ವಿದ್ಯಾ ಬಾಲನ್ ಕಣ್ಣಿನ ಅಂದಕ್ಕೆ ಪಾಕಿಸ್ತಾನದ ಕಾಜಲ್ !

Make Up

oi-Reena

By Hema S

Published: Saturday, March 10, 2012, 17:12 [IST]

ಡರ್ಟಿ ಪಿಕ್ಚರ್ ಖ್ಯಾತಿಯ ವಿದ್ಯಾ ಬಾಲನ್ ಅಭಿನಯ ಅಷ್ಟೆ ಅಲ್ಲ ರೂಪದಿಂದ ಸಾಕಷ್ಟು ಅಭಿಮಾನಿಗಳನ್ನು ಗಳಿಸಿದ್ದಾರೆ. ಅವರ ಆಕರ್ಷಕ ಮೈಮಾಟು ನೋಡಿದ ಹೆಣ್ಣುಮಕ್ಕಳಿಗೆ ಅವಳ ಹೊಳೆಯುವ ತ್ವಚೆ ರಹಸ್ಯ ಬಗ್ಗೆ ತಿಳಿಯಲು ಕುತೂಹಲವಿರುತ್ತದೆ. ಬಾಲನ್ ತನ್ನ ರೂಪವನ್ನು ಹೆಚ್ಚಿಸಲು ಅನುಸರಿಸುತ್ತಿರುವ ವಿಧಾನ ತುಂಬಾ ಸರಳವಾಗಿದೆ.

ವಿದ್ಯಾಬಾಲನ್ ತನ್ನ ಬ್ಯೂಟಿ ರಹಸ್ಯದ ಬಗ್ಗೆ ಹೇಳಿಕೊಂಡಿದ್ಧಾರೆ. ಅವರು ಏನು ಹೇಳಿದ್ದಾರೆ ಎಂದು ನೋಡೋಣ ಬನ್ನಿ.

1. ಕ್ಲೀನ್ ಅಪ್: ಮೇಕಪ್ ತೆಗೆಯಲು ಕೆಮಿಕಲ್ ಬಳಸುವ ಬದಲು ರೋಸ್ ವಾಟರ್ ಮತ್ತು ಹಾಲನ್ನು ಮಿಶ್ರ ಮಾಡಿ ಅದರಲ್ಲಿ ಹತ್ತಿಯನ್ನು ಅದ್ದಿ ಮುಖವನ್ನು ಶುಭ್ರಗೊಳಿಸುವುದು. ಶೂಟಿಂಗ್ ಗೆ ತುಂಬಾ ಮೇಕಪ್ ಹಾಕಿದಾಗ ಅದನ್ನು ತೆಗೆಯಲು ಮ್ಯಾಕ್ ವೈಪ್ಸ್ ಬಳಸುತ್ತಾರೆ.

2.ಪೆಡಿಕ್ಯೂರ್: ವಾರಕ್ಕೆ ಒಮ್ಮೆ ಪೆಡಿಕ್ಯೂರ್ ಮಾಡಿಸುತ್ತಾರೆ. ಆರ್ಯುವೇದ ಎಣ್ಣೆಯನ್ನು ಬಳಸಿ ತಲೆ ಮಸಾಜ್ ಮಾಡುತ್ತಾರೆ. ಈ ವಿಧಾನ ಅವರ ಒತ್ತಡಗಳನ್ನು ಕಡಿಮೆ ಮಾಡಲು ಸಹಕಾರಿಯಾಗಿದೆ.

3. ಕಣ್ಣು: ಬಾಲನ್ ನೈಸರ್ಗಿಕವಾಗಿ ಅಕರ್ಷಕ ಕಣ್ಣುಗಳನ್ನು ಹೊಂದಿದ್ದಾರೆ. ಆದರೆ ಅದನ್ನು ಮತ್ತಷ್ಟು ಅಕರ್ಷಕವಾಗಿ ಕಾಣಲು ಪಾಕಿಸ್ತಾನದಿಂದ ತರಿಸಿದ ಕಾಜಲ್ ಮಾತ್ರ ಉಪಯೋಗಿಸುತ್ತಾರೆ.

4. ಡಯಟ್: ಅಧಿಕ ಸೊಪ್ಪು ತರಕಾರಿ ಮತ್ತು ತಾಜಾ ಹಣ್ಣುಗಳನ್ನು ತಿನ್ನುವುದರಿಂದ ಅವರ ತ್ವಚೆ ಕಾಂತಿ ಹೆಚ್ಚಿಸಲು ಸಹಕಾರಿಯಾಗಿದೆಯಂತೆ. ಬೆಳಗ್ಗೆ ಎದ್ದ ಮೇಲೆ ಅರಿಶಿಣ ತುಂಡು ಬಾಯಿಗೆ ಹಾಕಿ ಅಗೆಯುವುದು ಕೂಡ ಅವರ ತ್ವಚೆ ಆರೈಕೆಯ ಒಂದು ವಿಧಾನವಾಗಿದೆ. ದಿನವೂ ಎಳನೀರು ಕುಡಿಯುವ ಅಭ್ಯಾಸವನ್ನು ಬೆಳೆಸಿಕೊಂಡಿದ್ದಾರೆ.

5. ಕಡಿಮೆ ಬೆಲೆ ಸೌಂದರ್ಯವರ್ಧಕಗಳಿಂದ ದೂರ: ಕಡಿಮೆ ಬೆಲೆ ಸೌಂದರ್ಯ ವರ್ಧಕಗಳನ್ನು ಬಳಸಿದರೆ ತ್ವಚೆಗೆ ಹಾನಿಯಾಗುತ್ತದೆ ಎಂದು ಬಾಲನ್ ರವರು ಹೇಳುತ್ತಾರೆ. ಸೌಂದರ್ಯವರ್ಧಕಗಳನ್ನು ಬಳಸುವಾಗ ಉತ್ತಮ ಗುಣಮಟ್ಟದ ಬ್ರಾಂಡ್ ನ ವಸ್ತುಗಳನ್ನು ಬಳಸಿ ತ್ವಚೆ ಹೊಳಪು ಕಾಪಾಡಿಕೊಳ್ಳಿ ಎನ್ನುವುದು ಅವರ ಕಿವಿ ಮಾತು.