ಹಳೆಯ ಸೌಂದರ್ಯ ಸಾಧನವನ್ನು ಸೈಡಲ್ಲಿಡಿ...

Make Up

oi-Sumalatha N

By Sumalatha N

Published: Friday, September 9, 2011, 16:23 [IST]

ಬಣ್ಣ ಕಳೆದುಕೊಂಡ ಹಳೆಯ ಲಿಪ್ ಸ್ಟಿಕ್ ಅನ್ನು ನಿಮ್ಮ ತುಟಿಗಳಿಗೆ ರಂಗೇರಿಸಲು ಉಪಯೋಗಿಸುತ್ತಿದ್ದೀರಾ? ಹಾಗಾದರೆ ನೀವು ನಿಮ್ಮ ತುಟಿಯ ನೈಜ ಬಣ್ಣ ಕಳೆದುಕೊಳ್ಳುವುದು ಗ್ಯಾರಂಟಿ. ಹಳೆಯ ಮತ್ತು ಅವಧಿ ಮುಗಿದ ಮೇಕಪ್ ಸಾಮಾಗ್ರಿಗಳು ತ್ವಚೆಗೆ ಸೋಂಕನ್ನು ತರಬಹುದು.

ಬಣ್ಣ ಮಾಸಿರುವ ಲಿಪ್ ಸ್ಟಿಕ್, ಮಸ್ಕಾರ ಮತ್ತು ಐ ಪೆನ್ಸಿಲ್ ಗಳು ಅಪಾಯಕಾರಿ ಬ್ಯಾಕ್ಟೀರಿಯಾಗಳನ್ನು ಬಿಡುಗಡೆ ಮಾಡಿ, ಇದನ್ನು ಹಚ್ಚಿಕೊಂಡರೆ ಚರ್ಮದ ಮೇಲೆ ಕೆಟ್ಟ ಪರಿಣಾಮ ಉಂಟುಮಾಡುತ್ತದೆ.

ಎಲ್ಲಾ ಕಾಸ್ಮೆಟಿಕ್ ಗಳ ಮೇಲೂ ಅವುಗಳ ಅವಧಿಯನ್ನು (ಎಕ್ಸ್ ಪೈರಿ ಡೇಟ್) ನೀಡಲಾಗಿರುತ್ತೆ. ಆದರೆ 89 ಶೇಕಡಾ ಮಹಿಳೆಯರು ಇದರ ಅರಿವಿಲ್ಲದೆಯೇ ಅಥವಾ ಅರಿವಿದ್ದೇ ಹಳೆಯ ಕಾಸ್ಮೆಟಿಕ್ ಗಳನ್ನು ಉಪಯೋಗಿಸುತ್ತಾರೆ ಎಂದು ಸಮೀಕ್ಷೆಯೊಂದು ವರದಿ ಮಾಡಿದೆ.

ಮೂವರಲ್ಲಿ ಇಬ್ಬರು ಮಹಿಳೆಯರು ಕೇವಲ ತಮ್ಮ ಸೌಂದರ್ಯ ಸಾಮಾಗ್ರಿಗಳು ಖಾಲಿಯಾದ ಬಳಿಕವಷ್ಟೇ ಮತ್ತೊಂದನ್ನು ಕೊಂಡುಕೊಳ್ಳುತ್ತಾರೆ. ಸಾಮಾನ್ಯವಾಗಿ ಮಹಿಳೆಯರು ಯಾವುದೇ ವಸ್ತುಗಳನ್ನು ಎಸೆಯಲು ಹಿಂಜರಿಯುತ್ತಾರೆ. ಅದು ಸೌಂದರ್ಯ ಸಾಮಾಗ್ರಿಗಳಿಗೂ ಅನ್ವಯಿಸುತ್ತದೆ.

ಹೆಚ್ಚು ಹಣ ಕೊಟ್ಟು ಖರೀದಿಸಿದ ಸಾಮಾಗ್ರಿಗಳನ್ನು ಯಾರಿಗೆ ತಾನೆ ಎಸೆಯಲು ಮನಸ್ಸಾಗುತ್ತದೆ? ಇಂತಹ ಸಂದರ್ಭದಲ್ಲಿ ಹಳೆಯ ಕಾಸ್ಮೆಟಿಕ್ ಗಳನ್ನು ಕೈ ಕಾಲುಗಳಿಗೆ ಬಳಸಿದರೆ ತೊಂದರೆಯಿಲ್ಲ. ನೀವು ತೊಂದರೆ ಅನುಭವಿಸಲು ಸಿದ್ಧವಿದ್ದರೆ ಮಾತ್ರ ಇಂತಹ ಸೌಂದರ್ಯ ಸಾಮಾಗ್ರಿಗಳನ್ನು ಮುಖಕ್ಕೆ ಉಪಯೋಗಿಸಬಹುದು.