ತಣ್ಣೀರಿನಲ್ಲಿಯೆ ಮಾಡಬೇಕು ವಿಗ್ ಕ್ಲೀನಿಂಗ್

Make Up

oi-Reena

By Hema S

Published: Tuesday, February 7, 2012, 13:53 [IST]

ಬಕ್ಕ ತಲೆ ಸಾಮಾನ್ಯವಾಗಿ ಕಂಡು ಬರುವ ಸಮಸ್ಯೆಯಾಗಿದೆ. ಅದರಲ್ಲೂ ಮಧ್ಯ ವಯಸ್ಸು ದಾಟಿದ ಪುರುಷರಲ್ಲಿ ಈ ರೀತಿಯ ಸಮಸ್ಯೆಗಳು ಹೆಚ್ಚಾಗಿ ಕಂಡುಬರುತ್ತದೆ. ಬಕ್ಕ ತಲೆ ಕೆಲವರಿಗೆ ಮುಜುಗರ ಉಂಟು ಮಾಡುವುದರಿಂದ ಕೃತಕ ಕೂದಲನ್ನು (ವಿಗ್) ಧರಿಸುತ್ತಾರೆ.

ವಿಗ್ ಅನ್ನು ನೈಸರ್ಗಿಕ ಕೂದಲನ್ನು ಬಳಸಿ ಅಥವಾ ಸಿಂತೆಟಿಕ್ ಬಳಸಿ ತಯಾರಿಸಲಾಗುತ್ತದೆ. ವಿಗ್ ನಲ್ಲಿ ಬೇಕಾದ ವಿನ್ಯಾಸ ಕೂದಲನ್ನು ತಲೆಗೆ ಧರಿಸಬಹುದು.

ಕೃತಕ ಕೂದಲನ್ನು ತುಂಬಾ ಕಾಲ ಬಳಸುವುದರಿಂದ ತುರಿಕೆ ಉಂಟಾಗುತ್ತದೆ. ಕೃತಕ ಕೂದಲಿನ ನಿರ್ವಹಣೆಯ ಬಗ್ಗೆ ತಿಳಿಯಲು ಮುಂದೆ ಓದಿ.

1. ಬೇಸನ್ ನಲ್ಲಿ ತಣ್ಣೀರನ್ನು ತುಂಬಿಡಬೇಕು.

2. ಸಿಂತೆಟಿಕ್ ವಿಗ್ ತೊಳೆಯುವ ಶ್ಯಾಂಪೂ ಅನ್ನು ಆ ನೀರಿಗೆ ಹಾಕಬೇಕು. ಸಿಂತೆಟಿಕ್ ವಿಗ್ ತೊಳೆಯಲು ತಲೆಗೆ ಹಚ್ಚಲು ಉಪಯೋಗಿಸುವ ಶ್ಯಾಂಪೂ ಹಾಕಬಾರದು.

3. ವಿಗ್ ಅನ್ನು ಸ್ವಲ್ಪ ಹೊತ್ತು ನೀರಿನಲ್ಲಿ ನೆನೆ ಹಾಕಬೇಕು. ನಂತರ ವಿಗ್ ಕ್ಯಾಪ್ ಅನ್ನು ನಿಧಾನಕ್ಕೆ ಉಜ್ಜಬೇಕು.

4. ವಿಗ್ ನ ಕೊಳೆ ತೆಗೆದ ಮೇಲೆ 15 ನಿಮಿಷ ಕಾಲ ನೀರಿನಲ್ಲಿ ಮುಳುಗಿಸಿಡಬೇಕು.

5. ಯಾವುದೇ ಕಾರಣಕ್ಕೂ ಬಿಸಿ ನೀರನ್ನು ಉಪಯೋಗಿಸಬಾರದು.

6. ವಿಗ್ ತೊಳೆದ ನಂತರ ಕೂದಲನ್ನು ಹಿಂಡದೆ ಅಥವಾ ಗಟ್ಟಿಯಾಗಿ ಉಜ್ಜದೆ ಟವಲ್ ನಿಂದ ಸುತ್ತಬೇಕು.

7. ನಂತರ ವಿಗ್ ಅನ್ನು ಒಣಗಿಸಲು ಇಡಬೇಕು. ಹೀಗೆ ಒಣಗಲು ಇಡುವಾಗ ವಿಗ್ ಕಂಡೀಷನರ್ ಹಚ್ಚಿ ಒಣಗಿಸಬೇಕು.

8. ವಿಗ್ ಒಣಗಿದ ಮೇಲೆ ವಿಗ್ ಬ್ರಷ್ ಬಳಸಿ ಕೂದಲನ್ನು ಒಣಗಿಸಬೇಕು.