ಕೂದಲು ಸೊಂಪಾಗಿ ಬೆಳೆಯಬೇಕೇ? ಶುಂಠಿ ಹೇರ್ ಪ್ಯಾಕ್ ಪ್ರಯತ್ನಿಸಿ

ಹಂತ1

ಸುಮಾರು ಮಧ್ಯಮ ಗಾತ್ರದ ಒಂದು ಹಸಿಶುಂಠಿಯ ಸಿಪ್ಪೆ ಸುಲಿದು ಚಿಕ್ಕದಾಗಿ ಕತ್ತರಿಸಿ ಜಜ್ಜಿ ಅರೆಯಿರಿ. ಬಳಿಕ ಸ್ವಚ್ಛ ಬಟ್ಟೆಯ ತುಂಡಿನಲ್ಲಿ ಇದನ್ನು ಹಿಂಡಿ ರಸವನ್ನು ಸಂಗ್ರಹಿಸಿ.

ಹಂತ 2

ಈ ರಸಕ್ಕೆ ಒಂದು ದೊಡ್ಡಚಮಚ ಬೆಣ್ಣೆಹಣ್ಣಿನ ಎಣ್ಣೆಯನ್ನು (avocado oil) ಹಾಕಿ ಮಿಶ್ರಣ ಮಾಡಿ. ಬೆಣ್ಣೆಹಣ್ಣಿನ ಎಣ್ಣೆಯಲ್ಲಿ ವಿಟಮಿನ್ ಬಿ ಕಾಂಪ್ಲೆಕ್ಸ್ ಹೆಚ್ಚಿನ ಪ್ರಮಾಣದಲ್ಲಿವೆ. ಅಲ್ಲದೇ ಅಮೈನೋ ಆಮ್ಲಗಳು, ಅವಶ್ಯಕ ಕೊಬ್ಬುಗಳು ಸಹಾ ಇದ್ದು ಕೂದಲ ಬೆಳವಣಿಗೆಗೆ ಸಹಕರಿಸುತ್ತವೆ.

ಹಂತ3

ಈ ಮಿಶ್ರಣಕ್ಕೆ ಅರ್ಧ ಕಪ್ ತೆಂಗಿನ ಹಾಲನ್ನು ಮಿಶ್ರಣ ಮಾಡಿ. ಕೊಬರಿಯಲ್ಲಿರುವ ಲಾರಿಕ್ ಆಮ್ಲ ಕೂದಲ ತುದಿಗಳು ಒಣಗಿದ್ದರೆ ಅಥವಾ ಸೀಳಿದ್ದರೆ ಇದನ್ನು ಸರಿಪಡಿಸಲು ನೆರವಾಗುತ್ತದೆ.

ಹಂತ 4

ಬಳಿಕ ಇದಕ್ಕೆ ಹತ್ತು ಹನಿ ಲಿಂಬೆರಸವನ್ನು ಸೇರಿಸಿ. ಲಿಂಬೆಯಲ್ಲಿರುವ ಸಿಟ್ರಿಕ್ ಆಮ್ಲ ಹಾಗೂ ವಿಟಮಿನ್ ಸಿ ತಲೆಯನ್ನು ಸ್ವಚ್ಛಗೊಳಿಸಿ ಸೋಂಕಿನಿಂದ ರಕ್ಷಿಸುತ್ತದೆ ಹಾಗೂ ಸೋಂಕು ಉಂಟುಮಾಡುವ ಬ್ಯಾಕ್ಟೀರಿಯಾಗಳಿಂದ ರಕ್ಷಿಸುತ್ತದೆ.

ಹಂತ 5

ಈ ಮಿಶ್ರಣವನ್ನು ಹೆಚ್ಚುವ ಮುನ್ನ ದೊಡ್ಡಹಲ್ಲುಗಳ ಬಾಚಣಿಗೆಯಿಂದ ತಲೆಯನ್ನು ಬಾಚಿಕೊಂಡು ಸಿಕ್ಕುಗಳನ್ನೆಲ್ಲಾ ಬಿಡಿಸಿಕೊಳ್ಳಿ. ಆದರೆ ಇದಕ್ಕೆ ಹೆಚ್ಚಿನ ಒತ್ತಡ ಹೇರಬೇಡಿ. ಇದರಿಂದ ಕೂದಲು ತುಂಡಾಗಬಹುದು.

ಹಂತ 6

ಬಳಿಕ ಈ ಮಿಶ್ರಣವನ್ನು ತಲೆಯ ಮೇಲೆ ಹಚ್ಚಿಕೊಂಡು ನಯವಾದ ಮಸಾಜ್ ಮೂಲಕ ಇಡಿಯ ತಲೆ ಅವರಿಸುವಂತೆ ಮಾಡಿ. ಸುಮಾರು ಐದರಿಂದ ಹತ್ತು ನಿಮಿಷಗಳ ಕಾಲ ಮಸಾಜ್ ಮಾಡಿ. ಮಸಾಜ್ ಮೂಲಕ ಈ ದ್ರವ ತಲೆಗೂದಲ ಬುಡಕ್ಕೆ ಇಳಿಯಲು ಸಾಧ್ಯವಾಗುತ್ತದೆ ಹಾಗೂ ರಕ್ತಸಂಚಾರ ಹೆಚ್ಚಿಸಲು ಪ್ರಚೋದನೆ ನೀಡುತ್ತದೆ.

ಹಂತ 7

ಈ ಲೇಪನ ಹಚ್ಚಿದ ಬಳಿಕ ಸುಮಾರು ಮುಕ್ಕಾಲು ಘಂಟೆ ಹಾಗೇ ಬಿಡಿ. ಬಳಿಕ ನಿಮ್ಮ ನಿತ್ಯದ ಸೌಮ್ಯ ಶಾಂಪೂ ಬಳಸಿ ತೊಳೆದುಕೊಳ್ಳಿ. ಅಗತ್ಯವೆನಿಸಿದರೆ ಮಾತ್ರ ರಾಸಾಯನಿಕಗಳಿಲ್ಲದ ಸೌಮ್ಯ ಕ್ಲೀನ್ಸರ್ ಬಳಸಿ.

ಹಂತ 8

ಸ್ನಾನದ ಬಳಿಕ ದಪ್ಪ ಟವೆಲ್ಲನ್ನು ಒತ್ತಿಕೊಂಡು ನೀರನ್ನು ಒರೆಸಿಕೊಳ್ಳಿ. ಇತರ ಸಮಯದಂತೆ ತಲೆಯನ್ನು ಉಜ್ಜಿಕೊಳ್ಳಲು ಹೋಗಬೇಡಿ. ಏಕೆಂದರೆ ಕೂದಲ ಬುಡಗಳು ಈಗ ತೀರಾ ಸಡಿಲವಾಗಿದ್ದು ಕೂದಲು ಸುಲಭವಾಗಿ ಕಳಚಿ ಬರುತ್ತವೆ. ಬಳಿಕ ತಲೆಯನ್ನು ಬಾಚದೇ ಹಾಗೇ ಒಣಗುವಂತೆ ಮಾಡಿ. ಪೂರ್ಣವಾಗಿ ಒಣಗಿದ ಬಳಿಕವೇ ಬಾಚಿಕೊಳ್ಳಿ.