ಚಳಿಗಾಲದಲ್ಲಿ ಕಾಡುವ ತಲೆ ಹೊಟ್ಟಿನ ಸಮಸ್ಯೆ ತಡೆಗಟ್ಟಬೇಕೆ?

ಚಳಿಗಾಲದಲ್ಲಿ ತಲೆಹೊಟ್ಟು ತಡೆಗಟ್ಟಲು ಟಿಪ್ಸ್

* ವಾರದಲ್ಲಿ ಎರಡು ಬಾರಿ ಶುದ್ಧ ತೆಂಗಿನೆಣ್ಣೆ ಬಿಸಿ ಮಾಡಿ, ಅದನ್ನು ತಲೆ ಬುಡಕ್ಕೆ ಕೈಯಿಂದ ಅಥವಾ ಕಾಟನ್‌ನಲ್ಲಿ ಅದ್ದಿ ಹಚ್ಚಿ, ತುಂಬಾ ಬಿಸಿ ಎಣ್ಣೆ ಹಾಕಬೇಡಿ, ಕೈಯಲ್ಲಿ ಮುಟ್ಟುವಾಗ ಸ್ವಲ್ಪ ಬಿಸಿ ಇರಬೇಕು, ಇಲ್ಲದಿದ್ದರೆ ನೆತ್ತಿ ಸುಡುತ್ತದೆ.

* ಎಣ್ಣೆ ಹಚ್ಚಿದ ಬಳಿಕ ಟವಲ್ ಅನ್ನು ಬಿಸಿ ನೀರಿನಲ್ಲಿ ಅದ್ದಿ, ಅದನ್ನು ಹಿಂಡಿ ತಲೆಗೆ ಸುತ್ತಿ, ಇದರಿಂದ ಕೂದಲಿನ ಬುಡ ಎಣ್ಣೆಯನ್ನು ಹೀರಿಕೊಳ್ಳುವುದು, ಇದರಿಂದ ತಲೆಹೊಟ್ಟು ಕಡಿಮೆಯಾಗುವುದು, ಕೂದಲಿನ ಬುಡ ಬಲವಾಗುವುದು.

* ಈ ಹಾಟ್‌ ಟವಲ್ ಟ್ರೀಟ್ಮೆಂಟ್ ಎರಡರಿಂದ ಮೂರು ಬಾರಿ ಮಾಡಿ.

* ನಂತರ ತಲೆಯಲ್ಲಿ ಎಣ್ಣೆಯನ್ನು ಹಾಗೆಯೇ ಒಂದು ರಾತ್ರಿ ಬಿಡಿ.

ನಂತರ ತಲೆ ಬುಡಕ್ಕೆ ನಿಂಬೆರಸ ಹಚ್ಚಿ 20 ನಿಮಿಷದ ಬಳಿಕ ಸ್ನಾನ ಮಾಡಿ.

* ಸ್ನಾನ ಮಾಡಿದ ಬಳಿಕ 2 ಚಮಚ ಆ್ಯಪಲ್ ಸಿಡರ್ ವಿನೆಗರ್ ಅನ್ನು ಮಗ್‌ಗೆ ಹಾಕಿ ಕೊನೆಗೆ ತಲೆಗೆ ಸುರಿದು ಕೂದಲು ಒರೆಸಿ.

ಈ ರೀತಿ ಎರಡು ಬಾರಿ ಮಾಡಿದರೆ ಕೂದಲು ಉದುರುವುದು ಕಡಿಮೆಯಾಗುವುದು.

ಕೂದಲಿಗೆ ಈ ಬಗೆಯ ಕಂಡೀಷನರ್ ಒಳ್ಳೆಯದು

* ಶ್ಯಾಂಪೂ ಹಚ್ಚಿದ ಬಳಿಕ ಕ್ರೀಮಿ ಕಂಡೀಷನರ್ ಬಳಸುವುದು ಕೂದಲಿಗೆ ತುಂಬಾ ಒಳ್ಳೆಯದು.

* ಕಂಡೀಷನರ್ ಹಚ್ಚಿ ಒಂದೆರಡು ನಿಮಿಷ ಬಿಟ್ಟು ತಲೆ ತೊಳೆಯಿರಿ.

