ಪುರುಷರು ಆಕರ್ಷವಾಗಿ ಕಾಣಲು ಕೆಲ ಸಲಹೆಗಳು

Make Up

oi-Reena

By Hema S

Published: Monday, March 12, 2012, 11:21 [IST]

ಮೇಕಪ್ ಮಾಡಲು ಮಹಿಳೆಯರಿಗೆ ಇರುವಷ್ಟು ಆಯ್ಕೆ ಪುರುಷರಿಗೆ ಇಲ್ಲ. ಸ್ತ್ರೀಯರಿಗೆ ಸೀರೆ, ಚೂಡಿ, ಪ್ಯಾಂಟ್ ಶರ್ಟ್ ಅಂತ ತಮಗೆ ಇಷ್ಟ ಬಂದ ಲುಕ್ ನಲ್ಲಿ ಕಾಣಬಹುದು. ಆದರೆ ದಿನಾ ಒಂದೆ ಸ್ಟೈಲ್ ಮಾಡಿ ಪುರುಷರಿಗೆ ಬೋರಾಗಿರುತ್ತದೆ.

ಹೆಚ್ಚಿನ ಪುರುಷರು, ತ್ವಚೆ ಆರೈಕೆ ಸ್ತ್ರೀಯರಿಗೆ ಮಾತ್ರ ಸೀಮಿತ, ಮೇಕಪ್ ಮಾಡುವುದು ಪುರುಷರಿಗೆ ಲಕ್ಷಣವಲ್ಲ ಎಂದು ತಪ್ಪಾಗಿ ಅರ್ಥೈಹಿಸಿರುತ್ತಾರೆ. ಆದ್ದರಿಂದ ಸರಿಯಾದ ತ್ವಚೆ ಆರೈಕೆ ಇಲ್ಲದೆ ಮುಖದ ಹೊಳಪು ಕಡಿಮೆಯಾಗುವುದು.

ಲುಕ್ ನಲ್ಲಿ ಸ್ವಲ್ಪ ಚೇಂಜ್ ಬೇಕೆನ್ನುವ ಪುರುಷರು ಸಲಹೆಗಳನ್ನು ಪಾಲಿಸಬಹುದು.

1. ಡ್ರೆಸ್ : ಬೆಳಗ್ಗೆ ಎದ್ದು ಕೈಗೆ ಸಿಕ್ಕಿದ ಶರ್ಟ್ ಬಳಸುವುದಕ್ಕಿಂತ ರಾತ್ರಿ ಮಲಗುವ ಮುಂಚೆ ನಾಳೆಗೆ ಹಾಕುವ ಬಟ್ಟೆಗಳನ್ನು ನೀಟಾಗಿ ಇಸ್ತ್ರಿ ಹಾಕಿ ತೆಗೆದಿಡಬೇಕು. ಶೂ ಪಾಲಿಷ್ ಮಾಡಿಡಬೇಕು. ವಾಚ್ ನಲ್ಲಿ ದೂಳು ಇದ್ದರೆ ಒರೆಸಿ ಇಡಬೇಕು. ಕೈ ಮತ್ತು ಕಾಲಿನ ಉಗುರುಗಳನ್ನು ನೀಟಾಗಿ ಕತ್ತರಿಸಿರಬೇಕು. ಇಷ್ಟು ಮಾಡಿದರೆ ಡ್ರೆಸ್ ಮಾಡಿದಾಗ ಆಕರ್ಷಕವಾಗಿ ಕಾಣಬಹುದು.

2. ಲಿಪ್ ಬಾಮ್ : ತುಟಿಗೆ ಲಿಪ್ ಬಾಮ್ ಹಚ್ಚುವುದರಿಂದ ತುಟಿ ತುಂಬಾ ಒಣಗಿದಂತೆ ಕಾಣುವುದಿಲ್ಲ. ಇದನ್ನು ಮಹಿಳೆಯರು ಮಾತ್ರವಲ್ಲ ಪುರುಷರೂ ಬಳಸಬಹುದು.

3. ಮುಖದ ಆರೈಕೆ: ದಿನಾವೂ ಸೋಪ್ ಮಾತ್ರ ಹಾಕಿ ತೊಳೆಯುವುದರಿಂದ ಮುಖದ ಹೊಳಪು ಹೆಚ್ಚುವುದಿಲ್ಲ. ಸ್ಕ್ರಬ್ಬಿಂಗ್ ಮಹಿಳೆಯರಷ್ಟೆ ಅಲ್ಲ ಪುರುಷರ ಮುಖದ ಆರೈಕೆಗೆ ಕೂಡ ಬಳಸಬಹುದು. ಸ್ಕ್ರಬ್ ಮಾಡಿ ನಿರ್ಜೀವ ತ್ವಚೆ ಹೋಗಲಾಡಿಸಿದರೆ ಮುಖದ ಹೊಳಪು ಹೆಚ್ಚುವುದು.

4. ಆಭರಣಗಳು: ಕತ್ತಿನಲ್ಲಿ ಚಿನ್ನದ ಚೈನ್ , ಕೈಯಲ್ಲಿ ಉಂಗುರ ಪುರುಷರ ಅಂದವನ್ನು ಹೆಚ್ಚಿಸುವುದು. ತುಂಬಾ ಸಿಂಪಲ್ ಬಯಸುವವರು ನೀಟಾಗಿ ಡ್ರೆಸ್ ಮಾಡಿ ಕೈಗೆ ಒಂದು ವಾಚ್ ಕಟ್ಟಿದರೆ ಸಾಕು, ಅದು ನಿಮಗೆ ಡೀಸೆಂಟ್ ಲುಕ್ ನೀಡುವುದು.

5. ಗಡ್ಡದ ವಿನ್ಯಾಸ: ದಿನಾವೂ ಒಂದೆ ರೀತಿ ಹೋಗುವುದರ ಬದಲು ಫ್ರೆಂಚ್, ಟ್ರಿಮ್ ಈ ರೀತಿಯ ಗಡ್ಡದ ವಿನ್ಯಾಸ ಮಾಡಬಹುದು. ಆದರೆ ಆ ವಿನ್ಯಾಸ ನಿಮ್ಮ ಮುಖದ ಅಂದ ಹೆಚ್ಚಿಸುವುದಾದರೆ ಮಾತ್ರ ಮಾಡಿ.