ಸೆಕೆಗಾಲದಲ್ಲಿ ಮೇಕಪ್ ಹೀಗಿದ್ದರೆ ಆಕರ್ಷಕ

Make Up

oi-Reena

By Hema S

Published: Saturday, April 7, 2012, 11:56 [IST]

ಬೇಸಿಗೆ ಕಾಲದಲ್ಲಿ ಗಾಢವಾದ ಮೇಕಪ್‌ಗಿಂತ ತೆಳುವಾದ ಮೇಕಪ್ ಮಾಡಿದರೆ ಹೆಚ್ಚು ಸೂಕ್ತ. ಈ ಸಮಯದಲ್ಲಿ ಮೈ ಹೆಚ್ಚು ಬೆವರುವುದರಿಂದ ಗಾಢವಾದ ಮೇಕಪ್ ಮಾಡಿದರೆ ಮುಖದಲ್ಲಿ ಹರಡಿ, ಚೆಂದವಾಗಿ ಕಾಣಿಸುವ ಬದಲು ಅಸಹ್ಯವಾಗಿ ಕಾಣಿಸುವುದು. ಬೇಸಿಗೆಕಾಲದಲ್ಲಿ ತೆಳು ಮೇಕಪ್ ಮಾಡಬೇಕು.

ಈ ಕಾಲಕ್ಕೆ ಸೂಕ್ತವಾದ ಮೇಕಪ್ ವಿಧಾನ ನೋಡಿ ಇಲ್ಲಿದೆ.

1. ಕನ್ಸೀಲರ್: ಫೌಂಡೇಶನ್ ಹಚ್ಚಿದರೆ ಮುಖಕ್ಕೆ ಅತಿಯಾದ ಮೇಕಪ್ ಮಾಡಿದ ರೀತಿ ಕಾಣುವುದು. ಆದ್ದರಿಂದ ಕನ್ಸೀಲರ್ ಬಳಸುವುದು ಒಳ್ಳೆಯದು. ಇದು ಹಚ್ಚಿದಾರೆ ಮುಖದಲ್ಲಿ ಕಪ್ಪು ಕಲೆಗಳಿದ್ದರೆ ಅದನ್ನು ಮರೆ ಮಾಚುವುದು. ತ್ವಚೆ ಕಲೆ ರಹಿತವಾಗಿ ಕಾಣುತ್ತದೆ. ಲಿಕ್ವಿಡ್ ಕನ್ಸೀಲರ್ ಹಚ್ಚಿದರೆ ನೈಸರ್ಗಿಕ ಚೆಲುವಿನಂತೆ ಕಾಣುವುದು.

2. ಬ್ಲಷ್: ಬ್ಲಷ್‌ನಲ್ಲಿ ನ್ಯೂಡ್ ಕಲರ್ ಬಳಸಬೇಕು. ಅದನ್ನು ಕೆನ್ನೆಗೆ ಹಚ್ಚಿದರೆ ದಿನಾವಿಡಿ ಮುಖ ತಾಜಾತನದಿಂದ ಹೊಳೆಯುತ್ತದೆ.

3. ಕಾಜಲ್: ತುಂಬಾ ಸರಳವಾಗಿ ಮತ್ತು ಆಕರ್ಷಕವಾಗಿ ಕಾಣಬಯಸುವವರು ಕಜಲ್ ಅಷ್ಟೆ ಹಚ್ಚಿದರೆ ಸಾಕು. ಸಾಯಾಂಕಾಲ ಯಾವುದಾದರೂ ಪಾರ್ಟಿಗೆ ಹೋಗುವುದಾದರೆ ಸ್ವಲ್ಪ ಗಾಢವಾಗಿ ಕಾಜಲ್ ಹಚ್ಚಿದರೆ ಕಣ್ಣಿನ ಅಂದದಿಂದ ನಿಮ್ಮ ಸೌಂದರ್ಯ ಹೆಚ್ಚುವುದು.

4. ಲಿಪ್ ಗ್ಲೋಸ್: ಲಿಪ್ ಗ್ಲೋಸ್ ಹಚ್ಚದಿದ್ದರೆ ಮೇಕಪ್ ಸಂಪೂರ್ಣವಾಗುವುದಿಲ್ಲ. ಲಿಪ್ ಸ್ಟಿಕ್ ಹಚ್ಚದಿರುವುದು ಒಳ್ಳೆಯದು. ನೈಸರ್ಗಿಕ ಬಣ್ಣದ (ನ್ಯೂಡ್ ಕಲರ್) ಲಿಪ್ ಗ್ಲೋಸ್‌ ಹಚ್ಚಿದರೆ ಒಳ್ಳೆಯದು.

5. ರೋಸ್ ವಾಟರ್: ಹತ್ತಿಯನ್ನು ರೋಸ್ ವಾಟರ್‌ನಲ್ಲಿ ಅದ್ದಿ ಅದರಿಂದ ಮುಖವನ್ನು ಕ್ಲೆನ್ಸ್ ಮಾಡುತ್ತಿದ್ದರೆ ಮುಖದ ಹೊಳಪು ಕಡಿಮೆಯಾಗುವುದಿಲ್ಲ.