ಚೆಂದುಟಿ ಪಡೆಯಲು ಚಿಂತೆ ಮಾಡಬೇಕಿಲ್ಲ

Make Up

oi-Sumalatha

By Sumalatha

Published: Friday, September 30, 2011, 14:23 [IST]

ಚೆಂದುಟಿಯಿರಬೇಕೆಂದು ಯಾವ ಹೆಣ್ಣಿಗೆ ತಾನೆ ಇಷ್ಟವಿಲ್ಲ? ಪಿಂಕ್ ಲಿಪ್ಸ್ ಇದ್ದರೆ ಆಕರ್ಷಣೆ ಹೆಚ್ಚು. ಆದರೆ ಮೇಕಪ್ ಮತ್ತು ಕಾಸ್ಮೆಟಿಕ್ ತುಟಿಯನ್ನು ಯಾವಾಗಲೂ ಕೆಂಪಗಿರಿಸಲು ಸಾಧ್ಯವಿಲ್ಲ. ಆದ್ದರಿಂದ ತುಟಿ ಕೆಂಪಾಗಿಸುವ ನೈಸರ್ಗಿಕ ವಿಧಾನ ಅನುಸರಿಸಿದರೆ ಕೆಂದುಟಿ ನಿಮ್ಮದಾಗಿಸಿಕೊಳ್ಳಬಹುದು.

ತುಟಿ ಕೆಂಪಗಾಗಿಸುವ ನೈಸರ್ಗಿಕ ಮೇಕಪ್:

1. ಟೂಥ್ ಬ್ರಶ್: ತುಟಿ ಮೃದುಗೊಳ್ಳಬೇಕೆಂದರೆ ಹಳೆಯ ಮತ್ತು ಮೃದುವಾದ ಟೂಥ್ ಬ್ರಶ್ ನಿಂದ ಮೆತ್ತಗೆ ಉಜ್ಜಬೇಕು. ಇದರಿಂದ ತುಟಿಯ ಮೇಲಿದ್ದ ನಿರ್ಜೀವ ಮತ್ತು ಕಿತ್ತುಬಂದ ಚರ್ಮವನ್ನು ತೆಗೆಯಲು ಸಹಾಯವಾಗುತ್ತದೆ.

2. ಜೇನು: ಜೇನು ಮತ್ತು ಗುಲಾಬಿ ಪೇಸ್ಟ್ ನಿಂದ ತುಟಿಗೆ ಮೆತ್ತಗೆ ಮಸಾಜ್ ಮಾಡಿಕೊಳ್ಳುವುದರಿಂದ ತುಟಿ ಕೆಂಪಗಾಗುತ್ತದೆ.

3. ಕ್ಯಾರೆಟ್ ಬೀಟ್ ರೂಟ್: ತುಟಿಗೆ ಕ್ಯಾರೆಟ್ ಅಥವಾ ಬೀಟ್ ರೂಟ್ ರಸದಿಂದ ಅದ್ದಿದ ಹತ್ತಿಯನ್ನು ತುಟಿಯ ಮೇಲಿಟ್ಟುಕೊಂಡರೆ ಚೆಂದುಟಿ ನಿಮ್ಮದಾಗುತ್ತದೆ.

4. ಕಿತ್ತಳೆ ಸಿಪ್ಪೆ: ಕಿತ್ತಳೆ ಸಿಪ್ಪೆಯನ್ನು ಎಸೆಯಬೇಡಿ. ಇದನ್ನು ತುಟಿಯ ಮೇಲೆ ಉಜ್ಜಿದರೆ ತುಟಿಗಳು ಕೋಮಲವಾಗುತ್ತದೆ.

5. ಕೇಸರಿ, ತುಪ್ಪ: ಕೇಸರಿಯನ್ನು ತುಪ್ಪದೊಂದಿಗೆ ಬೆರೆಸಿ ತುಟಿ ಒಣಗಿದಂತಾಗಲೆಲ್ಲಾ ಹಚ್ಚಿಕೊಂಡರೆ ಬೇಗನೆ ಫಲಿತಾಂಶ ನೀಡುತ್ತದೆ.

6. ಐಸ್ ಕ್ಯೂಬ್: ಐಸ್ ಕ್ಯೂಬ್ ನಿಂದ ತುಟಿಯನ್ನು ಮಸಾಜ್ ಮಾಡಿಕೊಳ್ಳುತ್ತಿದ್ದರೆ ತುಟಿ ಮೃದುಗೊಳ್ಳುವುದರೊಂದಿಗೆ ತೇವಾಂಶವೂ ಇರುವಂತೆ ನೋಡಿಕೊಳ್ಳುತ್ತದೆ.

7. ಗುಲ್ಕನ್: ರೋಸ್ ಗುಲ್ಕನ್ ಕೇವಲ ತಿನ್ನಲು ಮಾತ್ರ ಸಿಹಿಯಾಗಿರುವುದಿಲ್ಲ. ತುಟಿ ಕೆಂಪೇರಿಸಲೂ ಬಳಸಬಹುದು. ಇದರಲ್ಲಿನ ಸಕ್ಕರೆ ಅಂಶ ನಿಮ್ಮ ತುಟಿಯನ್ನು ಹೆಚ್ಚು ಕಾಲ ಮೆತ್ತಗಿರುವಂತೆ ನೋಡಿಕೊಳ್ಳುತ್ತದೆ.