ಕಾಸ್ಮೆಟಿಕ್ ಇಲ್ಲದ ನ್ಯಾಚುರಲ್ ಮೇಕಪ್

Make Up

oi-Sumalatha N

By Sumalatha N

Published: Saturday, August 13, 2011, 19:41 [IST]

ಯಾವುದೇ ಕಾಸ್ಮೆಟಿಕ್ ಬಳಕೆ ಮಾಡದೆ ಮೇಕಪ್ ಮಾಡಿಕೊಳ್ಳಬಹುದ? ಹೌದು. ಇದು ಸಾಧ್ಯವಿದೆ. ಕಾಸ್ಮೆಟಿಕ್ ಬದಲಾಗಿ ನೈಸರ್ಗಿಕ ಸಾಮಾಗ್ರಿಗಳನ್ನು ಉಪಯೋಗಿಸಿಕೊಂಡು ಮೇಕಪ್ ಮಾಡಿಕೊಳ್ಳಬಹುದು. ಕಾಸ್ಮೆಟಿಕ್ ಗಳಂತೆ ಯಾವುದೇ ಅಡ್ಡ ಪರಿಣಾಮವಿಲ್ಲದ ಈ ವಿಧಾನ ನಿಮ್ಮನ್ನು ಇನ್ನಷ್ಟು ಸುಂದರವಾಗಿ ಕಾಣುವಂತೆ ಮಾಡುತ್ತೆ.

1. ಪೌಡರ್ ಬದಲಾಗಿ ಗಂಧ: ಗಂಧದ ಪುಡಿ ಪೌಡರ್, ಫೌಂಡೇಷನ್, ಕಾಂಪಾಕ್ಟ್ ಎಲ್ಲಕ್ಕಿಂತ ಹೆಚ್ಚಿನ ಗೌರವರ್ಣ ನೀಡುತ್ತೆ. ಗಂಧದ ಪುಡಿಯನ್ನು ತೆಳುವಾಗಿ ಪೇಸ್ಟ್ ನಂತೆ ಕಲೆಸಿ ಮುಖಕ್ಕೆ ಮತ್ತು ಕುತ್ತಿಗೆಯ ಭಾಗಕ್ಕೆ ಲೇಪಿಸಬೇಕು. ಅದು ಒಣಗಿದ ನಂತರ ಅದನ್ನು ಒರೆಸಿಕೊಂಡುಬಿಡಬೇಕು. ಈಗ ನಿಮ್ಮ ಮುಖ ತಾಜಾ ಮತ್ತು ಹೊಳಪುಭರಿತವಾಗಿರುತ್ತದೆ.

2. ಐಸ್ ಕ್ಯೂಬ್: ನೀವು ತುಂಬಾ ಸುಸ್ತಾಗಿರುವುದು ನಿಮ್ಮ ಮುಖದ ಮೇಲೆ ಎದ್ದು ಕಾಣುತ್ತಿದ್ದರೆ ಐಸ್ ಕ್ಯೂಬ್ ನಿಂದ ಮುಖದ ಮೇಲೆ ಉಜ್ಜಿಕೊಳ್ಳಬೇಕು. ಆಗ ತ್ವಚೆ ಧೂಳು ಕೊಳೆಯಿಂದ ಮುಕ್ತವಾಗಿ ಹೆಚ್ಚುಕಾಲ ತಾಜಾ ಕಾಣುವಂತೆ ಮಾಡುತ್ತದೆ. ಇದರಿಂದ ಮುಖದ ಸ್ನಾಯುಗಳೂ ಸುಧಾರಿಸುತ್ತವೆ.

3. ನೈಸರ್ಗಿಕ ಫೌಂಡೇಶನ್: ನೈಸರ್ಗಿಕವಾದ ಫೌಂಡೇಶನ್ ತಯಾರಿಸಿಕೊಳ್ಳಲು 25 ಮಿಲಿ ಅಲೊವೆರ ಜೆಲ್, 50 ಮಿಲಿ ಜೊಜೊಬಾ ಎಣ್ಣೆ, 1\3 ಚಮಚ ಜೇನಿನ ಮೇಣ (ಬೀಸ್ ವ್ಯಾಕ್ಸ್), ಒಂದು ಚಮಚ ರೋಸ್ ವಾಟರ್ ಇಟ್ಟುಕೊಳ್ಳಬೇಕು. ಬಾಣಲೆಯನ್ನು ಕಾಯಿಸಿ ಅದಕ್ಕೆ ಬೀಸ್ ವ್ಯಾಕ್ಸ್ ಹಾಕಬೇಕು. ಅದು ಕರಗಲು ಆರಂಭವಾಗುತ್ತಿದ್ದಂತೆ ಕೆಳಗಿಳಿಸಬೇಕು. ನಂತರ ಎಲ್ಲ ಪದಾರ್ಥಗಳನ್ನು ಅದಕ್ಕೆ ಮಿಶ್ರಣ ಮಾಡಬೇಕು. ಅದು ತಣ್ಣಗಾದ ನಂತರ ನೈಸರ್ಗಿಕ ಫೌಂಡೇಶನ್ ತಯಾರಾಗಿರುತ್ತದೆ. ಇದು ನಿಮ್ಮ ತ್ವಚೆಯ ಆರೋಗ್ಯಕ್ಕೂ ಅಷ್ಟೇ ಒಳ್ಳೆಯದು.

4. ಲಿಪ್ ಸ್ಟಿಕ್: ಒಂದು ಚಮಚ ಬೀಸ್ ವ್ಯಾಕ್ಸ್ ತೆಗೆದುಕೊಂಡು ಅದಕ್ಕೆ ಸ್ವಲ್ಪ ಬೀಟ್ ರೂಟ್ ಮಿಶ್ರಣ ಮಾಡಬೇಕು. ಮೇಣ ಕರಗುತ್ತಿದ್ದಂತೆ ಕೆಳಗೆ ಇಳಿಸಿ ಅದರ ಬಿಸಿ ಆರುವ ತನಕ ಕಾಯಬೇಕು. ಈಗ ಕೆಂಪು ಲಿಪ್ ಸ್ಟಿಕ್ ರೆಡಿಯಾಗಿದೆ. ಇದನ್ನೇ ಐಶ್ಯಾಡೋಗೂ ಕೂಡ ಬಳಸಬಹುದು. ಇದು ಅಡ್ಡಪರಿಣಾಮಗಳನ್ನು ಉಂಟುಮಾಡುವ ಕಾಸ್ಮೆಟಿಕ್ ಗಳಿಗಿಂತ ಎಷ್ಟೋ ಪಟ್ಟು ಉತ್ತಮ.