ಧೂಮಪಾನ ಸ್ನೇಹಿಗಳ ಕಪ್ಪು ತುಟಿ ನಿವಾರಣೆ

Make Up

oi-Reena

By Hema S

Published: Tuesday, December 13, 2011, 14:42 [IST]

ಧೂಮಪಾನದಿಂದ ಆರೋಗ್ಯದ ಮೇಲಾಗುವ ದುಷ್ಪರಿಣಾಮದ ಬಗ್ಗೆ ಸೇದುವವರಿಗೆ ಚೆನ್ನಾಗಿಯೆ ಗೊತ್ತಿರುತ್ತದೆ. ಆದರೂ ಆ ಚಟವನ್ನು ಬಿಡಲು ಮನಸ್ಸು ಮಾಡುವುದಿಲ್ಲ. ಧೂಮಪಾನ ಮಾಡಿದರೆ ತುಟಿಗಳು ಕಪ್ಪು ಬಣ್ಣಕ್ಕೆ ತಿರುಗುತ್ತದೆ. ಆದ್ದರಿಂದ ಕಪ್ಪಾದ ತುಟಿಯನ್ನು ನೋಡಿದ ತಕ್ಷಣ ಹೇಳಬಹುದು ಇವರು ಧೂಮಪಾನಿಗಳೆಂದು. ಅದರಲ್ಲೂ ಮಹಿಳೆಯರ ತುಟಿ ಕಪ್ಪಾದರೆ ಅದು ಮುಖದ ಅಂದವನ್ನೆ ಕೆಡಿಸುತ್ತದೆ. ಇಲ್ಲಿದೆ ಕೆಲವು ಸಲಹೆಗಳು ಇವುಗಳನ್ನು ಪಾಲಿಸಿ ತುಟಿಯ ಕಪ್ಪನ್ನು ಹೋಗಲಾಡಿಸಬಹುದು.

1. ತುಟಿಯ ಕಪ್ಪನ್ನು ಹೋಗಲಾಡಿಸುವಲ್ಲಿ ನಿಂಬೆರಸ ತುಂಬಾ ಪ್ರಯೋಜನಕಾರಿ. ನಿಂಬೆ ಹಣ್ಣನ್ನು ಕತ್ತರಿಸಿ ಅದರ ತುಂಡನ್ನು ತುಟಿಗೆ 3-4 ನಿಮಿಷ ಉಜ್ಜಬೇಕು. ನಂತರ ತಣ್ಣೀರಿನಿಂದ ತುಟಿಯನ್ನು ತೊಳೆದು ಲಿಪ್ ಬಾಮ್ ಹಚ್ಚ ಬೇಕು.

2. ನಿಂಬೆರಸವನ್ನು ಜೇನಿನೊಂದಿಗೆ ಮಿಶ್ರ ಮಾಡಿ ತುಟಿಗೆ ಹಚ್ಚಿ ಮಲಗಬೇಕು, ಈ ರೀತಿ ಮಾಡಿದರೆ ತುಟಿ ಗುಲಾಬಿ ಬಣ್ಣವನ್ನು ಮರಳಿ ಪಡೆಯುತ್ತದೆ.

3. ತುಟಿಗೆ ಕೊಬ್ಬರಿ ಎಣ್ಣೆ ಅಥವಾ ಬಾದಾಮಿ ಎಣ್ಣೆಯನ್ನು ಹಚ್ಚುವುದರಿಂದ ಕೂಡ ತುಟಿಯ ಕಪ್ಪು ಕಡಿಮೆಯಾಗುವುದು.

4. ಗ್ಲಿಸರಿನ್ ಹಚ್ಚುವುದು ತುಂಬಾ ಪ್ರಯೋಜನಕಾರಿ. ಜೇನಿನ ಜೊತೆ ಗ್ಲಿಸರಿನ್ ಬೆರೆಸಿ ಹಚ್ಚಿ 10 ನಿಮಿಷದ ಬಳಿಕ ತಣ್ಣೀರಿನಿಂದ ತೊಳೆಯಬೇಕು.

5. ಬಾಳೆಹಣ್ಣು, ನಿಂಬೆರಸ ಮತ್ತು ಜೇನು ಮಿಶ್ರ ಮಾಡಿ ಹಚ್ಚುವುದರಿಂದ ತುಟಿಯು ಕೆಂಪು ಬಣ್ಣವನ್ನು ಪಡೆಯುತ್ತದೆ.

6. ಬಾದಾಮಿಯನ್ನು ನೀರಿನಲ್ಲಿ ನೆನೆ ಹಾಕಿ ಅದರಿಂದ ಪೇಸ್ಟ್ ಮಾಡಿ ಅದಕ್ಕೆ ಸ್ವಲ್ಪ ಮೊಸರು ಮತ್ತು ಜೇನು ಬೆರೆಸಿ ತುಟಿಗೆ ಹಚ್ಚಿ 5-10ನಿಮಿಷ ಬಿಡಬೇಕು. ನಂತರ ಮೊದಲು ಹಾಲಿನಿಂದ ನಂತರ ತಣ್ಣೀರಿನಿಂದ ತುಟಿಯನ್ನು ತೊಳೆಯ ಬೇಕು.

7. ದಾಳಿಂಬೆ ಜ್ಯೂಸ್ ಅಥವಾ ಸ್ಟ್ರಾಬರಿಯನ್ನು ತುಟಿಗೆ ಹಚ್ಚಿ ಸ್ವಲ್ಪ ಸಮಯದ ಬಳಿಕ ತಣ್ಣೀರಿನಿಂದ ತೊಳೆದುಬಾಮ್ ಅಥವಾ ಗ್ಲಿಸರಿನ್ ಹಚ್ಚಿದರೆ ತುಟಿ ಕೆಂಪು ಬಣ್ಣವನ್ನು ಕಳೆದು ಕೊಳ್ಳುವುದಿಲ್ಲ.

8. ತುಟಿಯನ್ನು ಹಾಗೆ ಒಣಗಲು ಬಿಡಬಾರದು. ಹಾಲು, ಕೆನೆ, ಜೇನು ಇವುಗಳನ್ನು ರಾತ್ರಿ ಮಲಗುವ ಮುಂಚೆ ತುಟಿಗೆ ಹಚ್ಚಿಕೊಂಡರೆ ತುಟಿ ಕಪ್ಪಾಗುವುದಿಲ್ಲ.