ಕೂದಲ ಉದುರುವುದು ತಡೆಗಟ್ಟಲು ದಾಸವಾಳದ ಎಣ್ಣೆ ಮಾಡುವುದು ಹೇಗೆ?

ದಾಸವಾಳ ಕೂದಲಿಗೆ ಒಳ್ಳೆಯದು ಏಕೆ?

ದಾಸವಾಳ ಹೂವಿನಲ್ಲಿ ನೈಸರ್ಗಿಕವಾಗಿ ಅಮೈನೋ - ಆಮ್ಲಗಳು ಹೆಚ್ಚಾಗಿದ್ದು, ಕೂದಲಿನ ಬೇರುಗಳಿಗೆ ಅಗತ್ಯವಾಗಿ ಬೇಕಾದ ಪೌಷ್ಟಿಕ ಸತ್ವಗಳು ದಾಸವಾಳದಲ್ಲಿ ಸಿಗುತ್ತವೆ. ಇದರಿಂದ ತಲೆ ಕೂದಲಿನ ಬೆಳವಣಿಗೆ ವೃದ್ಧಿಯಾಗುತ್ತದೆ. ದಾಸವಾಳದಲ್ಲಿ ಕಂಡು ಬರುವ ಅಮೈನೋ ಆಮ್ಲದ ಕೆಲಸವನ್ನು ನೋಡುವುದಾದರೆ ತಲೆ ಕೂದಲಿನ ಪ್ರಮುಖ ಅಂಶ ಎಂದು ಗುರುತಿಸಿಕೊಂಡ ಕೆರಟಿನ್ ಪ್ರೋಟೀನ್ ಅಂಶವನ್ನು ಹೆಚ್ಚು ಮಾಡುತ್ತದೆ.

ಒಂದೊಂದು ಕೂದಲಿನ ಮೇಲೆ ಕೆರಟಿನ್ ಅಂಶ ಶೇಖರಣೆ ಆಗಿರುವುದರಿಂದ ನಮ್ಮ ಕೂದಲು ಅರ್ಧಕ್ಕೆ ಮುರಿದುಕೊಳ್ಳುವುದು ತಪ್ಪುತ್ತದೆ ಮತ್ತು ತಲೆ ಕೂದಲು ಹೆಚ್ಚು ಸದೃಢವಾಗಿ ಇರುತ್ತದೆ. ದಾಸವಾಳ ಹೂವು ಮತ್ತು ಎಲೆಗಳಲ್ಲಿ ನಮ್ಮ ತಲೆ ಕೂದಲಿಗೆ ನೈಸರ್ಗಿಕವಾಗಿ ಕಂಡೀಷನರ್ ರೀತಿ ಕೆಲಸ ಮಾಡುವ ಗುಣ ಲಕ್ಷಣಗಳಿವೆ.

ಹಾಗಾಗಿ ಬಹಳ ಹಿಂದಿನಿಂದಲೂ ಕೂದಲಿನ ಆರೋಗ್ಯದ ವಿಚಾರಕ್ಕೆ ಬಂದರೆ ದಾಸವಾಳ ಎಣ್ಣೆಗೆ ಇಂದಿಗೂ ಕೂಡ ಅತಿ ಹೆಚ್ಚು ಮೌಲ್ಯವಿದೆ. ಉತ್ತಮ ತಲೆ ಕೂದಲಿನ ಬೆಳವಣಿಗೆಗಾಗಿ ಮನೆಯಲ್ಲಿ ಸ್ವತಹ ನೀವೇ ದಾಸವಾಳ ಎಣ್ಣೆಯನ್ನು ತಯಾರು ಮಾಡಿಕೊಳ್ಳಬಹುದು.

ದಾಸವಾಳ ಎಣ್ಣೆ ತಯಾರು ಮಾಡಿಕೊಳ್ಳಲು ನಿಮಗೆ ಬೇಕಾದ ಸಾಮಗ್ರಿಗಳು

1 ಕಪ್ ತೆಂಗಿನೆಣ್ಣೆ

ಸುಮಾರು 8 ದಾಸವಾಳ ಹೂವುಗಳು

ಸುಮಾರು 8 ದಾಸವಾಳ ಎಲೆಗಳು

ಈಗ ದಾಸವಾಳ ಎಣ್ಣೆಯನ್ನು ತಯಾರು ಮಾಡುವ ವಿಧಾನವನ್ನು ನೋಡೋಣ

ಹಂತ - 1 : -

ಮೊದಲಿಗೆ ನೀವು ತೆಗೆದುಕೊಂಡ 8 ದಾಸವಾಳ ಹೂವುಗಳು ಮತ್ತು 8 ದಾಸವಾಳ ಎಲೆಗಳನ್ನು ಒಂದು ಮಿಕ್ಸರ್ ಗ್ರೈಂಡರ್ ನಲ್ಲಿ ಹಾಕಿ ಚೆನ್ನಾಗಿ ರುಬ್ಬಿ ಪೇಸ್ಟ್ ತಯಾರು ಮಾಡಿಕೊಳ್ಳಬೇಕು.

ಹಂತ - 2 : -

ಬೇರೆ ಇನ್ನೊಂದು ಪಾತ್ರೆಯಲ್ಲಿ 1 ಕಪ್ ತೆಂಗಿನ ಎಣ್ಣೆಯನ್ನು ಬಿಸಿ ಮಾಡಿಕೊಂಡು ದಾಸವಾಳದ ಪೇಸ್ಟ್ ಗೆ ಬೆರೆಸಬೇಕು.

