ಷಕವಾಗಿ ಕಾಣುವುದು.

3.ಪಾರ್ಟಡ್ ಬನ್:

ಈ ಕೂದಲಿನ ವಿನ್ಯಾಸ ಸ್ಯಾರಿಗೆ ತುಂಬಾ ಆಕರ್ಷಕವಾಗಿ ಕಾಣುವುದರ ಜೊತೆಗೆ ನಿಮ್ಮ ಮುಖಕ್ಕೆ ಲಕ್ಷ್ಮಿ ಕಳೆಯನ್ನು ನೀಡುತ್ತದೆ. ಈ ಕೇಶ ವಿನ್ಯಾಸವನ್ನು ಸುಲಭದಲ್ಲಿ ಮಾಡಬಹುದಾಗಿದ್ದು ಕೂದಲನ್ನು ತುರುಬು ರೀತಿಯಲ್ಲಿ ಸುತ್ತಿ ಅದಕ್ಕೆ ಕ್ಲಿಪ್ ಹಾಕಿದರೆ ಸಾಕು.

ಹೂವಿನ ತುರುಬು:

ಕೂದಲನ್ನು ಬಾಚಿ ಗಟ್ಟಿಯಾಗಿ ತುರುಬು ಸುತ್ತಿ ಅದಕ್ಕೆ ಹೂವಿನಿಂದ ಅಲಂಕಾರ ಮಾಡಿದರೆ ಸಾಕು. ಈ ಕೇಶ ವಿನ್ಯಾಸ ಎಲ್ಲಾ ರೀತಿಯ ಮುಖದ ಶೇಪ್ ಗೂ ಒಪ್ಪುತ್ತದೆ.

ಗುಂಗುರು ಮಾಡಿ ಕಟ್ಟುವುದು:

ಕೂದಲನ್ನು ಗುಂಗುರು ಮಾಡಿ ಎತ್ತಿ ಉದ್ದದ ಕ್ಲಿಪ್ ಬಳಸಿ ಕೂದಲನ್ನು ಬಿಗಿಯಬೇಕು. ಈ ಕೇಶ ವಿನ್ಯಾಸ ಚೂಡಿ ಅಥವಾ ಕುರ್ತಾಕ್ಕೆ ಚೆನ್ನಾಗಿ ಒಪ್ಪುತ್ತದೆ.

ನೆಟ್ ಬಳಸಿ ಕಟ್ಟುವುದು:

ಕೂದಲನ್ನು ತುರುಬು ಕಟ್ಟಿ ಅದಕ್ಕೆ ಕೂದಲಿಗೆ ಹಾಕುವ ನೆಟ್ ಬಳಸಿ ಕಟ್ಟಿದರೆ ಆಕರ್ಷಕವಾಗಿ ಕಾಣುವುದರ ಜೊತೆಗೆ ಕೂದಲು ಬಿಚ್ಚಿ ಬರುವುದಿಲ್ಲ.

7.ಕೂದಲನ್ನು ಬಿಗಿದು ಕಟ್ಟುವುದು:

ಸ್ವಲ್ಪ ಗಿಡ್ಡ ಕೂದಲಿನವರಿಗೆ ಜಡೆ ಹಾಕಿದರೆ ಚೆಂದ ಕಾಣುವುದಿಲ್ಲ, ಇನ್ನು ತುರುಬು ಕಟ್ಟಲು ಸಾಧ್ಯವಾಗುವುದಿಲ್ಲ. ಅಂತಹವರು ಕೂದಲನ್ನು ಬಾಚಿ ಬ್ಯಾಂಡ್ ನಿಂದ ಬಿಗಿದು ಕಟ್ಟಿದರೆ ಆಕರ್ಷಕವಾಗಿ ಕಾಣುವಿರಿ ಜೊತೆಗ ಕೆಲಸ ಮಾಡುವಾಗ ಕಂಫರ್ಟ್ ಅನಿಸುವುದು.