ಬೋಲ್ಡ್ ಲುಕ್ ನೀಡುವುದು ಕಪ್ಪು ನೇಲ್ ಪಾಲಿಷ್

Make Up

oi-Reena

By Hema S

Published: Saturday, January 21, 2012, 15:10 [IST]

ಕಾಲೇಜು ಕನ್ಯೆಯರಿಗೆ ಮತ್ತು ಫ್ಯಾಷನ್ ಪ್ರಿಯರಿಗೆ ಕಪ್ಪು ಬಣ್ಣದ ನೇಲ್ ಪಾಲಿಷ್ ಹಾಕಲು ತುಂಬಾ ಇಷ್ಟ. ಕಪ್ಪು ಬಣ್ಣ ಉಗುರಿಗೆ ಹಾಕಿದರೆ ಕೊಡುವಷ್ಟು ಸ್ಟೈಲಿಷ್ ಮತ್ತು ಬೋಲ್ಡ್ ಲುಕ್ ಕೆಂಪು ಹೊರತು ಪಡಿಸಿ ಇತರ ಬಣ್ಣದಲ್ಲಿ ಕಾಣಲು ಸಾಧ್ಯವಿಲ್ಲ. ಈ ಕಪ್ಪು ನೇಲ್ ಪಾಲಿಷ್ ಮತ್ತಷ್ಟು ಆಕರ್ಷಕವಾಗಿ ಕಾಣುವಂತೆ ಮಾಡಲು ಹೀಗೆ ಮಾಡಿ.

1. ಅಧಿಕ ಉದ್ದವಿಲ್ಲದ ನೀಟಾಗಿ ಸೇಪ್ ನೀಡಿದ ಉಗುರಿಗೆ ಕಪ್ಪು ನೇಲ್ ಪಾಲಿಷ್ ಚೆನ್ನಾಗಿ ಕಾಣುತ್ತದೆ. ಉದ್ದವಾದ ಉಗುರುಗಳಿಗೆ ಕಪ್ಪು ಬಣ್ಣ ಹಚ್ಚಿದರೆ ಸಿನಿಮಾದಲ್ಲಿ ಕಾಣುವ ದೆವ್ವದಂತೆ ಇರುತ್ತದೆ.

2. ಉಗುರನ್ನು ಚೌಕಾಕಾರವಾಗಿ ಕತ್ತರಿಸಿ ಅದಕ್ಕೆ ಕಪ್ಪು ಬಣ್ಣವನ್ನು ಹಚ್ಚಬೇಕು.

3. ಕಪ್ಪು ನೇಲ್ ಪಾಲಿಷ್ ಕಪ್ಪು ಡ್ರೆಸ್ ಗೆ ಹಾಕುವ ಬದಲು ಕೆಂಪು, ಬಿಳಿ, ಕಂದು ಬಣ್ಣದ ಡ್ರೆಸ್ ಗೆ ಆಕರ್ಷಕವಾಗಿ ಕಾಣುತ್ತದೆ.

4. ಕಪ್ಪು ಬಣ್ಣದ ನೇಲ್ ಪಾಲಿಷ್ ಎರಡು ಬಾರಿ ಹಚ್ಚಿದರೆ ಚೆನ್ನಾಗಿ ಕಾಣುತ್ತದೆ. ಒಮ್ಮೆ ಹಚ್ಚಿ ಅದು ಒಣಗಿದ ಮೇಲೆ ಮತ್ತೊಮ್ಮೆ ಹಚ್ಚಿದರೆ ಕಡು ಕಪ್ಪು ಬಣ್ಣ ದೊರೆಯುತ್ತದೆ.

5. ಅಲ್ಲದಿದ್ದರೆ ಕಪ್ಪು ಬಣ್ಣದ ನೈಲ್ ಪಾಲಿಷ್ ಹಚ್ಚಿ ಅದರ ಮೇಲೆ ಹೊಳೆಯುವ ನೇಲ್ ಪಾಲಿಷ್ ಹಚ್ಚಿದರೆ ಸ್ಟೈಲಿಷ್ ಅಗಿ ಕಾಣುತ್ತದೆ.

6. ಕಪ್ಪು ಬಣ್ಣದ ನೇಲ್ ಪಾಲಿಷ್ ಹಾಕಿದಾಗ ಹೆಚ್ಚಿನ ಮೇಕಪ್ ಮಾಡಬಾರದು. ಕಣ್ಣಿಗೆ ಕಾಜಲ್, ಮುಖಕ್ಕೆ ತೆಳು ಮೇಕಪ್ ಮಾಡಿ, ತುಟಿಗಳಿಗೆ ಏನೂ ಹಚ್ಚಬಾರದು.

7. ತುಂಬಾ ಟ್ರೆಂಡಿ ಲುಕ್ ಬೇಕೆಂದರೆ ಕೈ ಬೆರಳುಗಳಿಗೆ ಉಂಗುರಗಳನ್ನು ಧರಿಸಿ. ಅದರಲ್ಲೂ ವಜ್ರದ ಉಂಗುರ ಇನ್ನೂ ಹೆಚ್ಚಿನ ಹೊಳಪಿನಿಂದ ಕಾಣುವುದು.

ನೈಲ್ ಪಾಲಿಷ್ ಹಾಕುವಾಗ ಬೆರಳುಗಳ ಅಕ್ಕ-ಪಕ್ಕ ಹರಡದಂತೆ ಧರಿಸಿ. ಕೈಗಳಿಗೆ ತಾಕಿದ್ದರೆ ರಿಮೋವರ್ ಬಳಸಿ ತೆಗೆಯಿರಿ.