ನಾರಿಯ ಅಂದ ಹೆಚ್ಚಿಸುವ ನಾಸಿಕದ ಮೇಕಪ್

Published: Tuesday, March 27, 2012, 10:57 [IST]

ಮುಖದ ಅಂದ ಹೆಚ್ಚಿಸುವಲ್ಲಿ ಕಣ್ಣು ಮತ್ತು ಮೂಗು ಪ್ರಮುಖ ಪಾತ್ರವಹಿಸುತ್ತದೆ. ಈಗೆಲ್ಲಾ ಮುಖಕ್ಕೆ ಹೊಂದುವ ಹಾಗೆ ಆಕರ್ಷಕ ಮೂಗನ್ನು ಶಸ್ತ್ರ ಚಿಕಿತ್ಸೆಯಿಂದ ಪಡೆಯಬಹುದು. ಆದರೆ ಈ ರೀತಿಯ ಸೌಂದರ್ಯ ಚಿಕಿತ್ಸೆಗಳು ಸ್ವಲ್ಪ ದುಬಾರಿ ಆಗಿರುವುದರಿಂದ ಎಲ್ಲರಿಗೂ ಈ ಚಿಕಿತ್ಸೆಯನ್ನು ಮಾಡಿಸಲು ಸಾಧ್ಯವಿಲ್ಲ. ಇನ್ನು ಕೆಲವರು ನೈಸರ್ಗಿಕ ಚೆಲುವೆ ಸಾಕೆಂದು ಸುಮ್ಮನೆ ಇರುತ್ತಾರೆ.

ಆದರೆ ಮೂಗಿನ ಅಂದ ಹೆಚ್ಚಿಸಲು ಮೇಕಪ್ ಶೇಡ್ಸ್ ಇವೆ. ಅವುಗಳನ್ನು ಬಳಸಿ ನಿಮ್ಮ ಮುಖದ ಅಂದ ಹೆಚ್ಚಿಸುವ ರೀತಿಯಲ್ಲಿ ಮೂಗಿನ ಮೇಕಪ್ ಮಾಡುವುದು ಹೇಗೆ ತಿಳಿಯಲು ಮುಂದೆ ಓದಿ.

1. ಸ್ವಲ್ಪ ಅಗಲವಾದ ಮೂಗು: ಸ್ವಲ್ಪ ಅಗಲವಾದ ಮೂಗು ಹೊಂದಿದ್ದರೆ ಮುಖದಲ್ಲಿ ಮೂಗೇ ಎದ್ದು ಕಾಣುತ್ತದೆ. ಆದ್ದರಿಂದ ಅಂತಹವರು ಮೇಕಪ್ ಮಾಡುವಾಗ ಈ ರೀತಿ ಮಾಡಿದರೆ ಒಳ್ಳೆಯದು.
ಮೇಕಪ್ ಶೇಡ್ಸ್ ಫೌಂಡೇಶನ್ ಅನ್ನು ಗಾಢವಾಗಿ ಮೂಗಿಗೆ ಹಚ್ಚಬೇಕು. ಈ ಫೌಂಡೇಶನ್ ಹಚ್ಚುವಾಗ ಮೂಗಿನ ಎರಡು ಬದಿಯಲ್ಲಿ ಇಂಗ್ಲೀಷ್ ಅಕ್ಷರ 'c' ಆಕಾರದಲ್ಲಿ ಹಚ್ಚಬೇಕು. ಫೌಂಡೇಶನ್ ಅನ್ನು ಕಣ್ಣಿನ ಕೆಳಭಾಗದಿಂದ ಮೂಗಿನ ತುದಿಯವರೆಗೆ ಹಚ್ಚಬೇಕು. ಈ ರೀತಿ ಹಚ್ಚಿದರೆ ಮೂಗು ಅಗಲವಾಗಿ ಕಾಣುವುದಿಲ್ಲ.

2. ಸಪೂರ ಮೂಗು: ಉದ್ದದ ಮೂಗಿನವರು ಅಗಲದ ಮೂಗಿನವರಿಗೆ ವಿರುದ್ಧವಾದ ಮೇಕಪ್ ಮಾಡಬೇಕು. ಗಾಢವಾದ ಶೇಡ್ಸ್ ಬಳಸಿ ಮೂಗಿನ ಮಧ್ಯ ಭಾಗಕ್ಕೆ ಹಚ್ಚಬೇಕು. ನಂತರ ಸುತ್ತಲೂ ತೆಳುವಾದ ಫೌಂಡೇಶನ್ ಹಚ್ಚಬೇಕು. ಈ ರಿತಿ ಮಾಡಿದರೆ ಮೂಗು ಸ್ವಲ್ಪ ದಪ್ಪವಾಗಿ ಕಾಣುವುದು.

3. ಚಪ್ಪಟೆ ಮೂಗು: ಈ ರೀತಿ ಮೂಗು ಹೊಂದಿರುವವರು ಮೂಗಿನ ಮಧ್ಯ ಭಾಗದಲ್ಲಿ ಗಾಢವಾದ ಶೇಡ್ಸ್ ಬಳಸಿ ಮೇಕಪ್ ಮಾಡುವುದರಿಂದ ಮೂಗು ಮುಖದಲ್ಲಿ ಎದ್ದು ಕಾಣುವುದು.

4. ಉದ್ದದ ಮೂಗು: ಉದ್ದದ ಮೂಗು ಹೊಂದಿರುವವರು ಕನ್ಸೀಲರ್ ಅಥವಾ ಫೌಂಡೇಶನ್ ಮೂಗಿನ ತುದಿಯಲ್ಲಿ ಮಾತ್ರ ಹಚ್ಚಬೇಕು. ಈ ಫೌಂಡೇಶನ್ ನಿಮ್ಮ ತ್ವಚೆ ಬಣ್ಣಕ್ಕಿಂತ ಸ್ವಲ್ಪ ಗಾಢವಾದ ಬಣ್ಣವನ್ನು ಹೊಂದಿರಬೇಕು. ನಂತರ ಸಾಮಾನ್ಯವಾದ ಮೇಕಪ್ ವಿಧಾನ ಅನುಸರಿಸಿದರೆ ಮೂಗು ಹೆಚ್ಚು ಉದ್ದವಾಗಿ ಕಾಣುವುದಿಲ್ಲ.

ಸಲಹೆ: ಈ ರೀತಿ ಮೇಕಪ್ ಮಾಡುವಾಗ ಮಾಯಿಶ್ಚರೈಸರ್ ಬಳಸಬಾರದು.
ಫೌಂಡೇಶನ್ ಪೌಡರ್ ಅನ್ನು ಪರ್ಸ್ ನಲ್ಲಿಯೆ ಇಟ್ಟುಕೊಳ್ಳುವುದು ಒಳ್ಳೆಯದು. ಇದರಿಂದ ಆಗಾಗ ಮೇಕಪ್ ಟಚ್ ಕೊಡಬಹುದು.