ಕೂದಲು ಉದುರುವುದನ್ನು ತಡೆಗಟ್ಟಲು ಕರಿ ಜೀರಿಗೆ ಹೇಗೆ ಬಳಸಬೇಕು?

ಕೂದಲು ಉದುರುವುದು ಬಹುತೇಕರ ಸಮಸ್ಯೆಯಾಗಿದೆ, ವಯಸ್ಕರು, ವಯಸ್ಸಾದವರು ಎನ್ನದೆ ಎಲ್ಲರಿಗೂ ಕೂದಲು ಉದುರುವ ಸಮಸ್ಯೆ ಕಂಡು ಬರುತ್ತಿದೆ, ಅನೇಕ ಕಾರಣಗಳಿಂದಾಗಿ ಕೂದಲು ಉದುರುವ ಸಮಸ್ಯೆ ಕಂಡು ಬರುತ್ತಿದೆ. ವಾಯುಮಾಲಿನ್ಯ, ಪೋಷಕಾಂಶದ ಕೊರತೆ, ಅನಾರೋಗ್ಯದ ಸಮಸ್ಯೆ ಹೀಗೆ ಅನೇಕ ಕಾರಣಗಳಿಂದಾಗಿ ಕೂದಲು ಉದುರಬಹುದು.

ಅನಾರೋಗ್ಯದ ಕಾರಣ ಹೊರತುಪಡಿಸಿ ಇತರ ಕಾರಣಗಳಿಂದಾಗಿ ನಿಮ್ಮ ಕೂದಲು ಉದುರುತ್ತಿದ್ದರೆ ಅದಕ್ಕೆ ಕರಿಜೀರಿಗೆಯ ಎಣ್ಣೆ ಬಳಸಿದರೆ ನೀವು ಉತ್ತಮ ಫಲಿತಾಂಶ ಪಡೆಯಬಹುದು. ಕರಿ ಜೀರಿಗೆಯನ್ನು ಕೂದಲು ಉದುರುವುದನ್ನು ತಡೆಗಟ್ಟಲು ಹೇಗೆ ಬಳಸಬೇಕು ಎಂದು ನೋಡೋಣ:

ಕರಿಜೀರಿಗೆ
ಹಳ್ಳಿಗಳಲ್ಲಿ, ತೋಟಗಳಲ್ಲಿ ಕರಿಜೀರಿಗೆ ಗಿಡ ಅದಾಗಿಯೇ ಹುಟ್ಟಿಕೊಂಡಿರುತ್ತದೆ, ನೋಡಲು ಕಪ್ಪು ಬಣ್ಣದಲ್ಲಿರುವ ಇದು ತುಂಬಾ ಕಹಿ, ಇದನ್ನು ಹೊಟ್ಟೆನೋವಿಗೆ, ಬಾಣಂತಿಗೆ ಇತರ ಆರೋಗ್ಯ ಸಮಸ್ಯೆ ಮನೆಮದ್ದಾಗಿ ಬಳಸಲಾಗುವುದು. ಕರಿಜೀರಿಗೆ ನಿಮಗೆ ಆಯುರ್ವೇದ ಅಂಗಡಿಗಳಲ್ಲಿಯೂ ದೊರೆಯುತ್ತದೆ.

ಕರಿಜೀರಿಗೆ ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು ಹೇಗೆ?
* ಇದರಲ್ಲಿ ಕಬ್ಬಿಣದಂಶ, ಸತು, ವಿಟಮಿನ್ ಎ, ವಿಟಮಿನ್ ಇ ಇರುವುದರಿಂದ ಕೂದಲಿನ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು
* ತಲೆಬುಡದಲ್ಲಿ ಫಂಗಲ್ ಮುಂತಾದ ಸಮಸ್ಯೆ ಉಂಟಾಗುವುದನ್ನು ತಡೆಗಟ್ಟಿ ಕೂದಲಿನ ಆರೋಗ್ಯ ಬುಡ ಗಟ್ಟಿಯಾಗುವಂತೆ ಮಾಡುತ್ತದೆ
* ಕೂದಲಿನ ಹೊಳಪು ಹೆಚ್ಚಿಸುವುದು
* ಕೂದಲು ಸೊಂಪಾಗಿ ಬೆಳೆಯಬೇಕೆಂದರೆ ಇದನ್ನು ಕೆಲವು ತಿಂಗಳುಗಳ ಕಾಲ ಬಳಸುತ್ತಾ ಬಂದರೆ ಕೂದಲು ಮಂದವಾಗುವುದು

