ಫೌಂಡೇಶನ್ ಕ್ರೀಮ್ ಹಚ್ಚುವುದಾದರೆ ಇದು ತಿಳಿದಿರಲಿ

Make Up

oi-Staff

By Super

Updated: Monday, October 12, 2015, 11:54 [IST]

ಹೆಚ್ಚಿನ ಹೆಣ್ಣು ಮಕ್ಕಳು ಪೌಡರ್‌ಗಿಂತ ಫೌಂಡೇಶನ್ ಕ್ರೀಮ್ ಬಳಸಲು ಇಷ್ಟಪಡುತ್ತಾರೆ. ಏಕೆಂದರೆ ಫೌಂಡೇಶನ್ ಕ್ರೀಮ್ ಮುಖಕ್ಕೆ ಹಚ್ಚಿದರೆ ಮುಖ ತುಂಬಾ ಹೊತ್ತಿನವರೆಗೆ ತಾಜಾತನದಿಂದ ಕಾಣುವುದು. ಆದರೆ ಈ ಫೌಂಡೇಶನ್ ಕ್ರೀಮ್ ಅನ್ನು ಗಾಢವಾಗಿ ಹಚ್ಚಿದರೆ ಮುಖದಲ್ಲಿ ಮೇಕಪ್ ಎದ್ದು ಕಂಡು ಅಸಹ್ಯವಾಗಿ ಕಾಣುವುದು. ಭಾರತೀಯರಾದ ನಮ್ಮ ಮೈ ಬಣ್ಣಕ್ಕೆ ಫೌಂಡೇಶನ್ ಕ್ರೀಮ್ ಹಚ್ಚಿದಾಗ ಆಕರ್ಷಕವಾಗಿ ಕಾಣಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

ಫೌಂಡೇಶನ್ ಕ್ರೀಮ್ ಹಚ್ಚುವಾಗ ಮುಖದಲ್ಲಿ ಕೂದಲು ಇದ್ದರೆ ಅದು ಕೂದಲಿನಲ್ಲಿ ಅಂಟಿ ಕೊಂಡು ಮೇಕಪ್ ಅಷ್ಟು ಆಕರ್ಷಕವಾಗಿ ಕಾಣುವುದಿಲ್ಲ. ಆದ್ದರಿಂದ ಫೌಂಡೇಶನ್ ಹಚ್ಚುವವರು ಗಮನಿಸಬೇಕಾದ ಮುಖ್ಯ ಅಂಶವೆಂದರೆ ಮುಖದಲ್ಲಿರುವ ಬೇಡದ ಕೂದಲನ್ನು ತೆಗೆಯಬೇಕು. ಅರಿಶಿಣ ಹಚ್ಚಿ ನೈಸರ್ಗಿಕ ವಿಧಾನದಲ್ಲಿ ಬೇಡದ ಕೂದಲನ್ನು ಹೋಗಲಾಡಿಸುವುದು ಒಳ್ಳೆಯದು. ಇಲ್ಲದಿದ್ದರೆ ಥ್ರೆಡ್ಡಿಂಗ್ ಮಾಡಿ ತೆಗೆಯಬಹುದು. ಆದರೆ ಮುಖವನ್ನು ವ್ಯಾಕ್ಸ್ ಮಾಡಬಾರದು. ವ್ಯಾಕ್ಸ್ ಮಾಡಿದರೆ ಮುಖದಲ್ಲಿರುವ ರಕ್ತಕಣಗಳ ನರಗಳಿಗೆ ಹೆಚ್ಚಿನ ಬೀಳುವುದು.

ಫೌಂಡೇಶನ್ ಹಚ್ಚಲು ತೇವವಿರುವ ( ನೆನೆದಿರುವುದು ಅಲ್ಲ) ಸ್ಪಾಂಜ್ ಅಥವಾ ಕೈ ಬೆರಳುಗಳ ಸಹಾಯದಿಂದ ಹಚ್ಚಬೇಕು. ಹೀಗೆ ಹಚ್ಚುವಾಗ ತುಟಿಗೆ ಸೇರಿಸಿ ಹಚ್ಚಬೇಕು. ಮುಖದ ಎಲ್ಲಾ ಭಾಗಗಳಿಗೆ ಸಮವಾಗಿ ಹಚ್ಚಬೇಕು. ಹೀಗೆ ಹಚ್ಚುವಾಗ ತೆಳುವಾಗಿ ಹಚ್ಚಿ. ಒಂದು ವೇಳೆ ತಪ್ಪಿ ಜಾಸ್ತಿ ಹಚ್ಚಿದರೆ ಅದನ್ನು ಟಿಶ್ಯೂ ಬಳಸಿ ಉಜ್ಜಿ ತೆಗೆಯಬೇಕು. ಫೌಂಡೇಶನ್ ಹಚ್ಚಿದ ಮೇಲೆ ಬ್ರೆಷ್ ಬಳಸಿ ಪೌಟರ್ ಅನ್ನು ತುಂಬಾ ತೆಳುವಾಗಿ ಹಚ್ಚಿಕೊಳ್ಳಬೇಕು.

ಹೆಚ್ಚಿನವರು ಬ್ಲಷ್ ಬಳಸುವುದಿಲ್ಲ, ಒಂದು ವೇಳೆ ಬಳಸುವುದಾದರೆ ಕೆನ್ನೆಗೆ ಮಾತ್ರ ಬಳಸದೆ ಮುಖದ ಎಲ್ಲಾ ಭಾಗಕ್ಕೆ ಹಚ್ಚಿ. ಇಲ್ಲದಿದ್ದರೆ ಬ್ಲಷ್ ತ್ವಚೆ ಬಣ್ಣಕ್ಕಿಂತ ವಿಭಿನ್ನವಾಗಿ ಕಾಣುವುದು. ಬ್ಲಶ್ ಬದಲು ಶಿಮ್ಮರ್ ಪೌಡರ್ ಬಳಸಬಹುದು.