* ಕೂದಲು ತುಂಬಾ ಡ್ರೈಯಾಗಿದ್ದರೆ ಹೇರ್‌ ಕಂಡೀಷನರ್ ತುಂಬಾ ತೊಳೆಯಬೇಡಿ.

* ಲೀವ್ ಆನ್‌ ಕಂಡೀಷನರ್ ಬಳಸಬಹುದು.

ಕೂದಲಿಗೆ ಈ ಬಗೆಯ ಕಂಡೀಷನರ್ ಒಳ್ಳೆಯದು

* ಶ್ಯಾಂಪೂ ಹಚ್ಚಿದ ಬಳಿಕ ಕ್ರೀಮಿ ಕಂಡೀಷನರ್ ಬಳಸುವುದು ಕೂದಲಿಗೆ ತುಂಬಾ ಒಳ್ಳೆಯದು.

* ಕಂಡೀಷನರ್ ಹಚ್ಚಿ ಒಂದೆರಡು ನಿಮಿಷ ಬಿಟ್ಟು ತಲೆ ತೊಳೆಯಿರಿ.

* ಕೂದಲು ತುಂಬಾ ಡ್ರೈಯಾಗಿದ್ದರೆ ಹೇರ್‌ ಕಂಡೀಷನರ್ ತುಂಬಾ ತೊಳೆಯಬೇಡಿ.

* ಲೀವ್ ಆನ್‌ ಕಂಡೀಷನರ್ ಬಳಸಬಹುದು.

ಕೂದಲಿನ ಆರೈಕೆಗೆ ಮನೆಮದ್ದು

ಕೂದಲಿನ ಹೇಗೆ ಆರೈಕೆ ಮಾಡಬೇಕು ಎಂಬುವುದು ತಿಳಿದರೆ ಕೂದಲಿನ ಆರೋಗ್ಯ ತುಂಬಾನೇ ಚೆನ್ನಾಗಿರುತ್ತದೆ. ಕೂದಲಿನ ಆರೈಕೆಗೆ ಈ ಮನೆಮದ್ದುಗಳು ಸಹಕಾರಿ

* ಕೂದಲು ಸೊಂಪಾಗಿ ಬೆಳೆಯಲು

ಒಂದು ಕಪ್‌ಗೆ ಸ್ವಲ್ಪ ಹಾಲು ಹಾಕಿ ಅದಕ್ಕೆ ಮೊಟ್ಟೆ ಹಾಕಿ ಚೆನ್ನಾಗಿ ಕದಡಿ, ನಂತರ ತಲೆ ಬುಡಕ್ಕೆ ಹಚ್ಚಿ 5 ನಿಮಿಷ ಬಿಟ್ಟು ತಲೆ ತೊಳೆಯಿರಿ. ಈ ರೀತಿ ವಾರದಲ್ಲಿ ಎರಡು ಬಾರಿ ಮಾಡಿ.

ಮೊಟ್ಟೆ ತಲೆಗೆ ಹಾಕಿದರೆ ತುಂಬಾನೇ ಚೆನ್ನಾಗಿ ತೊಳೆಯಬೇಕು, ಇಲ್ಲದಿದ್ದರೆ ಕೂದಲು ದುರ್ವಾಸನೆ ಬೀರುವುಉದ, ಹಾಗಂತ ಕೆಮಿಕಲ್ ಅಧಿಕವಿರುವ ಶ್ಯಾಂಪೂ ಬಳಸಬೇಡಿ, ಮೈಲ್ಡ್ ಶ್ಯಾಂಪೂ ಬಳಸಿ.

