ಕಾಡುತಿಹಳು ಕಾಡಿಗೆ ಕಣ್ಣಿನ ಮೋಹಕ ಬೆಡಗಿ

Make Up

oi-Reena

By Hema S

Updated: Wednesday, August 1, 2012, 10:13 [IST]

ಕಾಜಲ್ ಅಥವಾ ಕಾಡಿಗೆ ಹಾಕದೆ ಮುಖಕ್ಕೆ ಎಷ್ಟೇ ಮೇಕಪ್ ಮಾಡಿದರೂ ಅದು ಅಪೂರ್ಣವಾಗಿ ತೋರುತ್ತದೆ, ಕಣ್ಣಿನ ಅಂದದ ಜೊತೆಗೆ ಮುಖದ ಲಕ್ಷಣವನ್ನೂ ಹೆಚ್ಚಿಸುವ ಕಾಡಿಗೆ ಕಣ್ಣಿನ ಸುತ್ತ ಹರಡಿದರೆ ಅದರ ಲುಕ್ ಹಾಳಾಗಿ ಕಣ್ಣಿನ ಸುತ್ತ ಕಪ್ಪು ಬಣ್ಣ ಕಂಡು ಬಂದು ಮುಖ ಡಲ್ಲಾಗಿ ಕಾಣುವುದು.

ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಕಣ್ಣಿನ ಸುತ್ತ ಕಾಜಲ್ ಹರಡದಂತೆ ಮಾಡಬಹುದು

1. ಕಾಜಲ್ ಹಚ್ಚುವುದಕ್ಕೆ ಮೊದಲು ಮುಖವನ್ನು ತೊಳೆದು ಚೆನ್ನಾಗಿ ಒರೆಸಬೇಕು.

2. ನಂತರ ಕಣ್ಣಿನ ಸುತ್ತ ಪೌಡರ್ ಹಚ್ಚ ಬೇಕು, ಇದು ಎಣ್ಣೆ ತ್ವಚೆಯು ಕಾಜಲ್ ಅನ್ನು ಹರಡದಂತೆ ತಡೆಯುವುದು.

3. ಕಾಜಲ್ ಅನ್ನು ಕೊಂಡುಕೊಳ್ಳುವಾಗ ವಾಟರ್ ಫ್ರೂಫ್ ಇರುವ ಕಜಲ್ ಒಳ್ಳೆಯದು.

4. ಕಾಜಲ್ ಅನ್ನು ಹಚ್ಚುವಾಗ ಕಣ್ಣಿನ ತುದಿಗೆ ಚಿಕ್ಕ ಲೈನ್ ಎಳೆದು ನಂತರ ಮಧ್ಯೆದಲ್ಲಿ ಗಾಢವಾಗಿ ಹಚ್ಚಬೇಕು.

5. ಕಾಜಲ್ ಕಣ್ಣಿನ ಸುತ್ತ ಹರಡಿದರೆ ಕಣ್ಣಿನ ಸುತ್ತ ಕಪ್ಪು ವರ್ತುಲ ಉಂಟಾದಂತೆ ಕಾಣುವುದು, ಆದ್ದರಿಂದ ಕಣ್ಣಿನ ತ್ವಚೆಯ ಮೇಲೆ ಲೈನರ್ ನಿಂದ ಚಿಕ್ಕ ಗೆರೆ ಎಳೆದು ಹಚ್ಚಬೇಕು, ಹೀಗೆ ಹಚ್ಚುವಾಗ ಕಣ್ಣಿನ ಒಳಭಾಗಕ್ಕೆ ಹಾಕಬಾರದು.

6. ಕಾಜಲ್ ಮತ್ತು ಲೈನರ್ ಅನ್ನು ಜೊತೆಯಾಗಿ ಬಳಸಬಹುದು. ಮೊದಲು ಕಾಜಲ್ ಹಚ್ಚಿ, ನಂತರ ಅದರ ಕೆಳಗೆ ಲೈನರ್ ಹಚ್ಚಿದರೆ ಕಾಜಲ್ ಹರಡುವುದಿಲ್ಲ, ನಂತರ ಅದರ ಕೆಳಗೆ ಪೌಡರ್ ಅನ್ನು ಹಚ್ಚ ಬೇಕು.

7. ಅಲ್ಲದಿದ್ದರೆ ಕಣ್ಣು ಕಪ್ಪು ಅನ್ನು ರಾತ್ರಿ ಮಲುಗುವಾಗ ಹಚ್ಚಿ ಮಲಗಿದರೆ ಬೆಳಗ್ಗೆ ಮೇಕಪ್ ಮಾಡುವಾಗ ಪುನಃ ಹಚ್ಚ ಬೇಕಾಗಿಲ್ಲ, ಅಲ್ಲದೆ ಕಾಜಲ್ ಹರಡುವುದಿಲ್ಲ.

8. ಒಂದು ವೇಳೆ ಐ ಲೈನರ್ ಮಾತ್ರ ಉಪಯೋಗಿಸುವುದಾದರೆ ಮಲುಗುವ ಮೊದಲು ಸ್ವಲ್ಪ ದಪ್ಪವಾಗಿ ಹಚ್ಚಿ ಮಲಗಿ, ಬೆಳಗ್ಗೆ ಮುಖ ತೊಳೆದಾಗಲೂ ಅದು ಹೋಗುವುದಿಲ್ಲ ಅಲ್ಲದೆ ನೋಡಲು ಕಾಜಲ್ ಲುಕ್ ಕೊಡುತ್ತದೆ.

ಈ ರೀತಿ ಕಣ್ಣಿಗೆ ಅಲಂಕಾರ ಮಾಡುವುದರಿಂದ ಕಣ್ಣಿನ ಅಂದ ಹೆಚ್ಚುವುದು, ಆಗಾಗ ಕರ್ಚೀಪ್ ಅಥವಾ ಟಿಶ್ಯು ಪೇಪರ್ ನಿಂದ ಕಣ್ಣಿನ ಕೆಳಗೆ ಒರೆಸುವುದರಿಂದ ಕಾಡಿಗೆ ಆಗಷ್ಟೆ ಹಚ್ಚಿದ ಹಾಗೆ ಕಾಣುತ್ತದೆ.