ಇವುಗಳನ್ನು ಖಾಲಿ ಹೊಟ್ಟೆಯಲ್ಲಿ ಸೇವಿಸಿದರೆ ಕೂದಲು ಸೊಂಪಾಗಿ ಬೆಳೆಯುತ್ತೆ

ಕರಿಬೇವು

ಇದರಲ್ಲಿ ವಿಟಮಿನ್‌ ಸಿ ಇರುವುದರಿಂದ ಕೂದಲು ಉದುರುವುದು ಕಡಿಮೆಯಾಗುವುದು. ಅಲ್ಲದೆ ಕೊಲೆಸ್ಟ್ರಾಲ್‌, ಮೈ ಬೊಜ್ಜು ನಿಯಂತ್ರಣದಲ್ಲಿಡಲು ಕೂಡ ಕರಿಬೇವು ತುಂಬಾ ಸಹಕಾರಿ. ದಿನಾ 3-4 ಕರಿಬೇವು ಖಾಲಿ ಹೊಟ್ಟೆಯಲ್ಲಿ ಸೇವಿಸಿ.

ಅಗಸೆ ಬೀಜ

ಕೂದಲಿನ ಆರೊಗ್ಯ ಹೆಚ್ಚಿಸುವ ಮತ್ತೊಂದು ಸೂಪರ್ ಫುಡ್ಸ್ ಅಂದರೆ ಫ್ಲ್ಯಾಕ್ಸಿ ಸೀಡ್‌ ಅಥವಾ ಅಗಸೆ ಬೀಜ. ಅಗಸೆ ಬೀಜವನ್ನು ರಾತ್ರಿ ನೆನೆ ಹಾಕಿ ಆ ನೀರನ್ನು ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ತೆಗೆದುಕೊಳ್ಳಿ. ಅಗಸೆ ಬೀಜ ಕೂಡ ಜಗಿದು ತಿನ್ನಬಹುದು.

ಕಹಿ ಬೇವಿನ ಎಲೆ

ಬೇವು ಕಹಿಯಾದರೂ ಆರೋಗ್ಯಕ್ಕೆ ಸಿಹಿ. ಇದನ್ನು ತಿನ್ನುವುದರಿಂದ ಮಧುಮೇಹ ಕೂಡ ನಿಯಂತ್ರಿಸಬಹುದು, ಹೊಟ್ಟೆಯ ಆರೋಗ್ಯಕ್ಕೆ ಒಳ್ಳೆಯದು, ಕೂದಲು ಸೊಂಪಾಗಿ ಬೆಳೆಯುವುದು. ಆದ್ದರಿಂದ ಕಹಿ ಬೇವನ್ನು ಯುಗಾದಿಗಷ್ಟೇ ಸೀಮಿತ ಮಾಡಬೇಡಿ, ದಿನಾ ತಿನ್ನಿ ಆರೋಗ್ಯ, ಕೂದಲು ಚೆನ್ನಾಗಿರುತ್ತೆ. ಎರಡು ಎಲೆ ತಿಂದರೆ ಸಾಕು.

ಎಳನೀರು

ಎಳನೀರನ್ನು ಖಾಲಿ ಹೊಟ್ಟೆಯಲ್ಲಿ ಸೇವಿಸುವುದರಿಂದ ಅನೇಕ ಪ್ರಯೋಜನಗಳನ್ನು ಪಡೆಯಬಹುದು. ಇದರಲ್ಲಿ ಖನಿಜಾಂಶಗಳು ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ಇದನ್ನು ಕುಡಿಯುವುದರಿಂದ ಕೂದಲು ಸೊಂಪಾಗಿ ಬೆಳೆಯುವುದು, ಮುಖದ ಕಾಂತಿಯೂ ಹೆಚ್ಚುವುದು.

ಸಿಟ್ರಸ್ ಆಹಾರ

ಸಿಟ್ರಸ್ ಆಹಾರದಲ್ಲಿ ವಿಟಮಿನ್ ಸಿ ಇರುತ್ತದೆ. ಇದು ಕೂದಲಿನ ಆರೈಕೆಗೆ ತುಂಬಾನೇ ಒಳ್ಳೆಯದು, ಅಲ್ಲದೆ ವಿಟಮಿನ್‌ ಸಿ ರೋಗ ನಿರೋಧಕ ಶಕ್ತಿಯನ್ನೂ ಹೆಚ್ಚಿಸುತ್ತದೆ, ಮುಖದ ಕಾಂತಿ ಹೆಚ್ಚಿಸಲು ಸಹಕಾರಿ.

ಕೊನೆಯದಾಗಿ: ಈ ಎಲ್ಲಾ ನೈಸರ್ಗಿಕ ವಸ್ತುಗಳನ್ನು ಮಿತಿಯಲ್ಲಿ ದಿನಾ ತಿಂದರೆ ಯಾವುದೇ ಅಡ್ಡಪರಿಣಾಮವಿಲ್ಲ ಸೊಂಪಾದ ಕೂದಲ ಜೊತೆಗೆ ಆರೋಗ್ಯ ಕೂಡ ವೃದ್ಧಿಸುವುದು.