ಕೂದಲು ಕವಲೊಡೆಯುತ್ತಿದ್ದರೆ

ನಿಮ್ಮ ಕೂದಲಿನ ಕವಲೊಡೆಯುತ್ತಿದ್ದರೆ ಒಂದು ಬೌಲ್‌ಗೆ 1 ಚಮಚ ಎಣ್ಣೆ, 1 ಚಮಚ ಗ್ಲಿಸರಿನ್, 1 ಮೊಟ್ಟೆಯ ಹಳದಿ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ, ಕೂದಲಿನ ತುದಿಗೆ ಹಚ್ಚಿ. ನಿಮ್ಮ ಕೂದಲು ಉದ್ದವಿದ್ದರೆ ಸ್ವಲ್ಪ ಅಧಿಕ ಎಣ್ಣೆ ಬಳಸಿ, ನಂತರ 30 ನಿಮಿಷದ ಬಳಿಕ ತಲೆ ತೊಳೆಯಿರಿ. ಈ ರೀತಿ ವಾರದಲ್ಲಿ 2 ಬಾರಿ ಮಾಡಿ, ಕೂದಲು ಕವಲೊಡೆಯುವುದಿಲ್ಲ ಅಲ್ಲದೆ ಕೂದಲಿನ ಹೊಳಪು ಹೆಚ್ಚುವುದು.

ಕೂದಲು ಮಂದವಾಗಿ ಕಾಣಲು

ಒಂದು ಚಮಚ ಹರಳೆಣ್ಣೆಗೆ, 1 ಚಮಚ ತೆಂಗಿನೆಣ್ಣೆ ಮಿಶ್ರ ಮಾಡಿ ಆ ಎಣ್ಣೆಯನ್ನು ಬಿಸಿ ಮಾಡಿ ತಲೆ ಬುಡಕ್ಕೆ ಹಚ್ಚಿ ರಾತ್ರಿ ಹಾಗೇ ಬಿಟ್ಟು, ಬೆಳಗ್ಗೆ ತಲೆ ತೊಳೆಯಿರಿ. ಹೀಗೆ ಮಾಡುವುದರಿಂದ ಅಕಾಲಿಕ ನೆರೆ ಕೂದಲು ತಡೆಗಟ್ಟಬಹುದು ಅಲ್ಲದೆ ಕೂದಲು ಮಂದವಾಗಿ ಬೆಳೆಯುವುದು.

ಇತರ ಕೆಲ ಟಿಪ್ಸ್

ಚಳಿಗಾಲದಲ್ಲಿ ಕೂದಲಿನ ಆರೈಕೆಗೆ ಈ ಟಿಪ್ಸ್ ಕೂಡ ಪಾಲಿಸಿ

* ಒಂದು ಸ್ಪ್ರೇ ಬಾಟಲಿಗೆ ಕ್ರೀಮಿ ಕಂಡಿಷನರ್‌ ಹಾಕಿಟ್ಟು ಅದನ್ನು ತಲೆಗೆ ಸ್ಪ್ರೇ ಮಾಡಿ ತಲೆ ಬಾಚಿ, ಕೂದಲು ಹರಡಿಕೊಂಡಿರುತ್ತದೆ.

* ನೀವು ಹೇರ್‌ ಡ್ರೈಯರ್ ಬಳಸುತ್ತಿದ್ದರೆ 10 ಅಡಿ ದೂರ ಹಿಡಿಯಿರಿ, ಹೀಗೆ ಮಾಡಿದರೆ ಕೂದಲಿಗೆ ಹಾನಿಯಾಗುವುದು ತಡೆಗಟ್ಟಬಹುದು

* ಬಿಸಿಲಿನಲ್ಲಿ ಓಡಾಡುವಾಗ ತಲೆಗೆ ಕ್ಯಾಪ್‌ ಅಥವಾ ಬಟ್ಟೆ ಹಾಕಿ

* ವಾರದಲ್ಲಿ ಎರಡು ಬಾರಿ ಮೊಸರಿಗೆ ಸ್ವಲ್ಪ ಮೊಟ್ಟೆ ಮಿಕ್ಸ್ ಮಾಡಿ ತಲೆಗೆ ಹಚ್ಚಿ ತಲೆ ತೊಳೆಯಿರಿ.

ಈ ರೀತಿಯ ಆರೈಕೆಯಿಂದ ಚಳಿಗಾಲದಲ್ಲಿ ನಿಮ್ಮ ಕೂದಲಿನ ಸೌಂದರ್ಯ ಹಾಗೂ ಆರೋಗ್ಯ ಕಾಪಾಡಬಹುದು.