ಈ ರೀತಿ ಡ್ರೆಸ್ ಮಾಡಿದರೆ ಕುಳ್ಳಗೆ ಕಾಣಿಸುವುದಿಲ್ಲ

Make Up

oi-Reena

By Hema S

Published: Tuesday, December 27, 2011, 11:58 [IST]

5.3 ಅಥವಾ 5.4 ಎತ್ತರ ಇರುವ ಹೆಣ್ಣು ಮಕ್ಕಳಿಗೆ ಎಲ್ಲಾ ರೀತಿಯ ಡ್ರೆಸ್ ಚೆನ್ನಾಗಿ ಕಾಣುತ್ತದೆ. ಆದರೆ ಕುಳ್ಳಗೆ ಇರುವವರು ತಮಗೆ ಯಾವ ರೀತಿ ಡ್ರೆಸ್ ಒಪ್ಪುತ್ತದೆಯೊ ಅದರಂತೆ ಡ್ರೆಸ್ ಮಾಡಬೇಕು. ಇಲ್ಲದಿದ್ದರೆ ಮತ್ತಷ್ಟು ಚೋಟಾಗಿ ಕಾಣಿಸುವುದು. ಇಲ್ಲಿದೆ ಕೆಲ ಸಲಹೆ, ಇವುಗಳನ್ನು ಪಾಲಿಸಿದರೆ ಸಾಧಾರಣ ಎತ್ತರವಾಗಿ ಮತ್ತು ಆಕರ್ಷಕವಾಗಿ ಕಾಣಿಸಿಕೊಳ್ಳಬಹುದು.

1.ಟಾಪ್ಸ್: ಸ್ವಲ್ಪ ಬಿಗಿಯಾಗಿರುವ ವಿ ನೆಕ್ ಟಾಪ್, ಉದ್ದ ಗೆರೆಯ ಟಾಪ್ ಅಥವಾ ಶರ್ಟ್, ತೆಳುವಾದ ಟಿ ಶರ್ಟ್ ಧರಿಸಿದರೆ ತೆಳ್ಳಗೆ ಕಾಣಿಸುವುದು. ಸೊಂಟದವರೆಗೆ ಇರುವ ಟಾಪ್, ಜೀನ್ಸ್ ಪ್ಯಾಂಟ್ ಮತ್ತು ಬೆಲ್ಟ್ ಧರಿಸಿದರೆ ಟ್ರೆಂಡಿ ಹಾಗಿ ಕಾಣಿಸಿ ಕೊಳ್ಳಬಹುದು. ಸಡಿಲವಾದ ಉಡುಪುಗಳನ್ನು ಧರಿಸಿದರೆ ಕುಳ್ಳಗೆ ಮತ್ತು ದಪ್ಪವಾಗಿ ಕಾಣಿಸುವಿರಿ.

2. ಶಾರ್ಟ್ಸ್: ಶಾರ್ಟ್ಸ್ ಮತ್ತು ಪೆನ್ಸಿಲ್ ಕಟ್ ಜೀನ್ಸ್ ಪ್ಯಾಂಟ್ ಧರಿಸಿದರೆ ಚೆನ್ನಾಗಿ ಕಾಣಿಸುವಿರಿ. ಮಂಡಿಗಿಂತ ಕೆಳಗಿನ ಟಾಪ್ ಗಳನ್ನು ಧರಿಸಬಾರದು. ಜೊತೆಗೆ ಹೀಲ್ಡ್ ಚಪ್ಪಲಿ ಧರಿಸಬೇಕು.

3. ಪ್ಯಾಂಟ್: ಪ್ಯಾಂಟ್ ಆಯ್ಕೆ ಮಾಡುವಾಗ ಬಿಗಿ ಪ್ಯಾಂಟ್ ಮತ್ತು ಹೈ ಹೀಲ್ಡ್ ಚಪ್ಪಲಿ ಧರಿಸಬೇಕು. ಸಡಿಲವಾದ ಅಥವಾ ಲೋವೇಯಿಸ್ಟ್ ಪ್ಯಾಂಟ್ ದೇಹದ ಶೇಪ್ ಅನ್ನು ಹಾಳು ಮಾಡುತ್ತದೆ.

4. ಜಾಕೆಟ್: ಉದ್ದವಾದ ಜಾಕೆಟ್ ಮತ್ತಷ್ಟು ಕುಳ್ಳಗೆ ಕಾಣುವಂತೆ ಮಾಡುತ್ತದೆ. ಸೊಂಟದವರೆಗೆ ಇರುವ ಜಾಕೆಟ್ ಧರಿಸ ಬೇಕು. ಈ ಓವರ್ ಕೋಟ್ ನೋಡುಗರ ಗಮನವನ್ನು ಅದರತ್ತ ಸೆಳೆಯುವುದರಿಂದ ಅಲ್ಲಿ ನಿಮ್ಮ ಎತ್ತರ ಅಷ್ಟು ಗಮನಕ್ಕೆ ಬರುವುದಿಲ್ಲ.

5. ಹೀಲ್ಸ್: ಪೆನ್ಸಿಲ್ ಹೀಲ್ಡ್ ಚಪ್ಪಲಿ ಧರಿಸಿದರೆ ಕುಳ್ಳಗೆ ಕಾಣಿಸುವುದಿಲ್ಲ. ಅಲ್ಲದೆ ಅದು ದೇಹಕ್ಕೆ ಒಂದು ಉತ್ತಮ ಆಕಾರವನ್ನು ನೀಡುವುದರಿಂದ ಆಕರ್ಷಕವಾಗಿ ಕಾಣಿಸುವಂತೆ ಮಾಡುತ್ತದೆ.