ಈ ರೀತಿಯ ಕಣ್ಣಿನ ಮೇಕಪ್ ಈಗಿನ ಟ್ರೆಂಡ್

Make Up

oi-Reena

By Hema S

Published: Saturday, March 31, 2012, 14:24 [IST]

ಬೇಸಿಗೆಯಲ್ಲಿ ಮೇಕಪ್ ಮಾಡಿದರೆ ಬೆವರಿನಿಂದಾಗಿ ತುಂಬ ಹೊತ್ತು ನಿಲ್ಲುವುದಿಲ್ಲ. ಆದ್ದರಿಂದ ಮೇಕಪ್ ಮಾಡುವ ಮೇಕಪ್ ಹಾಳಾಗದಿರುವ ಮೇಕಪ್ ಉಪಾಯಗಳನ್ನು ಬಳಸಿಕೊಳ್ಳಬೇಕು. ಮುಖದಲ್ಲಿ ಕಣ್ಣಿನ ಮೇಕಪ್ ಆಕರ್ಷಕವಾಗಿದ್ದರೆ ಮುಖದ ಅಂದ ಹೆಚ್ಚುವುದು. ಸೆಕೆಗಾಲದಲ್ಲಿ ಸೂಕ್ತವಾಗಿರುವ ಮತ್ತು ಈಗಿನ ಟ್ರೆಂಟ್ ಆಗಿರುವ ಕಣ್ಣಿನ ಮೇಕಪ್ ಮಾಡುವ ವಿಧಾನ ನೋಡಿ ಇಲ್ಲಿದೆ.

1.ಹಸಿರು ಬಣ್ಣದ ಐ ಶ್ಯಾಡೊ: ಬೇಸಿಗೆಯಲ್ಲಿ ಕಣ್ಣಿನ ಹೊಳಪು ಹೆಚ್ಚಿಸಲು ತೆಳು ಬಣ್ಣದ ಐಶ್ಯಾಡೊ ಬಳಸುವುದು ಒಳ್ಳೆಯದು. ಅದರಲ್ಲೂ ಈ ಸಮಯದಲ್ಲಿ ತೆಳು ಬಣ್ಣದ ಡ್ರೆಸ್ ಧರಿಸಿದಾಗ ಹಸಿರು ಬಣ್ಣದ ಐ ಶ್ಯಾಡೊ ಅಂದ ಹೆಚ್ಚಿಸುವಲ್ಲಿ ಸಹಕಾರಿಯಾಗುತ್ತದೆ.

2. ಕಿತ್ತಳೆ ಬಣ್ಣದ ಐ ಶ್ಯಾಡೊ: ಬಿಳಿ ಬಣ್ಣದ ಬಟ್ಟೆ ಧರಿಸಿದಾಗ ಕಿತ್ತಳೆ ಬಣ್ಣದ ಐ ಶ್ಯಾಡೊ ಹಚ್ಚಿದರೆ ಆಕರ್ಷಕವಾಗಿ ಕಾಣಬಹುದು.

3. ಹಳದಿ ಬಣ್ಣದ ಐ ಶ್ಯಾಡೊ: ತುಂಬಾ ಮಾಡರ್ನ್ ಆಗಿ ಡ್ರೆಸ್ ಮಾಡುವವರು ಕಪ್ಪು ಮತ್ತು ಕಂದು ಬಣ್ಣದ ಕಣ್ಣುಗಳನ್ನು ಹೊಂದಿದ್ದರೆ ಹಳದಿ ಬಣ್ಣದ ಐ ಶ್ಯಾಡೊ ಆಕರ್ಷಕವಾಗಿ ಕಾಣುತ್ತದೆ.

4. ಕಪ್ಪು ಬಣ್ಣದ ಐ ಶ್ಯಾಡೊ: ರಾತ್ರಿ ಪಾರ್ಟಿಗಳಿಗೆ ಹೋಗುವಾಗ ಡ್ರೆಸ್ ಗೆ ಹೊಂದುವ ಬಣ್ಣದ ಐ ಶ್ಯಾಡೊ ಬಳಸುವುದದಕ್ಕಿಂತ ಕಪ್ಪು ಐ ಶ್ಯಾಡೊ ಬಳಸಿದರೆ ಹೆಚ್ಚು ಆಕರ್ಷಕವಾಗಿ ಕಾಣುವುದು.

5. ತೆಳು ನೀಲಿ ಐ ಶ್ಯಾಡೊ: ಬೇಸಿಗೆಯಲ್ಲಿ ತೆಳು ನೀಲಿ ಬಣ್ಣದ ಐ ಶ್ಯಾಡೊ ಆಕರ್ಷಕವಾಗಿ ಕಾಣುವುದು. ಈ ಬಣ್ಣದ ಐ ಶ್ಯಾಡೊವನ್ನು ತೆಳುವಾದ ಐ ಪೆನ್ಸಿಲ್ ನಿಂದ ಕಣ್ಣಿನ ಮೇಲಿನ ಮತ್ತು ಕೆಳಗಿನ ರೆಪ್ಪೆಗಳಿಗೆ ಹಚ್ಚಿದರೆ ಆಕರ್ಷಕವಾಗಿ ಕಾಣುವುದು.