ಬಾಳೆಹಣ್ಣಿನ ಸಿಪ್ಪೆ ಹೆಚ್ಚಿಸುತ್ತೆ ನಿಮ್ಮ ಸೌಂದರ್ಯ, ಹೇಗೆ ಬಳಸಬೇಕು?

1. ಬಾಳೆಹಣ್ಣಿನ ಸಿಪ್ಪೆಯಿಂದ ರಬ್‌ ಮಾಡುವುದು

ಬಾಳೆಹಣ್ಣಿನ ಸಿಪ್ಪೆ ಬಳಸುವ ಸರಳವಾದ ವಿಧಾನ ಇದಾಗಿದೆ. ಈ ರೀತಿ ವಾರದಲ್ಲಿ 3-4 ಬಾರಿ ಮಾಡಿದರೆ ನೆರಿಗೆ ತಡೆಗಟ್ಟಬಹುದು. ಇನ್ನು ನಿಮ್ಮದು ಒಣ ತ್ವಚೆಯಾಗಿದ್ದರೆ ತುಂಬಾನೇ ಒಳ್ಳೆಯದು. ಚಳಿಗಾಲದಲ್ಲಿ ತ್ವಚೆ ಒಡೆಯುವುದನ್ನು ತಡೆಗಟ್ಟಲು ಸಹಕಾರಿ.

ಬಾಳೆಹಣ್ಣಿನ ಸಿಪ್ಪೆಯನ್ನು ಮುಖಕ್ಕೆ ಉಜ್ಜುವ ಮೊದಲಿಗೆ ಮುಖವನ್ನು ತೊಳೆದು ನಂತರ ಉಜ್ಜಿ 10 ನಿಮಿಷ ಬಿಟ್ಟು ಉಗುರು ಬೆಚ್ಚಗಿನ ನೀರಿನಿಂದ ಮುಖ ತೊಳೆಯಿರಿ.

2. ಬಾಳೆಹಣ್ಣಿನ ಸಿಪ್ಪೆಯ ಮಾಸ್ಕ್

* ಸಿಪ್ಪೆ ಸಹಿತ 1/2 ಬಾಳೆಹಣ್ಣನ್ನು ಚಿಕ್ಕದಾಗಿ ಕತ್ತರಿಸಿ ಮಿಕ್ಸಿಯಲ್ಲಿ ರುಬ್ಬಿ.

* ಇದಕ್ಕೆ 1 ಚಮಚ ಜೇನು ಅಥವಾ ಮೊಸರು ಸೇರಿಸಿ ಮಿಕ್ಸ್ ಮಾಡಿ.

* ನೀವು ರೋಸ್‌ ವಾಟರ್ ಬೇಕಿದ್ದರೆ ಸೇರಿಸಬಹುದು.

* ನಂತರ ಮುಖ, ಕುತ್ತಿಗೆ ಭಾಗಕ್ಕೆ ಹಚ್ಚಿ 15 ನಿಮಿಷ ಬಿಡಿ.

* ಬಳಿಕ ಹದ ಬಿಸಿ ನೀರಿನಿಂದ ಮುಖ ತೊಳೆಯಿರಿ.

3. ಬಾಳೆಹಣ್ಣಿನ ಸಿಪ್ಪೆಯ ಸ್ಕ್ರಬ್ಬರ್

* ಒಂದು ಬೌಲ್‌ನಲ್ಲಿ ಬಾಳೆಹಣ್ಣಿನ ಸಿಪ್ಪೆಯನ್ನು ಚಿಕ್ಕದಾಗಿ ಕತ್ತರಿಸಿ ಹಾಕಿ.

* ಈಗ 1 ಚಮಚ ಸಕ್ಕರೆ ಹಾಗೂ 1 ಚಮಚ ಅರಿಶಿಣ ಪುಡಿ ಸೇರಿಸಿ.

* ಈಗ ಈ ಪೇಸ್ಟ್‌ನಿಂದ ಮುಖವನ್ನು 5 ನಿಮಿಷ ಸ್ಕ್ರಬ್ ಮಾಡಿ.

* ಉಗುರು ಬೆಚ್ಚಗಿನ ನೀರಿನಲ್ಲಿ ತೊಳೆಯಿರಿ.

ಈ ರೀತಿ ವಾರದಲ್ಲಿ 3-4 ಬಾರಿ ಬಳಸುವುದು ಒಳ್ಳೆಯದು.

4. ಕಣ್ಣಿನ ಕೆಳಗಡೆ ಕಪ್ಪು ಕಲೆ ಹೋಗಲಾಡಿಸಲು

ಕಣ್ಣಿನ ಕೆಲಗಡೆ ಕಪ್ಪು ಕಲೆ ಬಿದ್ದಿದ್ದರೆ ನೀವು ರಿಲ್ಯಾಕ್ಸ್ ಆಗಿ ಕೂತಾಗ ಬಾಳೆಹಣ್ಣಿನ ಸಿಪ್ಪೆಯನ್ನು ಕಣ್ಣಿನ ಮೇಲೆ ಇಟ್ಟು ವಿಶ್ರಮಿಸಿ. ಇಲ್ಲದಿದ್ದರೆ ಅದನ್ನು ಅರಿದು ಕಣ್ಣಿನ ಕೆಳಭಾಗ ಕ್ರೀಮ್ ರೀತಿ ಹಚ್ಚಿ 15 ನಿಮಿಷ ಬಿಟ್ಟು ತೊಳೆಯಿರಿ. ಹೀಗೆ ಪ್ರತಿದಿನ ಮಾಡಿದರೆ ಕಪ್ಪು ಕಲೆ ಮಾಯವಾಗುವುದು.