ನಿರಂತರ ಯೌವನದ ಚೆಲುವಿಗೆ ಈ ಮೇಕಪ್

'ನೀವು ವಯಸ್ಸಿನಲ್ಲಿ ಚಿಕ್ಕವರಂತೆ ಕಾಣುತ್ತಿದ್ದೀರಾ' ಎಂದು ಹೇಳಿಸಿಕೊಳ್ಳಲು ಯಾರಿಗೆ ತಾನೆ ಇಷ್ಟವಿಲ್ಲ ಹೇಳಿ. ಸಿನಿಮಾ ನಟಿಯರು ಚಿಕಿತ್ಸೆ ಮಾಡಿ ಸುಂದರವಾಗಿ ಕಾಣಿಸುತ್ತಾರೆ, ಆದರೆ ಈ ಚಿಕಿತ್ಸೆ ದುಬಾರಿಯಾಗಿರುವುದರಿಂದ ಸಾಮಾನ್ಯ ಜನರಿಗೆ ಮಾಡಿಸಿಕೊಳ್ಳಲು ಸಾಧ್ಯವಿಲ್ಲ. ಆದ್ದರಿಂದ ಈ ಕೆಳಗಿನ ವಿಧಾನ ಬಳಸಿ ಸುಂದರವಾಗಿ ಕಾಣಿ.

1.ಮೊಸರು, ಜೇನು ಮತ್ತು ವಿಟಮಿನ್ ಇ ಎಣ್ಣೆಯನ್ನು ಮಿಶ್ರ ಮಾಡಿ ಪ್ರತಿದಿನ ಮುಖಕ್ಕೆ ಹಚ್ಚಿ, ಸ್ವಲ್ಪ ಹೊತ್ತಿನ ಬಳಿಕ ತೊಳೆಯ ಬೇಕು. ಹೀಗೆ ದಿನವೂ ಮಾಡುವುದರಿಂದ ಮುಖದಲ್ಲಿ ನೆರಿಗೆ ಬೇಗನೆ ಬೀಳುವುದಿಲ್ಲ. ಮುಖಕ್ಕೆ ಮೇಕಪ್ ಮಾಡುವ ಮೊದಲು ಮೊಸರಿನಿಂದ ಕ್ಲೆನ್ಸ್ ಮಾಡಿಕೊಳ್ಳುವುದು ಒಳ್ಳೆಯದು.

2. ಎಣ್ಣೆ ತ್ವಚೆಯವರನ್ನು ಹೊರತು ಪಡಿಸಿ ಉಳಿದವರು ಡ್ರೈ ಫೌಂಡೇಶನ್ ಬಳಸಬಾರದು. ಲಿಕ್ವಿಡ್ ಫೌಂಡೇಶನ್ ಮುಖಕ್ಕೆ ತುಂಬಾ ಒಳ್ಳೆಯದು. ತ್ವಚೆ ಬಣ್ಣಕ್ಕೆ ಹೊಂದಿಕೊಳ್ಳುವ ಲಿಕ್ವಿಡ್ ಫೌಂಡೇಶನ್ ಬಳಸಿದರೆ ಮುಖ ಸ್ವಚ್ಛವಾಗಿ ಕಾಣುತ್ತದೆ.

3. ಫೌಡರ್ ಬ್ಲಷ್ ಬಳಸುವ ಬದಲು ಕ್ರೀಮ್ ರೀತಿಯ ಬ್ಲಷ್ ಬಳಸಬೇಕು. ಬ್ಲಷ್ ಕುತ್ತಿಗೆಗೆ ಹಚ್ಚಿ ದಪ್ಪ ಸರದ ಬದಲು ಹೊಳೆಯುವ ಲಾಕೆಟ್ ಇರುವ ತೆಳ್ಳಗಿನ ಸರ ಹಾಕಿಕೊಂಡರೆ ಸುಂದರವಾಗಿ ಕಾಣುವುದು.

4. ಕಣ್ಣಿನ ಹತ್ತಿರ ನೆರಿಗೆ ಇದ್ದರೆ ಮಸ್ಕರಾ ಅಥವಾ ಕಾಡಿಗೆಯನ್ನು ಹಚ್ಚಬಾರದು. ತುಟಿಗೆ ಬಣ್ಣವನ್ನು ಹಚ್ಚಬಾರದು ಅದರ ಬದಲು ಜೇನು ಅಥವಾ ತುಪ್ಪವನ್ನು ಹಚ್ಚಿದರೆ ಸಾಕು.

ವಯಸ್ಸಾದ ಮೇಲೆ ಗಾಢ ಮೇಕಪ್ ಗಿಂತ ಸರಳವಾದ ಮೇಕಪ್ ನೋಡುಗರನ್ನು ಹೆಚ್ಚು ಆಕರ್ಷಿಸುತ್ತದೆ.