ನೆರಿಗೆ ಮರೆ ಮಾಚಿಸುವ ಕಣ್ಣಿನ ಮೇಕಪ್

Make Up

oi-Reena

By Hema S

Published: Friday, February 3, 2012, 12:07 [IST]

ಎಲ್ಲರನ್ನು ಸೆಳೆಯುವ ಕಣ್ಣಿನ ಸೌಂದರ್ಯ ಕುರಿತು ನಿತ್ಯ ಕಾಳಜಿ ವಹಿಸಬೇಕು. ಕೆಲಸದ ಒತ್ತಡ, ಸರಿಯಾಗಿ ನಿದ್ದೆ ಮಾಡದಿರುವುದು, ತ್ವಚೆ ಆರೈಕೆ ಮಾಡದಿದ್ದರೆ ಕಣ್ಣಿನ ಕೆಳಗೆ ಕಪ್ಪು ಕಲೆ ಮತ್ತು ನೆರಿಗೆ ಬರುತ್ತದೆ. ಕಣ್ಣಿನ ಕೆಳಗೆ ನೆರಿಗೆ ಬಂದರೆ ಅದು ಮುಖದ ಕಾಂತಿಯನ್ನೇ ಮಂಕಾಗಿಸುತ್ತದೆ. ಈ ರೀತಿಯ ನೆರಿಗೆ ಉಂಟಾದರೆ ಈ ಕೆಳಗಿನ ಮೇಕಪ್ ಬಳಸಿ ನೆರಿಗೆಯನ್ನು ಮರೆಮಾಚಿ.

1. ಕನ್ಸೀಲರ್ ಅಥವಾ ಲಿಕ್ವಿಡ್ ಫೌಂಡೇಶನ್ ಕಣ್ಣಿನ ಕೆಳಗೆ ಹಚ್ಚಿ ಅದು ಸ್ವಲ್ಪ ಒಣಗಿದ ಮೇಲೆ ಪೌಂಡೇಶನ್ ಕ್ರೀಮ್ ಹಚ್ಚಬೇಕು.

2. ಕಪ್ಪು ಐ ಲೈನರ್ ನಿಂದ ಕಣ್ಣಿನ ಕೆಳಬಾಗದಲ್ಲಿ ಸ್ವಲ್ಪ ಗಾಢವಾಗಿ ಹಚ್ಚಬೇಕು ಆಗ ನೆರಿಗೆ ಎದ್ದು ಕಾಣುವುದಿಲ್ಲ.

3. ಐಶಾಡೊ ಹಚ್ಚುವುದಾದರೆ ತ್ವಚೆಗೆ ಹೊಂದುವ ಬಣ್ಣವನ್ನು ಹಚ್ಚಿ. ಶಾಡೊ ಹಚ್ಚಿದರೆ ಕಣ್ಣು ಮತ್ತಷ್ಟು ಹೊಳಪಿನಿಂದ ಕಾಣುವುದು.

4. ಮಸ್ಕರಾ ಹಚ್ಚಿದರೆ ಕಣ್ರೆಪ್ಪೆ ಉದ್ದವಾಗಿ ಆಕರ್ಷಕವಾಗಿ ಕಾಣುತ್ತದೆ.

5. ಕೆನ್ನೆಗೆ ಶಿಮ್ಮರ್ ಹಚ್ಚುವುದಾದರೆ ಗಾಢವಾಗಿ ಹಚ್ಚಬಾರದು. ಹೀಗೆ ಶಿಮ್ಮರ್ ಹಚ್ಚುವುದಾದರೆ ತ್ವಚೆಗೆ ಹೊಂದುವ ಬಣ್ಣದ ಶಿಮ್ಮರ್ ಹಚ್ಚಿ.