ಕರಿಜೀರಿಗೆಯನ್ನು ಕೂದಲಿನ ಆರೋಗ್ಯ ವೃದ್ಧಿಸಲು ಹೇಗೆ ಬಳಸಬಹುದು
ನೀವು ಕರಿಜೀರಿಗೆಯ ಎಣ್ನೆ ಮಾಡ ಬಳಸಹುದು
ಬೇಕಾಗುವ ಸಾಮಗ್ರಿ ತೆಂಗಿನೆಣ್ಣೆ1/4 ಲೀಟರ್
2 ಚಮಚ ಕರಿ ಜೀರಿಗೆ
2 ಚಮಚ ಮೆಂತೆ
2 ನೆಲ್ಲಿಕಾಯಿ
ಚಿಕ್ಕ ಈರುಳ್ಳಿ 2
ಕರಿಬೇವು
ಮಾಡುವ ವಿಧಾನ: ಮೊದಲಿಗೆ ಒಂದು ಚಮಚ ಎಣ್ಣೆ ಹಾಕಿ ಆ ಎಣ್ಣೆಗೆ ಕರಿಜೀರಿಗೆ, ನೆಲ್ಲಿಕಾಯಿ, ಈರುಳ್ಳಿ, ಮೆಂತೆ, ಕರಿಬೇವು ಎಲ್ಲಾ ಮೆಲ್ಲನೆ ಫ್ರೈ ಮಾಡಿ, ರುಳ್ಳಿಯ ಹಸಿ ವಾಸನೆ ಸಂಪೂರ್ಣ ಹೋಗಬೇಕು ಹಾಗೆ ಫ್ರೈ ಮಾಡಬೇಕು, ನಂತರ ಎಣ್ಣೆ ಹಾಕಿ ಕಾಯಿಸಿ, ಆ ಎಣ್ಣೆಯನ್ನು ವಾರದಲ್ಲಿ 3 ಬಾರಿ ಬಳಸುತ್ತಾ ಬರುವುದರಿಂದ ಕೂದಲಿನ ಬುಡ ಬಲವಾಗುವುದು.

ಮತ್ತೊಂದು ರೆಸಿಪಿ
ತೆಂಗಿನೆಣ್ಣೆ
ಕರಿಜೀರಿಗೆ
ನೀವು ತೆಂಗಿನೆಣ್ಣೆಗೆ ಕರಿ ಜೀರಿಗೆ ಹಾಕಿ ಅದಕ್ಕೆ ಬ್ರಾಹ್ಮಿ, ಭೃಂಗರಾಜ ಈ ರೀತಿ ಕೂದಲಿನ ಆರೋಗ್ಯ ವೃದ್ಧಿಸುವ ಗಿಡಮೂಲಿಕೆಗಳನ್ನು ಹಾಕಿ ಕಾಯಿಸಿ ಅದನ್ನು ಕೂಡ ಬಳಸಬಹುದು.

ಕರಿ ಜೀರಿಗೆಯ ಮಾಸ್ಕ್
ಕೂದಲು ಉದುರುವುದು ತಡೆಗಟ್ಟಲು ಕರಿ ಜೀರಿಗೆಯ ಹೇರ್‌ ಮಾಸ್ಕ್‌ ಬಳಸಬಹುದು. ಕರಿ ಜೀರಿಗೆಯನ್ನು ಪುಡಿ ಮಾಡಿ ಅದಕ್ಕೆ ಮೊಟ್ಟೆಯ ಬಿಳಿ ಹಾಕಿ ಪೇಸ್ಟ್‌ ರೀತಿ ಮಾಡಿ ಅದನ್ನು ಕೂದಲಿನ ಬುಡಕ್ಕೆ ಹಚ್ಚಿ ಅರ್ಧ ಗಂಟೆ ಬಿಟ್ಟು ತಣ್ಣೀರು ಅಥವಾ ಹದ ಬಿಸಿ ನೀರಿನಿಂದ ತಲೆ ತೊಳೆಯಿರಿ. ಹೀಗೆ ಮಾಡುವುದರಿಂದ ಕೂದಲಿನ ಬುಡ ಬಲವಾಗುವುದು, ಕೂದಲು ಉದುರುವುದು ಕಡಿಮೆಯಾಗುವುದು.