ಹಂತ - 3 : -

ಈ ಮಿಶ್ರಣವನ್ನು ಚೆನ್ನಾಗಿ ಬಿಸಿ ಮಾಡಿ ನಂತರ ಸ್ವಲ್ಪ ಹೊತ್ತು ತಣ್ಣಗಾಗಲು ಬಿಡಿ

ಹಂತ - 4 : -

ಈಗ ತಲೆ ಕೂದಲಿಗೆ ಬಳಕೆ ಮಾಡಲು ದಾಸವಾಳದ ಎಣ್ಣೆ ತಯಾರಾಗಿದೆ. ಇದನ್ನು ಸುಮಾರು 10 ನಿಮಿಷಗಳ ಕಾಲ ನಿಮ್ಮ ತಲೆಯ ನೆತ್ತಿಯ ಭಾಗಕ್ಕೆ ಚೆನ್ನಾಗಿ ಮಸಾಜ್ ಮಾಡಿ ಸುಮಾರು 30 ನಿಮಿಷಗಳು ಹಾಗೆ ಬಿಡಿ.

ಹಂತ - 5 : -

ಈಗ ನಿಮ್ಮ ತಲೆ ಕೂದಲನ್ನು ಮತ್ತು ನೆತ್ತಿಯ ಭಾಗವನ್ನು ಶಾಂಪೂ ಮತ್ತು ಉಗುರು ಬೆಚ್ಚಗಿನ ನೀರಿನೊಂದಿಗೆ ತೊಳೆದುಕೊಳ್ಳಿ.

ನೀವು ಬೇಕಾದರೆ ತೆಂಗಿನೆಣ್ಣೆ ಬದಲಿಗೆ ಇಲ್ಲಿ ಆಲಿವ್ ಆಯಿಲ್ ಅಥವಾ ಬಾದಾಮಿ ಎಣ್ಣೆ ಬಳಕೆ ಮಾಡಬಹುದು. ಮುಂದಿನ ಬಳಕೆಗಾಗಿ ನೀವು ಇದನ್ನು ಒಂದು ಗ್ಲಾಸ್ ಕಂಟೈನರ್ ನಲ್ಲಿ ಹಾಕಿ ಎತ್ತಿಡಬಹುದು.

ಹೇಗೆ ಬಳಸಬೇಕು?

ನೀವು ಇಡೀ ರಾತ್ರಿ ನಿಮ್ಮ ತಲೆ ಕೂದಲಿಗೆ ದಾಸವಾಳದ ಹೇರ್ ಆಯಿಲ್ ಅನ್ವಯಿಸುವುದಾದರೆ ನೀವು ಮಲಗಿಕೊಳ್ಳುವ ಸಂದರ್ಭದಲ್ಲಿ ವಾರದಲ್ಲಿ ಒಂದು ಬಾರಿ ತಲೆಗೆ ಹಚ್ಚಿ ಐದಾರು ನಿಮಿಷಗಳ ಕಾಲ ಚೆನ್ನಾಗಿ ಮಸಾಜ್ ಮಾಡಿ ಕೂದಲಿನ ಸೌಂದರ್ಯ ಮತ್ತು ಹೊಳಪನ್ನು ಹೆಚ್ಚಿಸಿಕೊಳ್ಳಬಹುದು. ನಿಮಗೆ ಹೇರ್ ಸ್ಪಾ ರೀತಿಯ ಅನುಭವ ಉಂಟಾಗಬೇಕಾದರೆ ಒಂದು ಕಾಟನ್ ಟವಲ್ ತೆಗೆದುಕೊಂಡು ಅದನ್ನು ಬಿಸಿ ನೀರಿನಲ್ಲಿ ಅದ್ದಿ ಹಿಂಡಿ ತಲೆಗೆ ಎಣ್ಣೆ ಹಚ್ಚಿದ ಮೇಲೆ ಅದನ್ನು ತಲೆ ಕೂದಲಿನ ಸುತ್ತ ಸುತ್ತಿಕೊಳ್ಳಿ. ಟವಲ್ ಬಿಸಿ ಆಗಿರುವ ಕಾರಣ ದಾಸವಾಳದ ಎಣ್ಣೆ ನಿಮ್ಮ ತಲೆ ಕೂದಲಿನ ಬುಡದವರೆಗೆ ಸಾಕಷ್ಟು ಹೀರಿಕೊಳ್ಳಲು ಅನುವಾಗುತ್ತದೆ.

ಮೊದಲೇ ಹೇಳಿದಂತೆ ನೀವು ಕೆರಿಯರ್ ಆಯಿಲ್ ಆಗಿ ಕೇವಲ ಕೋಕನಟ್ ಆಯಿಲ್ ಮಾತ್ರ ಬಳಕೆ ಮಾಡಬೇಕು ಎಂದೇನಿಲ್ಲ. ಬದಲಿಗೆ ಆಲಿವ್ ಆಯಿಲ್ ಅಥವಾ ಆಲ್ಮಂಡ್ ಆಯಿಲ್ ಕೂಡ ಉಪಯೋಗಿಸಬಹುದು ಅಥವಾ ಮೂರನ್ನು ಒಟ್ಟಿಗೆ ಸೇರಿಸಿ ಸಹ ಬಳಸಬಹುದು. ನಿಮ್ಮ ಕೂದಲಿಗೆ ಅದ್ಭುತ ಮಾಯಿಸ್ಚರೈಸರ್ ಆಗಿ ಇದು ಕೆಲಸ ಮಾಡುತ್ತದೆ. ನಿಮ್ಮ ತಲೆ ಕೂದಲನ್ನು ಒಣಗದಂತೆ ನೋಡಿಕೊಂಡು ದೀರ್ಘ ಕಾಲ ಆರೋಗ್ಯಕರವಾಗಿ ಇರಿಸುತ್ತದೆ.