ಆಫೀಸ್ ನಲ್ಲಿ ಮೇಕಪ್ ಮಾಡಲು ಸಪ್ತಸೂತ್ರ

ದುಡಿಯುವ ಮಹಿಳೆಯರ ಬ್ಯಾಗ್ ನಲ್ಲಿ ಬಾಚಣಿಕೆ, ಕ್ರೀಮ್, ಲಿಪ್ ಜೆಲ್ ಹೀಗೆ ಕೆಲ ಮೇಕಪ್ ಸಾಧನಗಳನ್ನು ಬ್ಯಾಗ್ ನಲ್ಲಿ ಇಟ್ಟುಕೊಂಡಿರುತ್ತಾರೆ. ಆದರೆ ಆಫೀಸ್ ನಲ್ಲಿ ಮೇಕಪ್ ಮಾಡುವಾಗ ಸಮಯ ಸಂದರ್ಭ ನೋಡದೆ ಮಾಡುತ್ತಿದ್ದರೆ ಮೇಕಪ್ ರಾಣಿ ಪಟ್ಟ ಗ್ಯಾರಂಟಿ. ಆದ್ದರಿಂದ ಆಫೀಸ್ ನಲ್ಲಿ ಹೇಗೆ ಮೇಕಪ್ ಮಾಡಿಕೊಳ್ಳಬೇಕು ಎಂಬ ಸರಳ ಉಪಾಯ ಇಲ್ಲಿದೆ ನೋಡಿ.

1. ಆಫೀಸ್ ಗೆ ಹೊಗುವಾಗ ಲಿಕ್ವಿಡ್ ಪೌಂಡೇಶನ್ ಬಳಸುವುದು ಉತ್ತಮ. ಏಕೆಂದರೆ ತ್ವಚೆ ಬೇಗನೆ ಲಿಕ್ವಿಡ್ ಪೌಂಡೇಶನ್ ಹೀರಿಕೊಳ್ಳುವುದು, ಲೋಷನ್ ಹಚ್ಚಿ ಅದರ ಮೇಲೆ ಪೌಂಡೇಶನ್ ಪೌಡರ್ ಹಚ್ಚುವುದು ಒಳ್ಳೆಯದು.

2. ಕಣ್ಣಿನ ಮೇಕಪ್ ಸೌಂದರ್ಯಕ್ಕೆ ಮತ್ತಷ್ಟು ಮೆರಗು ನೀಡುತ್ತದೆ. ಈ ರೀತಿ ಕಣ್ಣಿನ ಮೇಕಪ್ ಮಾಡುವಾಗ ಆಫೀಸ್ ಗೆ ಹೊಂದುವ ಹಾಗೆ ಮಾಡಬೇಕು. ಕಪ್ಪು, ನೀಲಿ, ಬ್ರೌನ್ (ಕಂದು) ಬಣ್ಣದ ಲೈನರ್ ಬಳಸಿ ಕಣ್ಣಿನ ಅಂದ ಹೆಚ್ಚಿಸಬಹುದು.

3. ಈ ರೀತಿ ಲೈನರ್ ಹಚ್ಚುವಾಗ ತುಂಬಾ ಗಾಢವಾಗಿ ಹಚ್ಚಬಾರದು.

4. ಕಣ್ಣಿಗೆ ಮಸ್ಕರಾ ಹಚ್ಚಿದರೆ ನೋಡಲು ಆಕರ್ಷಕವಾಗಿ ಕಾಣಿವಿರಿ.

5. ತುಟಿಗೆ ತೆಳುವಾದ ಬಣ್ಣದ ಲಿಪ್ ಸ್ಟಿಕ್ ಹಚ್ಚಬೇಕು. ಆದರೆ ಅದು ತುಂಬಾ ಹೊತ್ತು ನಿಲ್ಲುವುದಿಲ್ಲ. ಆದರೆ ಆಗಾಗ ಲಿಪ್ ಸ್ಟಿಕ್ ಹಚ್ಚಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಲಿಪ್ ಗ್ಲೋಸ್ ಬಳಸಬೇಕು.

6. ಕೆನ್ನೆಗೆ ಮೇಕಪ್ ಮಾಡುವುದಕ್ಕಿಂತ ಕಣ್ಣಿನ ಮೇಕಪ್ ಉತ್ತಮ. ಆಗಾಗ ಲಿಪ್ ಸ್ಟಿಕ್ ಮತ್ತು ಐ ಲೈನರ್ ಹಚ್ಚದರೆ ಮೇಕಪ್ ಗಾಢವಾಗಿ ಕಾಣುವುದು.

7. ತುಟಿಗೆ ಲಿಪ್ ಗ್ಲೋಸ್ ಹಾಕಿದರೆ ತುಟಿ ಒಣಗುವುದಿಲ್ಲ. ವಿಶ್ರಾಂತಿ ತೆಗೆಯುವಾಗ ತೆಳುವಾಗಿ ಪೌಂಡೇಶನ್ ಪೌಡರ್ ಹಚ್ಚಬಹುದು.

ಆಫೀಸ್ ನಲ್ಲಿ ಸರಳ ಮೇಕಪ್ ನಿಂದ ಸುಂದರವಾಗಿ ಕಾಣಿ.