ಸುಮ್ಮನೆ ನಕ್ಕು ಬಿಡಿ ವಯಸ್ಸು ಕಾಣೋದಿಲ್ಲ..

Published: Tuesday, November 15, 2011, 16:13 [IST]

ಸೌಂದರ್ಯ ಹೆಚ್ಚಿಸಿಕೊಳ್ಳಲು ಫೇಸ್ ಲಿಫ್ಟ್ ಮಾಡಿಸಿಕೊಳ್ಳಬೇಕಿಲ್ಲ ಅಥವಾ ಕ್ರೀಂಗಳ ಮೊರೆ ಹೋಗಬೇಕಿಲ್ಲ. ಕೇವಲ ಸಣ್ಣದಾದ ಒಂದು ನಗೆ ನಿಮ್ಮ ಮುಖದ ಮೇಲಿದ್ದರೆ ಸಾಕು ನೀವು ನಿಮ್ಮ ವಯಸ್ಸಿಗಿಂತ ಚಿಕ್ಕವರಾಗಿ ಕಾಣಿಸುತ್ತೀರ ಎಂದಿದೆ ನೂತನ ಅಧ್ಯಯನ.

ಜರ್ಮನ್ ಸಂಶೋಧಕರ ಪ್ರಕಾರ, ನಗುವುದರಿಂದ ಹಲವು ವರ್ಷ ಚಿಕ್ಕವರಂತೆ ಕಾಣಬಹುದಂತೆ. ಯಾವಾಗಲೂ ಸಂತೋಷವಾಗಿದ್ದವರು ಆಕರ್ಷಕವಾಗಿಯೂ ಕಾಣುತ್ತಾರೆ ಬೇಕಾದರೆ ನೀವೇ ಪರೀಕ್ಷಿಸಿ ನೋಡಿ ಎಂದಿದ್ದಾರೆ.

ಎಲ್ಲಾ ವಯೋಮಿತಿಯವರನ್ನು ಒಳಗೊಂಡಿದ್ದ ಸುಮಾರು 1000 ಫೋಟೊಗಳನ್ನು 150 ಪುರುಷ ಮತ್ತು ಮಹಿಳೆಯರಿಗೆ ತೋರಿಸಿ ಫೋಟೊದಲ್ಲಿದ್ದವರ ವಯಸ್ಸನ್ನು ಗುರುತಿಸಲು ಹೇಳಲಾಯಿತು. ಇದರ ಫಲಿತಾಂಶ ಆಶ್ಚರ್ಯ ಉಂಟುಮಾಡಿತ್ತು.

ಮುಖದ ಹಾವಭಾವಗಳೂ ಕೂಡ ವಯಸ್ಸನ್ನು ಮರೆಮಾಚಿಸುತ್ತವೆ ಎಂದು ಇದರಿಂದ ತಿಳಿದುಬಂದಿದ್ದಾಗಿ ಸಂಶೋಧಕರು ತಿಳಿಸಿದ್ದಾರೆ.

ಅಷ್ಟೇ ಅಲ್ಲ, ತಮ್ಮದೇ ವಯೋಮಿತಿಯ ಪುರುಷರಿಗಿಂತ ಮಹಿಳೆಯರೇ 3-4 ವರ್ಷ ಚಿಕ್ಕವರಂತೆ ಗೋಚರಿಸಿರುವುದನ್ನೂ ಈ ಅಧ್ಯಯನ ತಿಳಿಸಿದೆ.