ಜೀನ್ಸ್ ಮತ್ತು ಟಿ ಶರ್ಟ್ ಗೆ ಸ್ಟೈಲಿಷ್ ಡ್ರೆಸ್ಸಿಂಗ್

Make Up

oi-Reena

By Hema S

Published: Tuesday, December 13, 2011, 12:19 [IST]

ಜೀನ್ಸ್ ಮತ್ತು ಟಿ ಶರ್ಟ್ ಧರಿಸುವುದು ಫ್ಯಾಷನ್. ಸ್ಟೈಲಿಷ್ ಲುಕ್ ಕೊಡುವ ಜೀನ್ಸ್ ಯವ ಜನಾಂಗದ ಪ್ರಿಯವಾದ ದಿರಿಸು. ಕಾಲೇಜು ಹೋಗುವಾಗ, ಫ್ರೆಂಡ್ಸ್ ಜೊತೆ ಹೋಗುವಾಗ ಲೋ ವೇಯಿಸ್ಟ್ ಜೀನ್ಸ್ ಪ್ಯಾಂಟ್ ಮತ್ತು ಟಿ ಶರ್ಟ್ ಧರಿಸಿ ಮಾಡರ್ನ್ ಆಗಿ ಕಾಣಲು ಇಷ್ಟಪಡುತ್ತಾರೆ. ಜೀನ್ಸ್ ಮತ್ತು ಟಿ ಶರ್ಟ್ ಧರಿಸಿ ಮತ್ತಷ್ಟು ಸ್ಟೈಲಿಷ್ ಆಗಿ ಕಾಣಬೇಕೆಂದು ಬಯಸುವವರು ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

1. ಸರ: ಜೀನ್ಸ್ ಪ್ಯಾಂಟ್ ಮತ್ತು ಟಿ ಶರ್ಟ್ ಧರಿಸಿ ದಪ್ಪ ಮಣಿಯಿರುವ ಉದ್ದದ ಮಾಲೆ ಅಥವಾ ಸರವನ್ನು ಧರಿಸಬೇಕು. ಕಪ್ಪು ಮತ್ತು ಬಿಳಿ ಮಣಿಯನ್ನು ಧರಿಸುವ ಫ್ಯಾಷನ್ ಕಡಿಮೆಯಾಗಿ ಈಗ ಬೆಳ್ಳಿ ಅಥವಾ ತಾಮ್ರ ಬಣ್ಣದ ದಪ್ಪ ಮಣಿಗಳನ್ನು ಧರಿಸುವುದು ಸ್ಟೈಲ್ ಆಗಿದೆ. ಮಣಿಗಳನ್ನು ಟಿ ಶರ್ಟ್ ಗೆ ಸರಿ ಹೊಂದುವ ಬಣ್ಣದ ಬದಲು ವಿರುದ್ಧ ಬಣ್ಣದ ಸರ ಧರಿಸಿ.

2. ಜಾಕೆಟ್: ಟಿ ಶರ್ಟ್ ಮತ್ತು ಜೀನ್ಸ್ ಧರಿಸಿ ಚಳಿಗಾಲ ಆಗಿರುವುದರಿಂದ ಅದರ ಮೇಲೆ ಜಾಕೆಟ್ ಧರಿಸಿದರೆ ಅದು ತುಂಬಾ ಸ್ಟೈಲಿಷ್ ಲುಕ್ ಕೊಡುತ್ತದೆ.

3. ಬ್ರಾಸ್ ಲೆಟ್: ತುಂಬಾ ಹುಡುಗಿಯರು ಬ್ರಾಸ್ ಲೆಟ್ ಧರಿಸುವುದನ್ನು ಇಷ್ಟಪಡುವುದಿಲ್ಲ. ಜೀನ್ಸ್ ಮತ್ತು ಟಿ ಶರ್ಟ್ ಜೊತೆ ಸರಳವಾದ ಬ್ರಾಸ್ ಲೆಟ್ ಹಾಕಿಕೊಂಡರೆ ಚೆನ್ನಾಗಿ ಕಾಣಿಸುತ್ತದೆ.

4. ಸ್ಕಾರ್ಫ್: ಟಿ ಶರ್ಟ್ ಗೆ ಹೊಂದುವ ಬಣ್ಣದ ಸ್ಕಾರ್ಫ್ ಧರಿಸಿದರೆ ಅಂತಹ ಡ್ರೆಸ್ಸಿಂಗ್ ಅನ್ನು ಎಲ್ಲರು ಇಷ್ಟಪಡುತ್ತಾರೆ. ಈ ರೀತಿ ಆಫೀಸ್ ಗೆ ಹೋಗುವಾಗ ಕೂಡ ಧರಿಸಬಹುದಾಗಿದ್ದು ಇದು ಫ್ರೊಫೆಷನಲ್ ಲುಕ್ ಕೂಡ ಕೊಡುತ್ತದೆ.

5. ಚಪ್ಪಲಿ: ಜೀನ್ಸ್ ಮತ್ತು ಟಿ ಶರ್ಟ್ ಧರಿಸಿರುವಾಗ ಅದಕ್ಕೆ ಹೊಂದುವ ರೀತಿಯ ಚಪ್ಪಲಿಯನ್ನು ಧರಿಸಬೇಕು. ಅಲ್ಲದಿದ್ದರೆ ಡ್ರೆಸ್ಸಿಂಗ್ ಬಗ್ಗೆ ಅಷ್ಟೇನು ತಿಳಿವಳಿಕೆಯಿಲ್ಲ ಎಂದು ಹಾಸ್ಯ ಮಾಡುತ್ತಾರೆ. ಜೀನ್ಸ್ ಮತ್ತು ಟಿ ಶರ್ಟ್ ಗೆ ಹೀಲ್ಡ್ ಅಥವಾ ಚಪ್ಪಟೆಯಾಗಿರುವ ಚಪ್ಪಲಿಗಳು ದೊರೆಯುತ್ತವೆ. ಪೆನ್ಸಿಲ್ ಟಿಪ್ ಶೂ, ಬೂಟ್ ಇವುಗಳು ಮಾಡರ್ನ್ ಲುಕ್ ನೀಡುತ್ತದೆ.