ಕೂದಲು ಉದುರುವ ಸಮಸ್ಯೆ ಇದ್ದರೆ, ಖಾರ ಮೆಣಸು ಬಳಸಿ ನೋಡಿ!

ಆಲಿವ್ ತೈಲ ಮತ್ತು ಮೆಣಸು

ಬೇಕಾಗುವ ಸಾಮಗ್ರಿಗಳು

*1 ಕಪ್ ಆಲಿವ್ ತೈಲ

*5-6 ಮೆಣಸು

ತಯಾರಿಸುವ ವಿಧಾನ

•ಮೊದಲು ನೀವು ಮೆಣಸನ್ನು ಸಣ್ಣ ತುಂಡುಗಳನ್ನಾಗಿ ಮಾಡಿ.

•ಇದಕ್ಕೆ ಆಲಿವ್ ತೈಲ ಬೆರಸಿ ಮತ್ತು 10-15 ದಿನಗಳ ಕಾಲ ತಂಪಾದ ಜಾಗದಲ್ಲಿಡಿ.

•ಕೆಲವು ದಿನಗಳ ಬಳಿಕ ಸೋಸಿಕೊಂಡು ಮೆಣಸನ್ನು ಬೇರ್ಪಡಿಸಿ.

•ಈ ಎಣ್ಣೆಯ ಕೆಲವು ಹನಿ ಹಾಕಿಕೊಂಡು ಇದನ್ನು ಬುಡದಿಂದ ತುದಿಯ ತನಕ ಕೂದಲು ಮತ್ತು ತಲೆಬುರುಡೆಗೆ ಹಚ್ಚಿಕೊಳ್ಳಿ. ಒಂದು ಗಂಟೆ ಕಾಲ ಹಾಗೆ ಬಿಡಿ.

•ಶಾಂಪೂ ಬಳಸಿಕೊಂಡು ತೊಳೆಯಿರಿ. ವಾರದಲ್ಲಿ ಮೂರು ಸಲ ಹೀಗೆ ಮಾಡಿ.

ಹರಳೆಣ್ಣೆ ಮತ್ತು ಮೆಣಸು

ಬೇಕಾಗುವ ಸಾಮಗ್ರಿಗಳು

*1 ಕಪ್ ಹರಳೆಣ್ಣೆ

*2 ಚಮಚ ಮೆಣಸು

ತಯಾರಿಸುವ ವಿಧಾನ

•ಹರಳೆಣ್ಣೆ ಮತ್ತು ಮೆಣಸನ್ನು ಒಂದು ಜಾರ್ ಗೆ ಹಾಕಿಕೊಳ್ಳಿ

•ಇದನ್ನು ತಂಪಾದ ಜಾಗದಲ್ಲಿ ಇಡಿ ಮತ್ತು 2 ವಾರಗಳ ಕಾಲ ಬಿಸಿಲು ತಾಗದಂತೆ ಇಡಿ.

•ಬಳಿಕ ಒಂದು ಚಮಚ ಎಣ್ಣೆ ತೆಗೆದುಕೊಂಡು ಅದನ್ನು ಕೂದಲು ಹಾಗೂ ತಲೆಬುರುಡೆಗೆ ಹಚ್ಚಿಕೊಳ್ಳಿ.

•30-40 ನಿಮಿಷ ಕಾಲ ಹಾಗೆ ಬಿಡಿ. ಬಳಿಕ ಶಾಂಪೂ ಹಾಕಿ ತೊಳೆಯಿರಿ. ವಾರದಲ್ಲಿ 3-4 ಸಲ ಇದನ್ನು ಬಳಸಿ.

ಆ್ಯಪಲ್ ಸೀಡರ್ ವಿನೇಗರ್ ಮತ್ತು ಮೆಣಸಿನ ಸಾರ

ಬೇಕಾಗುವ ಸಾಮಗ್ರಿಗಳು

*1 ಚಮಚ ಆ್ಯಪಲ್ ಸೀಡರ್ ವಿನೇಗರ್

*1-2 ಹನಿ ಮೆಣಸಿನ ಸಾರ

ತಯಾರಿಸುವ ವಿಧಾನ

•ಒಂದು ಶುದ್ಧವಾದ ಪಿಂಗಾಣಿಯಲ್ಲಿ ಆ್ಯಪಲ್ ಸೀಡರ್ ವಿನೇಗರ್ ಮತ್ತು ಮೆಣಸಿನ ಸಾರ ಬೆರೆಸಿ.

•ಇದನ್ನು ತಲೆಬುರುಡೆ ಮತ್ತು ಕೂದಲಿಗೆ ಹಚ್ಚಿಕೊಳ್ಳಿ. ಬೆರಳುಗಳನ್ನು ಬಳಸಿಕೊಂಡು ವೃತ್ತಾಕಾರದಲ್ಲಿ ಮಸಾಜ್ ಮಾಡಿಕೊಳ್ಳಿ.

•ಕೆಲವು ನಿಮಿಷ ಕಾಲ ಇದು ಹಾಗೆ ಇರಲಿ ಮತ್ತು ಬಳಿಕ ಸಾಮಾನ್ಯ ನೀರಿನಿಂದ ತೊಳೆಯಿರಿ. ಉತ್ತಮ ಫಲಿತಾಂಶ ಪಡೆಯಲು ನೀವು ವಾರದಲ್ಲಿ ಒಂದು ಅಥವಾ ಎರಡು ಸಲ ಬಳಸಿ.

ತೆಂಗಿನೆಣ್ಣೆ ಮತ್ತು ಮೆಣಸು

ಬೇಕಾಗುವ ಸಾಮಗ್ರಿಗಳು

*½ ಕಪ್ ತೆಂಗಿನೆಣ್ಣೆ

*½ ಕಪ್ ಆಲಿವ್ ತೈಲ

*2 ಚಮಚ ಮೆಣಸಿನ ಹುಡಿ

ತಯಾರಿಸುವ ಕ್ರಮ

•ತೆಂಗಿನೆಣ್ಣೆ ಮತ್ತು ಮೆಣಸಿನ ಹುಡಿ ಮಿಶ್ರಣ ಮಾಡಿಕೊಂಡು ಗಾಜಿನ ಜಾರ್ ನಲ್ಲಿ ಹಾಕಿಡಿ.

•ಎರಡು ವಾರಗಳ ಕಾಲ ಬಿಸಿಲು ಬೀಳದಂತೆ ತಣ್ಣಗಿನ ಪ್ರದೇಶದಲ್ಲಿ ಇದನ್ನು ಇಡಬೇಕು.

•ಬಳಿಕ ಕೆಲವು ಹನಿ ಎಣ್ಣೆ ತೆಗೆದುಕೊಂಡು ಅದನ್ನು ಕೂದಲು ಮತ್ತು ತಲೆಬುರುಡೆಗೆ ಹಚ್ಚಿಕೊಳ್ಳಿ.

•30 ನಿಮಿಷ ಹಾಗೆ ಬಿಡಿ ಮತ್ತು ಶಾಂಪೂ ಹಾಕಿ ತೊಳೆಯಿರಿ.