ತೆಳ್ಳಗೆ ಕಾಣುವಂತೆ ಮಾಡುತ್ತೆ ಈ ನೆಕ್ ಡಿಸೈನ್

Make Up

oi-Reena

By Hema S

Published: Saturday, February 18, 2012, 11:20 [IST]

ಸ್ವಲ್ಪ ದಪ್ಪ ಜಾಸ್ತಿ ಇರುವವರು ಡ್ರೆಸ್ ಗಳನ್ನು ಹೊಲಿಸುವಾಗ ಅಥವಾ ಕೊಳ್ಳುವಾಗ ಅದರ ನೆಕ್ ವಿನ್ಯಾಸಕ್ಕೆ ಹೆಚ್ಚಿನ ಗಮನ ನೀಡಿದರೆ ತೆಳ್ಳಗೆ ಕಾಣಿಸಬಹುದು. ನೆಕ್ ಡಿಸೈನ್ ಬಗ್ಗೆ ಅರಿವು ಇಲ್ಲದಿದ್ದರೆ ನೀವು ಮತ್ತಷ್ಟು ದಪ್ಪಗೆ ಕಾಣುವಂತೆ ಮಾಡುತ್ತದೆ. ಯಾವ ರೀತಿಯ ನೆಕ್ ಧರಿಸಿದರೆ ತೆಳ್ಳಗ್ಗೆ ಕಾಣಿಸಿಬಹುದೆಂದು ತಿಳಿಯಲು ಮುಂದೆ ಓದಿ.

ತೆಳ್ಳಗ್ಗೆ ಕಾಣಿಸಲು ನೆಕ್ ಡಿಸೈನ್:

1. ಹಾಲ್ಟರ್ ನೆಕ್: ಈ ರೀತಿಯ ನೆಕ್ ಇರುವ ಡ್ರೆಸ್ ಗಳು ನೋಡಲು ಆಕರ್ಷಕವಾಗಿರುತ್ತದೆ. ಹಾಲ್ಟರ್ ನೆಕ್ ಡ್ರೆಸ್ ಟಾಪ್ ಧರಿಸುವಾಗ ಅದಕ್ಕೆ ಲೋವೇಯಿಸ್ಟ್ ಜೀನ್ಸ್ ಧರಿಸಿದರೆ ಕುತ್ತಿಗೆ ಉದ್ದ ಕಂಡು ತೆಳ್ಳಗ್ಗೆ ಕಾಣಿಸುವುದು.

2. ವಿ ನೆಕ್: ವಿ ನೆಕ್ ಸ್ವಲ್ಪ ಡೀಪ್ ಆಗಿರುವವುದರಿಂದ ಇದನ್ನು ಧರಿಸಿದಾಗ ಅಷ್ಟು ದಪ್ಪವಾಗಿ ಕಾಣಿಸುವುದಿಲ್ಲ. ಈ ನೆಕ್ ಸ್ಟೈಲ್ ಕುತ್ತಿಗೆಯನ್ನು ಉದ್ದ ಮತ್ತು ಸಪೂರವಾಗಿ ಕಾಣುವಂತೆ ಮಾಡುತ್ತದೆ.

3. ಬೋಟ್ ನೆಕ್: ಸ್ಲೀವ್ ಲೆಸ್ (ತೋಳಿಲ್ಲದ ಅಂಗಿ) ಅಥವಾ ಚಿಕ್ಕ ತೋಳಿನ ಅಂಗಿ ಧರಿಸಿದರೆ ಎದೆ ಭಾಗವನ್ನು ಅಗಲವಾಗಿ ಕಾಣುವಂತೆ ಮಾಡಿ ದೇಹದ ಆಕಾರವನ್ನು ಆಕರ್ಷಕವಾಗಿ ಕಾಣುವಂತೆ ಮಾಡುತ್ತದೆ.

4. ಸ್ಕೂಪ್ ನೆಕ್: ಸ್ಕೂಪ್ ನೆಕ್ ಹಿಂದಿನ ಕಾಲದ ಫ್ಯಾಷನ್ ಆದರೂ ಈ ರೀತಿಯ ನೆಕ್ ಇರುವ ಡ್ರೆಸ್ ಧರಿಸಿದರೆ ತೆಳ್ಳಗ್ಗೆ ಕಾಣಿಸುವುದು. ಆದರೆ ಈ ರೀತಿಯ ವಿನ್ಯಾಸದ ಸಡಿಲವಾದ ಡ್ರೆಸ್ ಗಳನ್ನು ಹಾಕಿ. ಸ್ಕೂಪ್ ನೆಕ್ ಇರುವ ಚಿಕ್ಕ ತೋಳಿನ ಡ್ರೆಸ್ ಸ್ಟೈಲಿಷ್ ಲುಕ್ ಕೊಡುತ್ತದೆ.